بخصوص الجامعة الخليجية في البحرين

[شوق]

بسم الله الرحمن الرحيم

شلونكم وشخباركم
اخواني انا افكر بأني ادرس في الجامعة الخليجية في البحرين فاذا في احد يدرس في هذي الجامعة فيليت يعطينا معلومات عن طريقة الدراسة وتكلفة البكارليوس و عدد الوحدات وهل صحيح ان عدد السنوات 3 فقط ؟
وشكرا لكم مقدما:

[راعي_القوده]

والله ماعندي خبر فيها بس انشالله يفيدونج الاخوان هني وانا احاول اسئلج عنها والله الموفق

[عبد العزيز عبد الله]

الدراسه تعتمد على اخر مؤهل دراسي حاصله عليه والماده الواحده ذات الثلاث ساعات تكلفتها 300 دينار بحريني

[عبدالله]

أختي العزيز

أولاً .... أتمنى أن تتأكدِ من الإعتراف بالجامعات البحرينية لأن تم توقيفها

ثانياً .... الساعة الدراسية للبكالريوس هي 100 دينار بحريني (أي 70 دينار كويتي) للفصل الواحد

ثالثاً .... أتمنى لو توافيني بالتخصص حتى أرى ماهي المده الدراسية

ووفق الله الجميع لما يحب ويرضى

[شوق]

شكرا لكم على الردود
اخي عبدالله انا حاصلة على دبلوم كمبيوتر من بعد الثنوية وابي اكمل تخصص هندسة كمبيوتر
علما اني رحت يوم الجمعة الي طاف وسجلت بالجامعة بس للأسف ما عطوني معلومات دقيقة عن التخصص والمواد والاعتراف بالجامعة

[فهد]

السلام عليكم

بالنسبة للجامعة الخليجية في مملكة البحرين معترف بها من قبل وزارة التعليم العالي في دولة الكويت ، وتم توقيفها الآن مؤقتا ، أما بالنسبة للطلبة سبق تسجيلهم قبل قرار التوقيف يستطيعون فتح ملفات لهم في وزارة التعليم العالي .
أما فيما يخص الرسوم قيمة المادة الواحدة 300 دينار كويتي 420 دينار بحريني لطلبة الماجستير أما البكالريوس إن لم تكن نفس الرسوم فليست ببعيدة عن قيمتها بكثير0

وهذا هو سايت الجامعة الخليجيةhttp://www.gulfuniversity.net/

وأنا حاضر لكل من يريد الإستفسار عن الجامعة الخليجية حيث أني أحد الدارسين فيها0

[شوق]

بما ان تم توقيفها مؤقتا هل تنصحني اني ادرس في الجامعه الى ان يتم الاعتراف ولا لأ

[فهد]

نعم أنصحك أن تدرسي بها إذا كانت لديك رغبة حقيقية بالدراسة ، لأن توقيف الإعتراف لن يستمر ، وحتى لو إنتهيتي من الدراسة والجامعة موقوفة سوف يتم الإعتراف بشهادتك عاجلا أم آجلا ، ولكن سوف يتم إلغاء قرار التوقيف قريبا إن شاء الله لأن قوانين التعليم العالي متغيرة وليست ثابتة0

[شوق]

انا سجلت بس للحين ما دقو علي شكلي بروحلهم على الاسبوع الجاي

[jaberkooo]

لا اتسجلـــــــــــــــــــــــــــــــــــــــــــــ ين اذا هم وقفووو الاعتراف فيها ؟؟ وانا كنت ابي اسجل ماجستير بس وقفت

[شوق]

انا سألت عنها وكل من قالي سجلي لأن ما ردهم راح يعترفون بالشهادة

[jaberkooo]

انا سألت عنها وكل من قالي سجلي لأن ما ردهم راح يعترفون بالشهادة

والله انا ماني امغامر ... الجامعات واجد .. اكاديمية المعادي اموقفين الاعتراف فيها من 2006 شهر 5 وللحيــــــــــــــــــن .. بس الطلبة الي سجلووو قبلها اعترفووو فيهم

[فهد]

بالنسبة لي أنصح جميع الجادين بتكميل دراستهم عدم الإلتفات لقرارت التعليم العالي لأ أي شخص يسمع كلامهم راح يضيع ويقضى على مستقبله خصوصا إذا كان يدرس في جامعات الخليج لأنها معتمدة من قبل مجلس التعاون الخليجي يعني الإعتراف بجميع جامعات الخليج إعتراف جماعي وليس فردي ، يعني وزارة التعليم العالي الكويتية لم تلغي الإعتراف ولكن منعت قبول الطلبة بالجامعات هذي مؤقتا0

[جراح العمر]

صحيح ان عدد السنوات 3 فقط ؟

نعم 3 سنوات الدراسه بالبحرين هذا اللي اعرفه وازيدج معلومات عن قريب ان شاءالله

[وحش]

اختي شوق انشالله افيدج و لو شويه...
اول شي بالنسبه للفلوس فالوحده حق الباكلريوس ب 108 دنانير بحريني
اما مدة الدراسه ما ادري بس اللي اعرفه انهم يحولون اكثر المواد لان اخوي الحين مقدم فيها و زعلان لانهم ما حولوله مواده كلها بس ليما الحين ما راحلهم بس ربعه يقول محوليلهم الدبلوم كامل يعني اذا حولولج السنتين راح تدرسين تقريبا سنتين.
طريقة الدراسه عندهم دوام منتظم اللي اهو كل يوم و عندهم دوام غير منتظم يعني الدوام بس جمعه و سبت و المحاضرات من الصبح ليي الليل بس التعليم العالي ما يعترفون بشهادات الدوام غير المنتظم ف الجامعه تعطي الطلبه اوراق على انهم دوام منتظم. و بالصج يداومون غير منتظم.
اما الاعتراف على اللي اعرفه ان اللي عنده قبول قبل تاريخ 14 - 7 اموره بالسليم :) و دام انتي ما قدمتي ليما الحين قدمي بسرعه لان الجامعات بالبحرين ليما الحين تطلع قبول بس تحط تواريخ قديمه, هذي سهله بس المشكله ان السفاره لازم توقع على اوراق القبول و ليما الحين ما ادري اذا يوقعون ولا لا.... بس على كلام اخوي يقول انشالله اي اهوا توه طالع قبوله بالجامعه و انشالله بيروح بعد 3 ايام يحاول انه السفاره توقعله... و على كلامه انه قايلينله لن الملحق الثقافي بالبحرين الحين حطو عازمي ف انشالله يوقعونله... و انشالله اول ما يرد من البحرين راح اقولج الاكيد اذا السفاره يوقعون ليما الحين ولا لا...
عقبها لازم تفتحين ملف بالتعليم العالي بس هذي ما ادري عنها اي شي بس اعتقد اذا السفاره موقعه ماكو مشكله.
اتمنى اني اكون فدتج

[وحش]

ااااااااااخر الاخبار :)
اختي شوق اخر الاخبار على الاعتراف بالجامعه و انشالله اخبار اكيده لان اخوي امس راجع من هناك...
اول شي اصحح الكلام اللي بالرساله السابقه الملحق الثقافي مو عازمي طلع الخبر غلط. الملحق اسمه منصور الفضلي و الكلام على لسان الملحق الثقافي....
ان الجامعه الخليجيه لم يلغى الاعتراف فيها لكن في بعض التخصصات عندهم اعداد طلبه كبيره مقارنه باعداد الدكاتره... ف عُلق الاعتراف فيها... مثل تخصص اخوي الي مقبول عليه اهو هندسه ميكانيكيه و عدد الطلبه بالجامعه 358 طالب بينما عدد الدكاتره 15 فقط بالتالي وقفو الاعتماد لطلبة الهندسه الميكانيكيه لمن يتخرج عدد من الطلبه و بعدين يفتحون مره ثانيه...

ما ادري شنو التخصصات الي موقفه و الي مو موقفه شنو بس لو تسالين التعليم العالي قبل لا تروحين احسلج... و حتى لو التخصص الي تبينه موقف الحين من رايي انج تدرسين الحين و لمن يفتح الاعتراف بالجامعه تفتحين ملف بالتعليم العالي...
انشالله اكون فدتج و الله يوفقج و نشوفج بروفسوره اد الدنيا :)

[عزم]

يعطيج العافية ياشوق وأطلب من الله سبحانه وتعالى أن يوفقج ويوفق من ينوي طلب العلم .
نصيحة خليج معزمة وملزمة على استكمال دراستج ولا تلتفتين للي يحبطون العزيمة,عموما هذه الجامعة أعترفوا فيها حاليا .
الله الموفق.

[سالم الشريع]

بسم الله الرحمن الرحيم

شلونكم وشخباركم
اخواني انا افكر بأني ادرس في الجامعة الخليجية في البحرين فاذا في احد يدرس في هذي الجامعة فيليت يعطينا معلومات عن طريقة الدراسة وتكلفة البكارليوس و عدد الوحدات وهل صحيح ان عدد السنوات 3 فقط ؟
وشكرا لكم مقدما:

هلا بإختنا شوق

أنا كنت عندهم في شهر 7 وأخذت منهم الجدول وكنت ناوي أدرس ماجستير محاسبة بس يوم رديت تم إيقاف الإعتراف فيها من قبل الكويت في بعض التخصصات ..

على العموم راح احاول أسي بالإسكنر الطلبات وأرفقهم في الموضوع علشان تعم الفائدة للكل ..

[عزوة غريب]

مساكم الله بالخير

الجامعه تقدر تاخذ فيها 4 كورسات بالسنه .. نظامين .. نظام منتظم و نظام انتساب سبت واحد كل اسبوعين .. ورسومها 70 دينار (( كويتي)) للوحده ..

ومن ناحية عدد المواد بالكورس تقدر تاخذ 6 مواد اذا داومت منتظم و انتساب ويا بعض يعني تنشق شق من ناحية الفلوس والدوام..

انا اداوم فيها والحمدالله معدلي زين .. الدكتور مايقصر وياك و يلخصلك كثر مايقدر ..

والتخصصات معترف فيها حاليا الا جم تخصص ... والجامعه ماشيه

واذا تبون شي عن الجامعه لا يردكم الا السانكم انا طالب هنااك

وبالتوفيق للجميع

[خالد القطان]

الغالي سعرها غالي ثانيا موقفين الاعتراف فيها ما تسووووووووووووووووووووووووى وشكررررررررررررررررررررررررررررررررررررررا لجهودك

[almokhanji]

مشكور ولاهنت

على هالمعلومات الطيبه

:)

[خالد القطان]

اخت شوق احسنلج كملي في الفلبين للحين التسجيل مفتوح والدراسة سهلة هناك احسنلج من البحرين الدراسة صعبه على قول الشباب الللي راحوا هناك ما يمدحونها واذا تبين اي مساعده حاضر