من يمل الحر بالنار !؟

[ناجي]

السلام عليكم ورحمة الله وبركاته

اخواني - خواتي شعراء وأعضاء مجالسنا الكرام إليكم أهدي هذه القصيدة المتواضعه أمل أن تحوز على رضاكم


اشهد ان مولع القلب ماهو مستريح = وانه العاذل مسلط على بحثة خفاه
حب الأستطلاع والخبث والنهم الشفيح = بوصلة جمع المساوي على كل أتجاه
والجهل في الرجل مايعطي الحكم الصحيح = الظنون اظنون والنور بين من ضياه
من مدحني في فعولي عرفت انه صريح = من تجاوز قلت يحسب عباد الله فلاه
الخطاء محسوب والصح مثله لاتبيح = ومن طلع تقيا مصيره يعود للسفاه
دقق الموضوع والعنبره ماهي بشيح = وشف هدف من ذمني والله أعلم في خطاه
من مقاييس المذمه وميزان المديح = واثق من موقعي والولد يعرف مداه
قال مخطي قلت صايب وقمت أضحك واصيح = من كروت الأبريا عند بصمات الجناه
وان حسبت الصح صح انتكاسات تزيح= تطرد الخلان وان جاء الحساب لمنتهاه
منهم العدوان والأصدقاء عند النصيح= روح دور للسلف رد ياراعي العباه
من يملّ الحر بالنار ماهو بالفليح = ومن عرف مقدار نفسه تعالى عن عياه
آه من خف المشاريه والوجه البجيح= وناس تحسب سامي العرق ينزل مستواه
لابوجهي ياعصوف الدهر ما هب ريح = ولا نزل من هامة الضلع لو ذرة حصاه
لو زمنا شقلباني وصدات ونطيح = ماتغير موجة الوقت عالين الجباه
الرجال اللي تعد الخطا قبل المطيح= والعداء تخشى لقاها الليا أهتز الوجاه
بالحروف يقال قول قبيح مع مليح= وترجع الأقوال لاهل الكلام مع الرواه
الكرامه عزة النفس والقول الفصيح= وهمتك والواجبه والتعبد فالصلاه
والوفا عالي وتلقاه حصنٌ مايطيح = آه يالغالي ليا راح ماحصل هواه

ناجي العازمي