قصيدة فليح الصواغ في رضى

[النوماس]

قصيدة فليح الصواغ في رضى :

ياراكب حر ٍ هميم ٍ اليافد $ $ $ يشدى ظليم طالع العصر لقاف

على رضى جتنا مزون ٍ لها سد $ $ $ دوق هواه ونوها غادىٍ ارداف

رشاشها ملح الكريزي يتراعد $ $ $ اليا سمعها اصمع القلب ينلاف

وردوا و صدرنا عليهم من العد $ $ $ مصدار ما هقيته نرجع اخلاف

اهم اجموعن تذهبك لو تعدد $ $ $ وحنا شوي مير بالهوِش ننشاف

رجلينا يركض على القوم ما صد $ $ $ وخيالنا الواحد كما دولة اشراف

وجانا الدهينه لارحم جده الجد $ $ $ مداد مير الظبي ترميه الاصداف

من ضرب صبيان العوازم تنكد $ $ $ ماصدق ان القوم تنوي بالانكاف

عود معيف خاطره عقب ما كد $ $ $ وعود معيف وخاطره عقب ماشاف

[عبدالله الصواغ]

السلام عليكم ورحمة الله وبركاته

لاهنت على النقل ورحم الله شاعرها واسكنه فسيح جناته ؛ لكن ارجو منك مراجعة القصيده واعادة كتابتها بالشكل الصحيح .

ولك خالص الشكر والتقدير .

[اللميعي]

بارك الله فيك على هذا النقل لهذه القصيده الجميل وكم


قال اخوي الصواغ باين فيها اخطاء مطبعيه

[غلا_ابوها]

يعطييك العاافيه عالقصيدة

[عبدالعزيز المحيلبي]

يعطيك العافية وما قصرت على القصيدة

[النوخذة]

الاخ الفاضل النوماس حياك الله ومشكور على المشاركه القيمه للشاعر الكبير فليح الصواغ رحمه الله 00

[النوماس]

السلام عليكم ورحمة الله وبركاته

الى ابنى عبدالله العجران الصواغ

--------------------------------------------------------------------------------

السلام عليك ورحمة الله وبركاته 0
اما بخصوص قصيدة فليح الصواغ أوردها كما هى على حسب ماوصلتنى 0
وحتى أكون امين على حلال الناس أروردها كما وصلتنى 0 واذا كان فيها نقص عليك بالا ستفسار من من يحفظها
للامانه العلميه نقلتها كما وصلتنى 0

[الخليفه]

مشكورين على الفوائد القيمه وعساكم على القوه

[ابو فهـد]

يعطيك العافيه النوماااس

[ابو عبدالله الصواغ]

لاهنت ياخوي على القصيده والله يرحم شاعرها فليح الصواغ ولاكن انا ماعرف القصيده كامله لاكن اعرف البعض منها وانشالله اني اقدر اوفي فيها وأوعدك انشالله اني احاول اجيبها من أي شخص يحفظ القصيده كامله ولاكن انا بكتب الي انا اعرفه ويمكن هذا يساعدك على التصحيح ومشكور يا النوماس .



قم يانديمي فوق من تنقل الشد ***** ركابها من قطعت البعد ماخاف

ركابها لسعود بالك يصدد ***** ابين من المومي على راس مشراف

على رضى جتنا جموع(ن) لها شد **** دوق هواها ونوها جاله ارداف

ملح الكريزي فيه قام إيترعد **** ورشه ليوحاه اصمع القلب ينلاف

واردم علينا وصدرنا مع العد ***** مصدار ماظنيتبه نرجع إخلاف

اهم جموع(ن) تذهب الي يعدد ***** وحنا شوي مير بالهوش ننشاف

رجلينا يركض على القوم ماصد **** وخيالنا الواحد كما دولة اشراف

يوم طيبك سرق يامحرق الجد ***** سرق المعزب فيك يلقا وينشاف

ابوك في ذبحت فهد وجهه اسود **** ولا النقا ماشيفلك فيه ميقاف

جبت الدهينه لارحم جدها الجد **** في نجد مير الظبي ترميه الأصداف

لو شاعفو لسعود لو دونهم خد ***** خطر(ن) على مبناه من هدم الأطراف

ياشيخ أبيلي فاطر(ن) تزعج البد **** هوج الركاب الي من الهجن مولاف

وابي عليها بندق(ن) مابها رد ***** عطيت(ن) ياشيخ تنقط وتنشاف

ولياعنيتلك ياطيب الخال والجد ***** عنيتلك في نجد وأهلي بالأسياف




وســــــــــــــــــــــلامـــــــــــــــتـــــــ ــــــــــكــــــــــــــم

[راعي الحرشه]

صح لسانك والله يرحم شاعرها
ويعطيك العافيه

[ابو عبدالله الصواغ]

صح بدانك ولاهنت طال عمرك

[الغريب]

السلام عليكم ورحمة الله وبركاتة

يعطيك العافية وما قصرت على القصيدة الرائعه

تحياتي

[النوماس]

أخوانى جميعا جزاكم الله خير على االأطراء الحسن 0 ولكن هذا واجب وليس لى فيه فضل 0 وانما الفضل لأصحاب هذه القصايد الله يرحمهم ويرحم أموات المسلمين جميعا 0
وتقبلوا تحياتى لكم جميعا
اخوكم النوماس

[المهيني]

صح لسانك ولاهنت

[خالد بن راشد الصواغ]

النوماس ابوعبدالله الصواغ الله لايهينكم وبيض الله وجيهكم ماقصرتوا
تقبلوا مروري وتقديري