هاك النهار وهاك باقي قصايدي أحرق بها ,, الصفراء,,

[ناجي]

أخواني أعضاء منتدانا الشامخ

أسعد الله أوقاتكم بالخير والمسرات

أن للذكرى والقلم حنين وحضور خاص 0 وللشعر في مشاعركم تواجد جميل0 إليكم هذه المتواضعه أمام

شموخكم أمل أن تنال منكم الرضى ,ان ترقى إلى اذواقكم الراقيه



مسكت القلم ليلة خميس سريتها = سهران افكر في ليال قضيتها
فيها كلامي بين فكري وناظري = بوحي لصمتي قصتي ماحكيتها
اشاهد الذكرى على شاشة النيا = الا ليتني ما عدت ذكرىً عديتها
او انها تحذف بعد ماتبرمجت = من الذاكره او ليتني مالقيتها
او اني ابداها حقيقه ولا انتهي = واعيشها واقع مثل ما مضيتها
وارجع امسي ثم اعود ال سعادتي= وارد الحياه اللي مرضت وحييتها
واجيب الهنوف اللي تشاغب مشاعري = تداعت لها روحي ولو ما دعيتها
الجادل اللي عاثر الحظ دونها = تهاوى النصيب ونزح البعد بيتها
الجادل اللي سلت الروح بالجسد = ذبحني غلاها بالغرام ونعيتها
لها همس في سمعي ونبض بخافقي = وعبيرا مع انفاس الهواء لا انتشيتها
تفاصيلها قدام عيني تجسدت = كما جسدت بنت الكحيله وصيتها
اشوفها تمشي وتحكي وتنثني = تغضي وتمضي تبتسم لو حديتها
كعوبا لعوبا ظاهره ثم ظامره = هي المظلمه والمشرقه لا احتويتها
هي الفاتنه فيما بدى من وصوفها= هي الماهره والساحره لوغويتها
هي اللي بقيت اروح وارجع لحيها = تهز الظلوع الراغبه في مبيتها
هي اللي من امس اشاهد اطلال ذكرها = على البال رمزوصورة ما محيتها
رسمتها لوكنت مقتول شمسها = أوااه من جمرة ظميرا كنيتها
اخفيتها بأقصى الضلوع وتمكنت = وبقت جمرة تأكل حشاي وكميتها
أواااه من حزن توغل بمهجتي = لو اضحك وامازح عيشتي ما اهتنيتها
اوااه لاصاحب وثيق ان شكيت له = ولا صاحبه تغني عن اللى هويتها
وكاد ان هاك اليوم ولى ولا انقضى = بقى ما انتهى بأحداث صفراءً بغيتها
وقفت امس مع قبل امس مع قبل قابله = من ايام كنت وجيتي يوم جيتها
بهاك النهار اللي خذيته وسج بي = وغوت فيه بعض اروايتي لو رويتها
هاك النهار اللي به الشوق هزني = هاك النهار اللي بداية بديتها
هاك النهار اللي حلاته معالمه = أمانيه وآماله شروط رضيتها
هاك النهار اللي على الخد باسمه = وعلى الغرتين وحمرته ماغويتها
هاك النهار اللي لمحته بناظري = على عينه اليسرى رسوم رأيتها
هاك النهار اللي على اطراف حاجبي = وصوفه ونفسي لو رمتني رميتها
هاك النهار اللي تملك مشاعري = أخذني هيامه للهجوس وصحيتها
هاك النهار اللي طلع في قصايدي = وانا كان مالي بالبحور وقليتها
هاك النهار الله لايرحم الهواء = عزيزه ذليل وجذوته واصطليتها
هاك النهار وهاك باقي قصايدي = احرق بها من عقب صفراً بكيتها

ناجي العازمي