طـــــاف الـــــــوعــــد

[فرحان محمد]

يامن حضورك حضور وغيبتك غيبه=ياغايت الروح يامشعل لهايبها
ياللي غرامك غناه ، وعزّه ، وهيبه=ياقبلة الناس حاضرها وغايبها
لحقني بغيبتك ياملهمي سيبه=أرجيك ساعة لقاء وأدفع ظرايبها
طاف الوعد وأتعبت رجلي مراقيبه=وسماك تبرق ولاتصدق سحايبها =
الوقت في غيبتك كثرة عذاريبه=وتساوت الناس مخطيها وصايبها
عقبك بعير الهنا حشّت عراقيبه=وأشواق قلب العنا هبت هبايبها
ياكثر غيث المحاجر وأنت تدريبه=منك وعليك أنت ياصفوة حبايبها
أغني الشعر في حبك وأماريبه=مشاعري نوّخت فأرضك ركايبها
وسلمتك العمر تقبلبه وتقفيبه=وغيرك عهودي معه رزّت نصايبها
طاريك ليل ن عتيم أسهره وأسريبه=يعذب النفس ويهيّض مصايبها
إقطع بجيّتك حبل الشك والريبه=ريّحني من الهموم ومن عقايبها
إكسر عناد الزمن بالوصل والطيبه=وإمسح دموع المفارق ياسبايبها
تعال ... عقبك لحقني يالغلا سيبه=يفدونك الناس حاضرها وغايبها