معيد في التطبيقي؟؟؟

[نور الدنيا]

السلااااااااااااااام عليكم


اذا واحد متخرج من كليه الهندسه شنو الشروط الي لازم تتوفر فيه علشان يصير معيد في التطبيقي ؟
ياليت الي يعرف يفييييييييدنااااااااااا
واشكر لكم مروركم

[عبدالرحمن بن عويمر الملعبي]

والله ما اعرف نظام المهاعد

وبأذن الله يدخل احد ويعلمك

تقبل مروري

[نور الدنيا]

شكرااااااااا على مروروك

[بقايا حب]

ان شاء الله يفيدك المهندس وليد القرشي لانه استاذ في كلية الدراسات التكنلوجية

[عبدالله بن كميخ]

انا افيدك تبي تعرف شلون تصير معيد بكتبلك كلمه وركز عليها ان سويتها تصير معيد

(الواااااااااااااااااااااااااااااااااااااااااااااا ااااااااااااااسطه)اذا عندك تصير معيد

خذ الكلام اللي يجمد على الشارب

[سارة]

عندي ايميل دكتور منتدب جديد عندنا بالتطبيقي و اكيد بيفيدك لانه مجرب

اذا تبيه دزلي رساله خاص و اعطيك الايميل و تراه خوش دكتور حبوب و اخلاقه عاليه و بدوي

[محمد البريـكي]

اخوي العزيز سألت عن موضوعك وهذي الشروط

1- يجب توافر الخبرة في بعض الاماكن سنتين وفي بعضها خمس سنوات يعتمد على حسب تخصصك .

2- يجب ان يكون معدلك في بعض الاماكن 3 نقاط وفي بعضها 3.65 نقطه .

3- يتقدم تقريبا 200 شخص ويقبل منهم 4 اشخاص يعني ( واسطه بعد توافر الشروط فقط )

سامحنا على القصور أنا سألت معيد بالتطبيقي وسألني اول عن تخصصك وقلتله لا اعرف وسألني عن تكون جديد ولا خبره وقلت ماعرف فأعطاني الزبده الي فوق وشكرا

[عبدالله]

الأخت الفاضلة نور الدنيا

طبعاً من التطبيقي ينقسم لقسمن .... كليات ومعاهد

الكليات لا تقبل سوى حملة الماجستير وما فوق

واما المعاهد فتطلب جملة البكالريوس ... وشروط هي كما يلي

1- معدل بتقدير جيد جداً
2- حاصل على الـicdl
3- خبرة لا تقل عن سنتين أم ثلاث
4- يجتاز المقابلة الشخصية


ونتمنى لك التوفيق

[نور الدنيا]

ساره <<<<<< يعطيج الف عافيه على المساعده واشكر لج مرورج واذا احتجت الايميل ماراح تقصرين معاي
محمد بن عقله >>>>> يعطيك العافيه وبالنسبه للتخصص كمبيوتر واهو على وشك تخرج باقي كورس بس وماعنده خبره كلش ومعدله فوق ال3 بس اقل من 3ونص
عبدالله <<<<<<<< يعطيك الف عافيه واشكر لك مرورك

[الاستاذ مهندس وليد القرشي]

خبره 4 سنوات

مجموعة واسطات

تحياتي

[سارة]

اختي نور

جريدة الوطن في تاريخ 6 يوليو كاتبين فيها الهيئة العامة للتعليم التطبيقي و التدريب التطبيقي إعلان عن حاجتها لمدرسين و مدرسات في مختلف كلياتها

و التفاصيل في صفحه 20 من الجريده


و اتمنى لج التوفيق

[ابو فهـد]

السـلام عليكم

بالنسبـة للهندسـة فيوجـد معيـد بحثـة للماجستيـر بالتكلنولوجيـا

والشـروط

1- معدل عام فوق 3 نقـاط من سلـم الاربع نقـاط

2- اجتيـاز مقابلـة القسـم بنجـاح

فقـط ومن ثـم مقابلـة العمادة وهي للمفاضلـة واعتمـاد مقابلـة القسـم وهي الاهـم

وبالنسبـة للـ icdl فانهـا عند الانتهـاء من البعثـة لابـد ان تكون حاصل عليها

[ابو فهـد]

الأخت الفاضلة نور الدنيا

طبعاً من التطبيقي ينقسم لقسمن .... كليات ومعاهد

الكليات لا تقبل سوى حملة الماجستير وما فوق

واما المعاهد فتطلب جملة البكالريوس ... وشروط هي كما يلي

1- معدل بتقدير جيد جداً
2- حاصل على الـicdl
3- خبرة لا تقل عن سنتين أم ثلاث
4- يجتاز المقابلة الشخصية


ونتمنى لك التوفيق



تعقيـب بسيـط

معيـد بعثـة اي حاصل على البكالريوس ومن ثم البعثه للماجستير او الدكتوراه

بعكس التعيين

فيوجد كادر عام وكادر اعضاء هيئة تدريس وهو للمعيد بعثه

الاهم معدل عام فوق 3 نقاط والتخصص طبعا

وسلامتك

[jaberkooo]

؟؟؟؟ انت تبي اتصــــــــــير معيــــد ولا يدزوووونك بعـــــثة ؟؟؟


اعتقد معيد سهلة .. بس تتعين على بند المكـــافات ... ويعتمد على حسب الجامعة الي متخرج منــــها يعني جامعة الكويـــت غيـــــــــــــر عن سلوفـــــــــــــكيا :) ولازم جيـــــــــــد جداا

بس بعثــــة اذا ثبت نفسك ان شاء الله خيــــــــــر

[Eng]

دام ابو فهد هني ما اقدر اعقب على اي شي

لكن كل اللي اقدر افيدك فيه هو التالي

اولا : التوفيق من الله

ثانيا: اذا معدلك اقل من 3 ماراح تنقبل لو تجيب منو

ثالثا: لازم جامعتك تكون قويه مثل جامعة الكويت او جامعات امريكا

رابعا: الخبره تخدمك نوعا ما بس مو شي اساسي

خامسا: لازم تسوي سيره ذاتيه لنفسك بشكل ممتاز

سادسا: راح تنسأل عن سيرتك الذاتيه يعني اذا كتبت حجي فاضي راح تطلع بره

سابعا: راجع الاشياء الاساسيه في دراستك لانهم راح يسألون عنها

ثامنا: الثقه بالنفس لان المقابلات هي عباره عن فرز للشخصيه القويه

تاسعا: اذا اهتميت بالواسطه قبل كل شي راح اوعدك انك لو تقدم مليار مره ماراح تنقبل ابدا

عاشرا: الواسطه الوحيده اللي (يمكن يمكن يمكن يمكن) تفيدك هو احد افراد لجنة المقابله

عموما اكثر اللي اعرفهم راحوا من غير واسطه واللي عنده كلام غير هذا يراجعني


وهالموقع راح يفيدك باذن الله

http://www.paaet.edu.kw/scholarship-07.htm

وما اقدر افيدك اكثر من هذا لان الدكتور ابو فهد موجود والعين ما تعلى عالحاجب :)