قصيده فى حسين الحريتى

[مرزوق الصواغ]

ياحسين فوزك يشرفنا و نفخربه= وارجع واكرر واقول انه يشرفنا

والله هذه حقيقه ونتباشربه = اكبر فرح للقبيله مع تكاتفنا

كنا قبل لايكون الفوز نشعربه= متفائلين ابنجاجك من معا رفنا

لكن حقيقه عرفت اتقنن الحربه= صبت الهدف وانتهت بعلى مشارفنا

هذا نصيب الاسد والضربه الضربه= لله درك ثبت بالعز ماقفنا
الحر مثلك ينوظ وعارفن دربه= وانته عرفت الطريق اللى يطوفنا

عسا ك دايم وتاج العز تستربه= تستاهل الفوز هذا شى يتحفنا

لا نك رجل بالمواقف ساعة الكربه= فيك الشهامه وغير الزين ماشفنا

الكل يشهدعلى طيبك ويشكربه= والله ولله مالازم اتحلفنا

خدمت من جاك واللى عاش بالغربه= مشاعرك صادقه فاقت عواطفنا

يكفى تواضعك ويا اخلاقك الذربه= طيب المجاذب على شخصك اتعرفنا

ابوك ناصر وقار الطيب غزربه =والعم جمعان تشهد له صحايفنا

نذكر حسانيه والامثال تضربه= ابو محمد لياضاقت يصرفنا

والعود جدك علوم الخير تذكربه= حمولتن طيبه معها توالفنا

مجناك طيّب ومن واجبك تشهربه= هذا كلام الصراحه يوم وصفنا

وارجع مثل مابديت وصوتى اجهربه=فوزك شرف وانت بالمجلس اتشرفنا