فرحان محمد
23-09-2008, 08:49 PM
يامدمي فؤادي صدتك مالها تبرير=خف الله بعيون ن كحل هجرك أعماهن
دخيلك ترفق بي تراني عليك أغير=أخاف القلوب يغيّر الصد مبداهن
عليك الخفوق يحن ليل وضحا وعصير=وعليك الجروح اللي بالأعماق شكواهن
غرامك سبا قلب ن غدى في هواك أسير=وجمالك تمخطر قدم الأعيان وأغواهن
تجرأ وتاخذ ياصغيّر حقوق الغير=ملكت القلوب الخضر وأزريت ترعاهن
قلوب ن تظيق وتمتلي هم لين تحير=وقلوب ن من الهجران ياعظم بلواهن
هويتك ولافكرت في يوم بالتغيير=ورغم الجفا لازلت في حبك أراهن
وأنا خابر إنك داله ن في غيابك ، مير=لعل البيوت تذكّرك يوم تقراهن
تناجيك نفس ن سرها دافنه في بير=لعلك تجي وأقدامك تسرّع إخطاهن
لعلك عقب غيبتك فيني تسوّي خير=وتروّا عيون ن منك يامكثر إبكاهن
أبشاهدك ( لبى عيون ن هدبهن غير )=إليا ناظرني ظعت وأزريت لأقواهن
أبوصفك لكن يعجز الوصف والتعبير=مزاياك مدري كيف ومنين أببداهن
أخاف أنحرف لاجيت أبوصفك يوم تسير=ماودي على أذنب والحدود أتعداهن
لأن القصيد بحظرتك يعشق التبذير=ولأنك فتن والله رحمنا وغطاهن
لكنك نزيه الطبع من يوم كنت صغير=عفيف وفعول أهل الرذيله تحاشاهن
يامدمي فؤادي والله إني عليك أغير=خف الله بعيون ن كحل هجرك أعماهن
دخيلك ترفق بي تراني عليك أغير=أخاف القلوب يغيّر الصد مبداهن
عليك الخفوق يحن ليل وضحا وعصير=وعليك الجروح اللي بالأعماق شكواهن
غرامك سبا قلب ن غدى في هواك أسير=وجمالك تمخطر قدم الأعيان وأغواهن
تجرأ وتاخذ ياصغيّر حقوق الغير=ملكت القلوب الخضر وأزريت ترعاهن
قلوب ن تظيق وتمتلي هم لين تحير=وقلوب ن من الهجران ياعظم بلواهن
هويتك ولافكرت في يوم بالتغيير=ورغم الجفا لازلت في حبك أراهن
وأنا خابر إنك داله ن في غيابك ، مير=لعل البيوت تذكّرك يوم تقراهن
تناجيك نفس ن سرها دافنه في بير=لعلك تجي وأقدامك تسرّع إخطاهن
لعلك عقب غيبتك فيني تسوّي خير=وتروّا عيون ن منك يامكثر إبكاهن
أبشاهدك ( لبى عيون ن هدبهن غير )=إليا ناظرني ظعت وأزريت لأقواهن
أبوصفك لكن يعجز الوصف والتعبير=مزاياك مدري كيف ومنين أببداهن
أخاف أنحرف لاجيت أبوصفك يوم تسير=ماودي على أذنب والحدود أتعداهن
لأن القصيد بحظرتك يعشق التبذير=ولأنك فتن والله رحمنا وغطاهن
لكنك نزيه الطبع من يوم كنت صغير=عفيف وفعول أهل الرذيله تحاشاهن
يامدمي فؤادي والله إني عليك أغير=خف الله بعيون ن كحل هجرك أعماهن