معلومات عن جامعه الفلبين باذن الله تكفيك عن كل شي

[حلالي]

....... للعلم انا عازمي وراعي المكتب شمري والله مابيني وبينه اي صله لاقريب ولا بعيد وهاذا الي حصل ........

ياشباب يعطيكم العافيه علي هالموضوع وانا من الناس الي انشالله كورس شهر 10 هاذا ومن الناس الي سجلوو عند مكتب الرقعي ويعلم الله اني ماذخرت علي اي شخص طلب مني انه يدرس او دق علي وحبيت اقولكم ان راعي المكتب الي برقعي الله يجزااه خير يبي يسوي لنا ورقه فيهاا اسامي الشقق الفندقيه الي يسكنون فيها الطلبه الكويتين وهي راقيه ورخيصه ورقم المندوب الي يساعد الطلبه اذا احتاجو اي مساعده واعتقد سوداني او مصري والله مو ذاكر .. ورقمه اهو.. لانه اهو خريج هالكورس الجاي وهو للامانه مايقصر ورايته بيضه ....... وماراح انساكم انشالله بجيب الورقه ولو اني ماعرف شلون بنسخها اهنيه لكن باذن الله محلوله


<<<<<<<<<<<<<<<<<<<<<<<<

معلومات السكن والصرف والمطاعم والبخاشيش


عن السكن قال ترا ان اللفنادق انواع و ونجوم يعني يكون بسيبو ثلاث نجوم لكن ارقى من فنادق الكويت يعني لاتقرك النجمه لما اسولفلك عنها بعضهن يكون ثلاث نجوم لكن احلاا من ابو اربع او خمس نجوم بنفس الجزيره علي حسب

وقال اغلى فندق وهو فندق ومنتجع ومجمع تجاري الليله فيه بالكثير 24 دينار كويتيي يعني نصيحه لاحد يحجز منيي
يعني الدوله رخيصه حييل وقال انه ابعد مكان يوديك التكسي بالجزيره نفسها تقريبا 750 فلس
ويوجد مطاعم ماكدونالدز والمطاعم السريعه الاخري وستار بوكس وقال انه سعرهم نص السعر اهنى واكو مطاعم واجد والاكل الي بالجزيره بحري

وعملتهم نفس سعر العمله السوريه والتايلنديه يعني الي يعرف لعمله سوريا او تايلند ماراح يتعقد بصرف والمعامله لان الاف سيبوو 6 دننانير ك د
لكن الاف عندهم يسوي شغل يعني البغشيش انا اذكر الي راح يسجل ومارضو يسجلونه قالوله طافك التسجيل دفعلهم ميتين دولارللجامعه وتراك مفسقهم بالحيل والبغاشيش للعمال والناس الي جذي 100 سيبو يعني نص دينار او 50 سيبو يعني ربع انت وعطيتك له

<<<<<<<<<<<<<<<<<<<<<<<<<<<<<<<<

االتسجيل اهني عند المكتب

الي يبي يسجل يروح الفلبين او شخص يسجله اهو حر والي يبي يسجل عن طريق المكتب الي خلف مجمع الرقعي بضبط ...........................
هذولا الطلبات

التسجيل يطلب منكم صوره 4*6 الخلفيه خضرا و750 دينار... للعموم وصوره لدبلوم فوق الثانويه كشف درجات وصوره للجواز .......
للثانويه شهاده الثانويه بالغه الانجليزيه وصوره الجواز ...... والمعهد اربع سنين هم صوره الشهاده بالانجليزي وكشف الدرجات بالانجليزي وصوره الجواز .........


وترا الرسوم حقت الجامعه مايتعدون 200دينااار لكن الرجال ياخذ منك هالمبلغ انتم تعرفون تعبه والله يرزقه ويرزق غيره لكن الجامعه تكلف عليك مثل ماقلتلكم بالكورس يعني قول تقريبا تقريباا تاخذ 200 دينار حق الكورس و الكورس الجاي 100 يعني 300 بس رسوم كورس حالي وكورس مستقبلي


وللعلم ترا المعاهد الي اقل من رابعه ثانوي او شهاده السعوديه لازم ياخذ طلب من التعليم الخاص انه يدرس برا بالفلبين انا بصرااحه شفت اخوي ورفيجه يسونه وهاذا قرار ولا ترا مايعتمدونه من التعليم العالي الا بالورقه من التعليم الخاص ........
الحين تكلمنا عن السكن وعن الجامعه وانا ترا هندسه مكنيك غيره للاسف ماعرف ولا سئلته ..............................

<<<<<<<<<<<<<<<<<<<<<<<<<<<<<<<<<<<<<<<<<<<

الحين سالفت التصديق للشهايد بالكويت

بخصوص الاوراق وتصديقهم انا بصرااحه مافهمت شنو المقصود فييهم لكن الي بسويه والناس يمكن مايدرون عنه او مسوينه البعض اهوو تاخذ اوراقك وتروح السفاره الخارجيه الي اعتقد بصبحان انا ماسويتها لان عندي اوراق ناقصه بس القرووب الي وياي مسوينها وانا انشالله ورا العيد .. وتصدق اورااقك علشان يحطون فيهاا شريطه حمره تقولون شنو مدري المهم هاذي لازم علشان حق التصديق وتخلص بالنفس اليوم وبعدين تروح السفاره الفلبينيه بالجابريه الله يعينكم علي ماتلقونها لاني مادلها تعطيهم الاوراق ويومين ويخلصون واخذ وياك خمسين دينار للخارجيه والسفاره نفسها .. جذي انت خلصت الي بالكويت لاتمر اي شى بس قبل لاتطير مر التعليم العالي شوف للحين معتمده ......................


الحين خلصنا من الكويت ..........

<<<<<<<<<<<<<<<<<<<<<<<<<<<<<<<<<<<<<<

تعالو نحجز ونطير علي علي سيبووو


طبعا انا انصح الي يبي يطير لجزيره سيبو لان فيها الجامعه غير الخطوط القطريه لايروووح ..

انا اقولكم ليش ؟؟ لانه ماكو طيران من الكويت لي قطر ومن قطر لي سيبو دايركت غير القطريه يعني تقعد بقطر تقريبا ساعه وربع يعني الطيران الباقي لي مانيلاا بس.......

الي يبي يروح علي غيرا يحصل ارخص بس من مانيلا بعدين تنطر شوف متى تطير الطيران الداخلي وسعر التذكره من 90 دولار واقل علي سيبو وتبعد ساعه عنها يعني لو تحسب كل التذكرتين نفس السعر .

حمدالله علي السلاامه .. :3

<<<<<<<<<<<<<<<<<<<<<<<<<<<<<<<<<<

الحمدالله علي السلامه روح ادرس وكمل اوراقك وشنو لك وعليك اهناك

الحين وصلنا سيبوووووو

الحين طبعا السكن وتروح الجامعه الجامعه تطلب منك تكمل باقي اوراقك يعني الي ويااه شهاده معهد يطلبون منه ثانويه وباقي الارواق اهم يقولون عليها بس ترا متي ماكملتهم علي كيفك يعني الكورس الثاني اول الثالث ماكو مشكله...................................

شوف اهني :13

بعدين اكو ناس تقول لازم السفاره الكويتيه الي بالفلبين <<< انا اتكلم عن الموظفين الي طالعين من غير اذن يعني تزريق مالهم شغل بالسفاره الكويتيه الي اهناك >>> .................


عرفتووو واكو شغله تسونها بالفلبين وهاذي راعي المكتب قالي عنهاا قالي اهي فيزا الطالب والي يبي يطلع فيزا لازم يطلع بطاقه طالب وهي علشان شهادتك لازم يكون فيها رقم فيزا الطالب .... والفيزا اذا طلعتوها وماطلعتو البطاقه تراا مدتها جنه اسبوعين وتنتهي يعني لازم تطلع بطاقه طالب بس قالي مانصحك تطلع لا فيزا ولا بطاقه . قلتله ليش قال لما تطلعهم راح يردونك من المطار لان عندهم قانون شلون انت جاي طالب وترد قبل انتهاء مدت الدراسه رد جيب لنا اذن من الجامعه والاذن ترا امره هين لكن لما كل كورس يجونه 300 طالب مو حلوه وهو براسه راعي المكتب يبي يطلع الكورس هاذا والي اهوا الاخير له فيزا وبطاقه وتطليع الفيزا والبطاقه ترا بمانيلا مو بسيووو يعني تاخذون طياااره وتروحون هناك وهو جنه يبي يحط ارقااام الي اهناك بمانيلا بالورقه الي قلتلكم عنهاا يعني الي يبي يطلع فيزا وبطاقه احسن له لايطلعهم الا بالكورس الي قبل الاخير او الاخير هاذا كلاامه مو كلاامي عن الفيزااا ............ <<........................

انتبه اهنيه :13

الحين نبي نرد قبل لانرد وقبل معرفه النتيجه بالكورس يعني اخر ايام الدراسه تدفع عربون حق الكورس الجاي لازم ولاا يطوفوك الكورس دير بالك يعني تعطي عربون قول 90 دينار او اميه او اقل انتا شوف جم اقل شي ياخذون منك لاتدفعله كلهن مره وحده هاذي نصيحه من رااعي المكتب وقبل لاتنجح طبعا انتا دافع عربون يعني تكمل باقي فلوس الكورس الي انت درسته خلص << اكو ناس يقولون ماراح نسوي نبي ندفع كل فلوسنا اهوا حر وكيفه هاذي نصيحه مو قصب ........



<<<<<<<<<<<<<<<<<<<<<<<<<<<<<<<<<<<


الحين خلصنا من الفلبين

معلومات عن الجزيره من عندي <<< كانت مستعمره اسبانيا
اعتقد الدين السائد بالجزيره المسيحيه
والجزيره علي كلام الناس وراعي المكتب يقولون ثالث احلى جزيره بالعالم


ياجماعه تراا انا علمي من علمكم هاذا الي قدرت اجيبه لكم وانا انسان معرض لنسيان او الغلط وانا اقول وسئلو غيري يمكن تحصلون علي شي انا ماعرفه او نسيت لا اقوله ...... والله يوفقكم وينشوفكم كلكم خريجه باذن الله

[بني العنبر]

ما تقصر يالغالي على الافادة والموضوع بخصوص جامعة فيسايوس انت الصراحة كفيت ووفيت وان شاء الله نلحق عليها قبل لا يشيلون الاعتراف

[حلالي]

هلا وغلاا بني العنبر ماسويت شي هاذا والله واجب علي وانشالله الله يوفقك

[fahhad76]

الله يوفقك ويوفق راعى المكتب اللى تقول عنه..


بس سعره مبالغ فيه..

لاى شخص ناوى يسجل يروح بنفسه افضل ولا تكلف عليه ب 600 دينار فقط لاغير.

طبعا فى ناس تقول ازيد ولا اتعب عمرى انا اقولك بالعكس تشوفه جدام عيونك يمكن ماترتاح ولا تسجل

يعنى منها تغير جو وتسجيل..

طبعا الله يوفق الشمرى بس مووجودين اشخاص يسجلون واعتقد ب 400 دينار .

[حلالي]

حياك الله اخوي فهاد وماقصرت والله انا ماعرف الا هالرجال وسمعت اكو ناس غيره بس للامانه ماعرفهم بس الي يبي يروح علي قولتك منها يشوف بعد الدوله ويعرف عنها كل شي ..... وانا سمعت من شخص ثقه يقولي يعرف شخص قعد اهناك لما سجل اهو بنفسه يقول كلفت علي حتي قوطي البيبسي احسبه لك مع بخاشيش للجامعه نفسهاا مدت 5 ايام كلفت عليه 550 دينار من الى حتي التذكره من ضمنهم ..... والله يوفق الجميع

[fahhad76]

حياك الله اخوي فهاد وماقصرت والله انا ماعرف الا هالرجال وسمعت اكو ناس غيره بس للامانه ماعرفهم بس الي يبي يروح علي قولتك منها يشوف بعد الدوله ويعرف عنها كل شي ..... وانا سمعت من شخص ثقهيقولي يعرف شخص قعد اهناك لما سجل اهو بنفسه يقول كلفت علي حتي قوطي البيبسي احسبه لك مع بخاشيش للجامعه نفسهاا مدت 5 ايام كلفت عليه 550 دينار من الى حتي التذكره من ضمنهم ..... والله يوفق الجميع


اى نعم صحيح


والله يوفقك ان شاءالله

[محمد]

الله يعطيك العافيه يا سالم


موفق إن شاء الله :)

[حلالي]

هلااا ابو جاسم مشكوور علي الاطلااع هاذاا وهاذا اقل شي اخدم فييه اخواني الي اهنيه

[ابو امل المهيني]

مشكور علي الافاده

[new-1]

الي الامام ياجماعة ويعطيكم العافية ومشكورين على المجهود الطيب
ودمتم سالمين

[الدسمان]

عساك عالقوة

[الدسمان]

ما كو شى جديد

[عازمي_كول]

ماقصرت اخوي والله يبيض وجهك على هالمعلومات والله يوفقك انشاء الله

وانشاء الله انتواجه بالفلبيييين وانخلص على خير

وعلى هالمعلومات الطيبه انا بروح المكتب وبسجل والله يوفق الجميع

[بدر الصابري]

عزالله كفيت ووفيت وبيض الله وجهــك

[راموس 4]

عساكم على القوه والله يوفقكم
بس عندي سؤال وين مكتب التسجيل؟؟

[مشعل خالد]

الله لا يهينك ويعطيك العافيه على هالمعلومات الكافيه

[عازمي بنخا بني عمه]

لا هنت يا حلالي بس يا ليت تفيدنا وين مكتب خويك الي بالرقعي او رقمه اي مكان بالضبظ؟؟؟ تكفا بسجل قبل لا يسكر التسجيل صايرلي يومين بعرف وين المكتب الي بالرقعي محد راضي يرد علي شسالفه بخلانين علينا ولا ما تبونا نسجل بالجامعه؟؟ واحد يرد علينا او يعبرنا تكفوووووووووووووون مستقبلي بيدكم لا تعلقوني جزاكم الله خير

[Abo 9ager]

يعطيك العافيه اخونا حلالي

[Abo 9ager]

يعطيك العافيه اخونا حلالي
كلامك طيب وشرحك اطيب.............. بس بعد مايجيبلي القبول هل يحتاج اصدقه بالتعليم العالي ( الكويت) ؟؟
وجم كورس بالسنه عندهم ( هندسه) ومتى يبدا كل كورس ومتى ينتهي... :)
و ياريت رقم الشخص صاحب المكتب
وشاكرلك..........

[Abo 9ager]

لا هنت يا حلالي بس يا ليت تفيدنا وين مكتب خويك الي بالرقعي او رقمه اي مكان بالضبظ؟؟؟ تكفا بسجل قبل لا يسكر التسجيل صايرلي يومين بعرف وين المكتب الي بالرقعي محد راضي يرد علي شسالفه بخلانين علينا ولا ما تبونا نسجل بالجامعه؟؟ واحد يرد علينا او يعبرنا تكفوووووووووووووون مستقبلي بيدكم لا تعلقوني جزاكم الله خير

ابشر بالي يفيدك ويزيدك..........:10
المكتب ورا مجمع المحاكم بالرقعي............. الدور الاول

[Abo 9ager]

لا هنت يا حلالي بس يا ليت تفيدنا وين مكتب خويك الي بالرقعي او رقمه اي مكان بالضبظ؟؟؟ تكفا بسجل قبل لا يسكر التسجيل صايرلي يومين بعرف وين المكتب الي بالرقعي محد راضي يرد علي شسالفه بخلانين علينا ولا ما تبونا نسجل بالجامعه؟؟ واحد يرد علينا او يعبرنا تكفوووووووووووووون مستقبلي بيدكم لا تعلقوني جزاكم الله خير

وياريت يااجماعه الي يسجل يكون متواصل معانا
يعني الله لايقوله تصير مشكله ولا شي علا الاقل نكون يد وحده.........:6
وانشاله الخير والبركه بالمكتب والي يشتغلون فيه.........
مو جنه سوينا دعايه لهم:confused:
الي يحب يتواصل معاي يراسلني على الايميل
تحياتي لكم............:D

[راموس 4]

شنو اسم المكتب او عماره كم

و عساكم علي القوه
،،،،

[Abo 9ager]

:
موفقين اجمعيييييين
بس انا سمعت ان هالمكتب مايصدق قبولكم لا بالسفاره الكويتيه (تمثل المكتب الثقافي) هناك ولا الخارجيه الفللبينيه
السؤال لأهل التجربه والخبره.......... هل المرور علا السفاره الكويتيه والخارجيه الفلبينيه هناك مهم وضروري؟؟
مو خوفك يوقفونها بعد ماتاخذ القبول ويقفوق حتى تصديقها ......وتعال دور بعدها :9

ياريت تشرطون عليهم هالشرط والي عنده خبره ياريت يرد....
وتحياتي لكم....:12:12

[بو تركي المسحمي]

يعطيك العافيه علي المعلومات الطيبه ومشكور بس ياليت أذا عندك رقم تليفون المكتبه اللي برقعي وكون مشكور لك ويعطيك العافيه اخوي ويرحم الله ولديك

[شبيب الملعبي]

انتوا جم طالب في الجامعة

[حلالي]

حياكم الله ياجماعه وسامحوني علي التأخير برد ولكن جبت لكم الاكيد لاني توني مخلص كورس بالفلبين
ياجماعه .......
والله مدري وين ابدأ لكم بس سالفت التسجيل بالكويت والله ماعرف رقم الرجال الي بالرقعي .... بس ترا مايستاهل انك تروح تسجل من الكويت ..... لان التسجيل يكلف عليك تقريبا ميتين دولار وخمسيه بيسوو يعني 3 دنانير فاا لو تروح الفلبين احسن
الحين طبعا تبون تقولون مانعرف شي بالديره انا اقولكم كل شي


اول ماتطبون الجزيره يقولون لكم بالطياره لازم تحشون الورقه حق الجوازات طبعا الي راح تايلند يعرف الطريقه بس اهم شي تحط صح عند ساائح لاتقول لهم انك طالب لان فيها مشكله بالجوازات شلون طالب وماوياك اوراق من الجامعه يعني حط صح عند سائح

خلصنا من الجوازت الجزيره الحين التكسي من المطار تاخذ كرافان بالف بيسوو لي فندق اسمه دبلمات وارد اقول الي مايسكن بهاذا الفندق ترا رااح يزهق والسكن فييه الغرفه 1300 بيسو يعني 7.5 دنانير بينك وبين رفيجك لان هالفندق كل العوازم والطلبه الكويتين فييه الاا 1% الي مايسكنون فييه المهم الي مايبي يزهق من الديره يسكن فييه وهم الجامعه قريبه منه والسوق قريب والمطاعم قريبه منه <<<< doplmat hotel <<<<<

شباب بقولكم شغله احنا شفنا ناس تراا الي مسجلين صارلهم سنه او الي باقي لهم كورس ويتخرجون تراا درااستهم مجكوك فييه

لانهم يسجلون فيها ومايمتحنون يروحون تايلند ويقعدون شهر وشهرين ويردون هاذا الي حاصل .....

للامانه احنا رحنا اكثر من 45 شخص سجلنا عند نائب العميد المكنيك وقال روحو الفندق واجيكم ولما جانا بالفندق قال الدبلوم بصوب والثانويه بصوب ولما صرنا قروبين ثانوي ودبلوم عطينا جداولنا علي النيه فيها المواد وهو يعد رسوم المواد ويقول كل واحد ياخذ منه رسوم المواد وياخذ عليه فوق الرسوم الفين الفين ونص وقال باجر اخلص لكم جداولكم ولما جينا باجر ماخلص وجينا عقب باجر طلع الفلوس الي دفعناها له رشوه علشان ينجحناا وعطانا نجاحنا ردينا عليه وقلنا زين نبي نمتحن هاذا رشوه وحرام الرجال خلص الاوراق يعني شلون يمتحنا وهو معطينا نجاحنا وتواقيع من الدكاتره وقال تعالو باجر وجينا وقال الساعه تسع وبعدين عشر وصار يمشي لي الساعه ثلاث وبعدين طنشنا في ناس قالوو هاذي مشكوك بامرها وردوو وهما يمكن ثلاثه والباقين دقو علي مشاايخه وكانو ويانا مطاوعه بس المطاوعه جااين يسجلون لكورس الجاي ولما قلنا لهم عن السالفه قالو الي سويتيوه مايجوز بس الكورس الجاي للاتعطونهم فلوس غير فلوس المواد الي تشترونهم وامتحنوو وانشالله مافيه شي قلنا زين احنا نمتحن بس حتي لو نمتحن ونشير رااح ننجح قال انتم اهم شي تمتحن واذا نجحوك هااذا شي راجعلهم وانشالله ماعليكم شي ....


لكن الناس القديمين بالجامعه ترا مايعطونكم اي شي ويتصددون عنكم ويشهد الله اني ماعرفهم لكن في ناس اعرفهم وياي قالولي عنهم اكثر من سالفه وشفت لما طبوو الجزيره وراانا بجم يووم وردو قبلنا ولما ردينا الكويت سئلت عن واحد اعرفه بالاسم بس قالو للحين مارد يدرس طلع الرجال بتايلند علشان جذي ماعليكم من الناس القديمين فيها ...

الحين ترا الي يبي يسجل التسجيل مفتوح من الحين لي شهر ثلاثه لان شهر ثلاثه الامتحانات وترا الي يبي يسجل والله يروح اهو قبل الدراسه علشان يشوف الديره ويعرف وين يروح الكورس الجاي ...

وانا سمعت يااجامعه سمعت لاتاخذون هالشغله علي محمل الجد لكن سمعت انها رااح تسكر هالجامعه يعني الي يبي يسجل فيها يستعجل واذا سجل يروح اهناك بالجامعه عند وحدها اسمها مام جديت بالدور الرابع بالجامعه يعطيها قبوله علشان توديه التعليم العالي علشان يدخلون اسمك عندهم ويصدقونها ومن تخلص الورقه تروح تستلمها وتوديها مانيلااا حق الخارجيه الفلبينيه ويوقعونه لك بعدين تروح السفااره الكويتيه هناك يختمونها لك علشان يدزون اسمك اهنيه لتعليم العالي علشان اذا صكروو الاعتراف فيها الا انت مسجل عندهم ...... هاذي انا سويتها والناس كلهم يسونها لكن راعي المكتب الي اهنيه الي الكورس الجاي يتخرج يقول ماسواها ومو ذات اهميه انك تسويها الحين بس ارد واقول احنا الي بالفندق كلنا سويناهاا لان احنا الي بالفندق كنا تقريبااا اكثر من ميه شخص كلنا علي قلب واحد

الحين بقولكم شغله عن الفلبين الي يرووح يااخذ وياااه اغرااضه .,.... يعني كلكم رحتو كشته للبر تاخذ وياااك خبز وجبن ومعلباات ريوق وجاي وقهوه يعني كشته اهم شي خبزز كثروو خبزز لان اهناك ماناكل الا من مطعمين ماكدونالدز وناكل فليييه فش اوو بيتزاا هت وناكل سبريم لانها بس جبن موووو سوبر سبريم سوبر فيها لحم خنزير عزكم الله وصج واكو خوش اكله في بيتزا هت اسمها بااستا عباره عن معكرونه وثلاث ربيانات بس هاذي الاكله رااح تمون عليهااااا ههههههههههههههه

وبعد اربع ايام لقينا مطعم هندي والله يقولون الشباب فييه عيش ولحم خروف بس والله اهناك من كثر لحم الخنزير تكره الحم وترا هالمطعم بسنتر اسمه روبينسن خمس دقايق مشي من الفندق دوبلمات وهم مقهي الفندق لما شافونا نقعد اسبوع بالديره صارو يسوون اكل حلال مثل كلووب ساندويش تونه بس الله يديم النعمه فيه سكر هههههههههههه بس هم الله يجزاهم خير مجتهدين لناا
.....

مصرووفك اهناك اذا انت تمشي وتدفع حسااب التكسي والاكل حق الي ويااك وماتخلي احد يدفع مايقااارب 3.5 الاف بيسوو يعني عشرين دينار باليوم
وهناك طبعا مافيه احد اطيب من حد كل يوم علي واحد
........

واكو مجمع اسمه اس ام سيتي هاذا الي اذا خلصت من الجامعه تروح تتمشي فييه بس اكو شغله ترا اهم كل شي يصكر عندهم الساعه تسع باليل الاا مطعم ماكدونالدز 24 ساعه مفتوح وبيتزا هت يصك الساعه 11 بالليل يعني تاخذ كل ادوات الوناسه ويااك من جنجفه وبلي ستيشن


واي استفساااار انا حااااضر وانشالله ماااا اذخر عليكم بشي

[فاعل الخير]

كلام في كلام رحت الفلبين ويليت مارحت ساقط بكل المواد ومحد ينجح لاحد يروح

[محمد البريـكي]

كلام في كلام رحت الفلبين ويليت مارحت ساقط بكل المواد ومحد ينجح لاحد يروح

اخوي العزيز فاعل خير

السلام عليكم ورحمة الله وبركاته


بخصوص كلامك الي تكتبه بدون اي دليل ياريت لو تحط الدلائل علشان تعبنا واحنا نمسح الردود الي ماله اي اساس من الصحه فأرجو توضيح كل شي بالصور وارفاقها لكي لا نمسح لك رد مره اخرى


بنتظار ردك

[funfun608]

تكفون يا جماعه قوليلي انا أدبي يصير أدرس هندسه يعني التعليم العالي ماعندهم اشكاليه ؟

[العسجد]

ما فيه احلى من الدراسه بالكويت عن تجربه

[Abo 9ager]

يعطيك الف عافيه حلالي
بس يااخوك في مشكله مثل ماتعرف هالمكتب الي هني ما يصدقها من الخارجيه الفلبينيه ولا السفاره الكويتيه هناك...
شنسوي شنو العمل ويقول نروح بشهر 3 خوفك من لي شهر 3 يصكرونها وناكل هوا
شنو تقترح علينا ؟؟ احنا ثلاثه
يسافر واحد فينا ؟ ولا ندز القبول بالدي اج ال حق شخص ثقه؟
نبي خبرتك
ومااااااااااااااقصرت ولا تطول الغيبات ياابو الغنايم:12

[حلالي]

هلااا ومرحبا فيكم اول شي انا برد علي الاخ فاعل خير الي يقول انه صاقط انا بس ابي اعرف ليش كل هاذي النذاله احنا تقريباااا 60 رجال بالفندق من عوازم وغير عوازم والكل نعرف بعض بالاسم ابييه يقولي اهوا منووو علشان بس اقولكم اهووا كان ويانا ولا لااااء وابييييه يقولي شلون صقط لاني اتحدااااه اذا كلاامه صحيح وراااح اوريكم صوره الشهااااده ولوو اني ماعرف انزلها اهنيه بالموقع بس بحاول كثر ماقدر ..................



بالنسبه السالفت تصديق الشهااايد والله تدزها عن طريق الدي اج ال يمكن يقولكم السوداني الي اهناك السفاره الكويتيه ماتخليييه يدش والله انا اقول انتا ترووح بشهاايد ربعك ال مانيلااا احسن وقبل لاتروح رااح اجيبلك اسم الفندق الي تسكن فييه واسم الفلبينيه الي تتكلم عربي وهاذي شغلها الخارجيه الفلبينيه بس علي كل اورااق حق شخص تاخذ الفين او الفين ونص والسفااره الكويتيه تراا العالم يمدحونها من تروح السفاراه يرحبون فييكم والقنصل عادل الزعبي مايقصر الناس تمدحه لانه يضيفكم ويسولف ويااكم ويقهويكم والكل يمدحون اخلاااقه وانت شووف الي يريحك ويالغالي سواء الدي اج ال او انك ترووح


بالنسبه حق الاخ فون فون 608 الادبي يصير يكمل هندسه لان اكو ناس وياي ادبي وخريج ثانوي السعوديه يكملون هندسه مكنيك ومافيها اي مشااكل بس انت تروح التعليم العالي واسئل بنفسك ولوو اني متاكد وواثق باذن الله انها مافيها شي بس انتا تاكد لان اكووو ناس ماتحب الخير لو تكمل الحين وتتاكد من التعليم العالي يجيك بعد كورس او كورسين يقولوك خلااص كنسلوها في ناس ماتحب الخير والعياذ بالله

[حلالي]

هاذي صور حق الشهااااااايد

[funfun608]

مشكور أخوي حلالي و يعطيك العافيه ماقصرت يالغالي

بس اذا بعد كورس والا كورسين جاني و قلي كنسلنا في هالحاله شسوي طال عمرك ؟ يعني انا اذا بكمل لازم أغامر ؟

[عبداللـه بن دسمـان]

رايتك بيضــه ياحلالي

وعسى الله يوفقكم ياطلبت الفلبين

[غريب فانكوفر]

الله يعطيك العافيه

[حلالي]

اخوي فون فون انا والله حالي من حالك بس اذا انت سجلت بالجامعه ودرست وبعد كورس التعليم العالي كنسل الجامعه انا علي حسب قناعتي واسئلتي لما رحت التعليم العالي قالولي اذا انت بجامعه وتكون مو موظف يعني مو فاتح ملف من التعليم العالي وكنسلو الجامعه القرار هاذا مايحوشك يحوش الي يبي يسجل من بعد تاريخ القرار وبخصوص الي يفتج ملف بتعليم العالي راح يقولون له انتقل الي جامعه ثانيه يعني انت مخلص بالجامعه كورس وصكروو الاعتراف بالجامعه يقولون روح ادرس بجامعه ثانيه وتكمل من ثاني كورس هاذا انا الي اعرفه لكن ارد واقولك روح التعليم العالي واسئل انت بنفسك والله علشان تريح ومحد يدوخ راسك من اهل الحسد

[الزنيف]

جزاك الله خير والله يوفقك بالدراسه ان شاءالله

[funfun608]

الحلالي الله يوفقك يالغالي مشكور ماقصرت

سؤالي الأخير و أدري أني أذيتك في اسألتي :)

طال عمرك الحين خلاص انا نويت أسجل هندسه في الفلبين الحين بعد ماجيب القبول قالولي القبول يجيني بعد شهر؟ و اذا بفتح ملف الطول الاجراءات في التعليم العالي ؟ يعني تقريبا كم يوم و أكون شاكرلك يالغالي

[حلالي]

هلاا اخوي فون لا والله يالغالي ما اذيتني انت تمون علي الرقبه والله انا ماكتبت اهنيه الا علشان افيد الي يبي يدرس بالفلبين وحشى والله بالعكس انتا الله يوفقك بس والله التعليم العالي والله طريقت فتح ملف فييه والله ماعرف الطريقه بس الي اعرفه انه مايطول بس لان اعتقد بالفلبين مافيه ملحق ثقافي علشان جذي اجرااءاتك ماتطول بالتعليم العالي الي اهنيه

[Abo 9ager]

ماااقصرت اخوي حلالي وموفق باذن الله......
انا سالتك عن تصديق القبول مو عن الشهايد :(
بس شرايك لو نصدق القبول من السفاره الفلبينيه اهني ؟؟؟؟؟ ينفع؟؟؟

وشكراااااااااااا

[funfun608]

الحلالي طال عمرك سمعت أن جامعه الفلبين أول سنه سهالات و السنه اللي بعدها يشدون عليك هل الكلام صحيح؟

[باتل الأبرص]

أشكرك علي الموضوع والله يجزاك خير
بس ا\ا الواحد تخرج من الجامعة اشلون يوثق شهادة وهو مزرق من دوامه

حبيت تفيدوني به\ي النقط فقط


الله يعطيك العافية بس شباب محد عنده اخبار عن الجامعه الي في سلوفاكيا

[حلالي]

هلا ابو صقر بخصوص تصديق القبول القبول من اهنيه تصدقه بالخارجيه الكويتيه الي بصبحان وبعدها توديه لسفاره الفلبينيه الي بالجابريه بس وهاذي الاوراق كله علشان تحطها بملفك بالجامعه اذا رحتلهاااا بس اهي اهم شي تروح الفلبين وتصدق قبولك من هناك بالتعليم العالي الفلببيني وبعدين توديه الوزاره الخارجيه بالفلبين وبعدها السفاره الكويتيه الي بالفلبين علشان يكتبون اسمك عندهم ويدزونه لتعليم العالي الكويتي انك طالب عندهم بالفلبين علشان اذا تكنسلت الجامعه انت مالك شغل .......



هلا اخوي فون لا والله يالغالي اهي علي الي شفت من طلاب الي فيها من زمان صارلهم اكثر من سنه لافيها شده ولا شي والامور سهالاات وفله احجاج ماعليك من كلااام الناس يالغالي وبعدين رزق الجامعه علي الطلبه الاجانب لو يبون يشدون انت تقدر تسحب شهاادتك الي مخلصها يعني المواد الي خلصتهاا وتروح جامعه ثانيه وباي دوله عادي والكلاام هاذا مو صحيح سالفت يشدون من ثاني سنه ارقد وامن .........


هلاا اخوي باتل سالفت تصديق الشهاده وانت مزرق العالم كلها مزرقه يعني انت مو الاول ولا الاخير وهما يخصمون عليك سنتين لانك شلون تداوم وانت تدرس لكن بواسطه يخلونه خصم اسبوع لا اقل ولا اكثر ديرتنا بالواسطه تشمي وهاذا الكلاام مااجبته من فرااق انا اعرف ناس رااحو بوزارتهم لشئون القانونيه وهما الي قالولهم هالحجي
اما بخصوص سلوفاكياا امر شنو بغيت وانشالله الي اعرفه لك بقووله

[funfun608]

أخوي حلالي حبيت أبلغك أنا اليوم رحت التعليم العالي و الحمدالله كلشي اوكي

بس في شغله وحده ماصارت اللي اهيه

انا طبعا حاليا مو موظف و بعد شهرين راح أتوظف قالتلي الموظفه الحين عادي نعتمد قبولك بس راح انجيك عليك كل 6أشهر و نتحرى عنك اذا أنت موظف أو غير موظف عن طريق أنك كل 6 شهور اتييب اورقه من التأمينات اتفيد على انك غير موظف

و اذا درينا أنك موظف ماراح نعتمد شهادتك ولا راح نعترف فيها هذا اللي ضيق خلقي في السالفه

فياريت أتفيدني يالغالي عن هالموضوع و أكون شاكرلك

[نواف فالح البصيرات]

الله لا يهينك يا حلالي على المعلومات الى تفيد

على طاري الماجله والمعلبات عزلله صحيح كلامك ,,خـــبز اهم شي (:

انت من اهل الكورس شهر عشره أكيد تعرف الدوانيه 407 (:

[الدسمان]

السلام عليكم ويعطيكم العافية
اخو ىحلالى فى لك رسالة عالخاص
وكلى امل فيك

[ناصر الرشيدي]

الف شكر@@@@@@@@@@@@@

[ناصر الرشيدي]

الف شكر@@@@@@@@@@@@@

[wazer]

بالتوفيق يا شباب

[almokhanji]

مشكور ولاهنت

على هالمعلومات الطيبه

[wazer]

مشكور ولاهنت

على هالمعلومات الطيبه

[Bo_Rashed]

نبي نسجل ونتوكل على الله

وين صاير المكتب أخوي حلالي ؟

وشكثر المده الباقيه للدراسه إذا عندي دبلوم تكنلوجيا ؟

[ناصربوبدر]

مشكووووووووور

[engineer-5]

يعطيك العافية

التسجيل مفتوح الى اي شهر؟؟؟

يعني متى يسكرون التسجيل بالجامعة؟؟

[wazer]

جزاك الله خير اخوي حلالي بس نبي مدى شرعية الشهاده نبيها حلال وما نبي نوكل عيالنا من الحرام يعني نبي امتحانات نقدر او لا

[كريستاليست]

يعطيك العافية اخوي حلالي
كفيت ووفيت
انا سجلت ان شاءالله وامتحاناتي شهر 3
بس التصديقات ما اتوقع كلهم يسويهم المكتب راح اسأله عن هالتفاصيل عشان لو لغوا الاعتماد ما نتورط
وعن الامتحانات ابي اطلب منه اني امتحن عشان صج احس اني ماخذة الشهادة بس طبعا ابي نجاح
وباخذ النوت وادرس وجذي بتكون حلال لاني دارسة ومقدمة وهم نفسيا اريح :)

[كريستاليست]

بو راشد اذا انت دبلوم تكنلوجيا .. تكمل بسنتين لان هذي اقل مدة يرضى فيها التعلم العالم
كنت لاقية جامعة بلندن تعادل لي 3 سنين واكمل سنة وحدة بس طبعا حضور ودراسة صج بس التعليم العالي رافضين لان اقل من سنتين
والمكتب .. اذا كنت تسال عن مكتب الرقعي
تروح مجمع المحاكم هو قريب من فندق رمادا الرقعي بس هذا على الشارع تصفط بالمواقف الخلفية
تلقى مجمع صغير فيه محل العاب توم وجيري نفس المجمع الدور الاول مكتب اسمه بافاريا

[funfun608]

بو راشد اذا انت دبلوم تكنلوجيا .. تكمل بسنتين لان هذي اقل مدة يرضى فيها التعلم العالم
كنت لاقية جامعة بلندن تعادل لي 3 سنين واكمل سنة وحدة بس طبعا حضور ودراسة صج بس التعليم العالي رافضين لان اقل من سنتين
والمكتب .. اذا كنت تسال عن مكتب الرقعي
تروح مجمع المحاكم هو قريب من فندق رمادا الرقعي بس هذا على الشارع تصفط بالمواقف الخلفية
تلقى مجمع صغير فيه محل العاب توم وجيري نفس المجمع الدور الاول مكتب اسمه بافاريا




أختي تقدرين تدرسين سنتين في الفلبين و بعدها سنه في لندن و انشالله أكون أفدتج

[كريستاليست]

فون فون
انا كنت بكمل سنة لندن ورا الدبلوم واخذ البكالوريس
بس اذا خذيتها من الفلبين خلاص
ولا انت تقصد الماستر ؟؟
ومشكور

[funfun608]

فون فون
انا كنت بكمل سنة لندن ورا الدبلوم واخذ البكالوريس
بس اذا خذيتها من الفلبين خلاص
ولا انت تقصد الماستر ؟؟
ومشكور



الغاليه في فرق وايد بين شهاده بريطانيا و الفلبين

شهاده بريطانيا كل مكان ياخذونج البترول و جميع الشركات

شهاده الفلبين فقط لتعديل الوضع

يعني حرام انا أقولج درسي اشويه بالفلبين و بعدين حولي بريطانيا هذا اللي اقصده و انشالله أكون أفدتج

[كريستاليست]

صح كلامك فون فون
شاكرتلك :)

[حلالي]

االسلااام عليكم سامحوني علي التاخير والله جهازي مو راضي يدش علي المنتدى وصارت لي ظروف ومافضيت


اول شي الدراسه من التعليم العالي يسمح فيها الكويت بالفلبين لدبلوم اربع كورسات كباار وكورس صيفي يعني سنتين ونص
والثانويه ست كورسات كبار وصيفي يعني ثلاث سنين ونص واذا زاد الكورس ماكو مشكله بس ماينقص


ابوو فالح هلا وغلااا فيك انا عارفك وعارف غرفه 407 الي اهي الدوانيه وانا من اهلهااااا


وسالفت الشهااده الشركات ماتاخذهاا اذا الشركه قطاع خاص شغله رااده علي الاداره نفسها ولكن هم ااذا انت منهم ياخذونك واذا سالفتكم القطاع النفطي كل شي بالواسطه يعني الحين الفنيين الي تخصصاتهم لحام شكثرهم بالاشغال ماله شغل الشهاده
انت لما تقدم علي الوظيفه اكو شي اسمه اختبار يختبرونك يعني انت ماتبي الاحراج بس اذا عندك واسطه محد يردك وانتم تعرفون بالوظع


والي يبي يسجل فيي مكتب يسجلك ويصدق شهاايدك من التعليم العالي الفلبيني والخارجيه الفلبينيه والسفاره الكويتيه ويعطيك اوراقك وانت اهني وانشالله الي يبي يسجل اجيبله رقم المكتب


ومايصير خاطركم الا طيب بالي تبونه

وسامحوني علي التاخير بالرد

[حلالي]

هلا اخوي الدسمان بخصوص الرساله الي عندي بالخاص والله مادري شلون اروحلها وترا ملعوماتي بالكمبيوتر قليله بس بشوف اي واحد يدللني لها ومايصير خاطرك الي طيب

[كريستاليست]

اخوي حلالي
انا قبولي وصل بس باقي لي التصديقات المكتب اللي اعرفه يصدقها ب 100
تعرف مكتب يصدقها بتكلفة اقل ؟؟

[حلالي]

هلا وغلا كريستاليت لا والله سالفت التصديقات ماعرف بس الاخ فيصل التريري الي سمعت عنه انه يطلع القبول ويصدقه من الخارجيه والسفاره الكويتيه بس والله اذا 100 دينار يصدق اوراقك والله شي طيب لان لو تروح تصدق بنفسك تاخذ عليك واجد والله انا اشوف السعر مناسب والله يوفقك

[ضمير الامه]

فى احد مكمل على شهادة الثانويه العامه ادبى مكمل هندسه ... تتصدق بالكويت او لا

[راشد1970]

مبروكين الله يوفقهم

[alw7eed]

السلام عليكم شباب انا باذن الله رايح الفلبين بنفسي بالعيد وبسجل هناك اللي يبي اي شي انا حاظر واتمنى المساعده للكل

[حلالي]

هلا ضمير الامه الله يوفقك انشالله اي اكو ناس مكملين بشهاده ادبي من الكويت وبشهاده ادبي من السعوديه وانشالله مافيها شي ومعترف وفيها لانهم سائلين ومافيها اي شي


الوحيد الله يوفقك انشالله وماتقصر

[alw7eed]

تسلم اخوي حلالي

[ابو و بندر]

الاخ حلالي
لو سمحت ممكن رقم المكتب

[أبوصقر]

تسلم
والله يوفق الجميع لما يحبه ويرضاه

[al7ammadi]

يعطيك العافيه ببس ابي اعرف متى اخر وقت للتسجيل