ما اخترت حظي ولا انت بكبرك اخترتك

[محسن المحيلبي]

ما اخترت حظي ولا انت بكبرك اخترتك






مااخترت حظي ولا انت بكبرك اخترتك=الحـظ قسمـه . وفيـك الله عنـانـي
ما احد ٍ جبرني ولا الايام جابرتك=بالحـب مافيـه واحـد يجبـر الثانـي
الوصل شعره وهي بالوجـه عاذرتـك=في قطعها كـل يوميـن ٍ تحدانـي
بذكـرك كـان خانـت فيـك ذاكرتـك=من قبل لاتروح فـي دربـك وتنسانـي
نسيـت سـود الليالـي يـوم بعثرتـك=لمّيتـك وويـن مـا طالعـت تلقـانـي
مكسور خاطر وانـا جيتـك وجبرتـك=من دافع الحب جيـت ودافـع انسانـي
خليـت لـك قيمـه وشلتـك وقدرتـك=قاسمتك الهم واحزانـك هـي احزانـي
صغير قـدر وحشمتـك ليـن كبرتـك=عزيـت شانـك وخليتـه مثـل شانـي
ماكنت اصدق علـي هالحـال آخرتـك=من عقب ما كنت فـي حلمـك تمنانـي
نفذ وعودك بهجـرك واقطـع شعرتـك=درب ٍ معه جيت عنك بعيد وداني
ما انت بخسـاره ولا الايـام ذاخرتـك=ولا اذكر حدا والدينـي فيـك وصانـي





محسن المحيلبي