ياكثر الأماني

[طلال بندر]

,


,


,




الزمـان يـدور والعـمـر لادارت رحــاه=أسرع من البـرق يشـرق علينـا ويغـرب

آه ياكثـر الأمانـي ... ولــذات الحـيـاه=ميـر ربـي لاكتـب شـي للمسلـم كـتـب

مالـك الا قسمـه اللـي يـراك ومـا تـراه=المعيـن لمـن رجـا والمغيـث لمـن طلـب

ياكثر شرهـات الأيـام فـي وجيـه الطغـاه=تقبل الدنيا طـرب... تقفـي الدنيـا غضـب

ولا أنـا قلبـي خضـر لا طلبنـي ماعصـاه=نـار شوقـه بالحشـا تشتعـل مثـل اللهب

راعي القلب الخضر دوم يمشـي فـي عمـاه=كل مـادارت عليـه السنـه يعشـق عـرب

والمطوع يـوم شـاف الحـلا شـال العبـاه=قال تكفـا خلنـا نغيـب مـن قبـل أخـرب

أشهد أن الزين فتنه علـى عيـون الهـواه=ياكثر ماضـاق صـدر الهـواوي واللتهـب

ياغلاي اللـي بنـا فـي وسـط قلبـي بنـاه=ياعذاب القلـب ... ياللـي تحليـن الذهـب

أحكمي في عرش قلبي ودوجـي فـي حمـاه=وأستريحي في قصـر خافقـي فـوق الكنـب

ياكـثـر ماتزعليـنـي وأشــد الآنتـبـاه=أتزعلّ يوم ... مـن عقبـه يطيـح الحطـب

تدري أنك في خفوقـي غـلاك يسيـل مـاه=وعاش عرق التوت منه ... مع عرق العنب !

والقصيـد شعـور ماهـو خرافـات الـرواه=القصايـد موهبـه يوهـب الله مـن يـهـب

والشعر ماني براجـي مـن الشعـر الغنـاه=الشعر طربة مراجـل ... وميقـاف ... وأدب

وأنت خابرني مزاجي ... علـى كـل أتجـاه=أتضايق قبل أحب ... والمصيبه يـوم أحـب

ياغلاي أن شفت وجهي عليـه الحـزن تـاه=ماعلـيّ أخـلاف ... لكـن لاحقنـي تعـب

مـد لـي يمنـاك والقلـب لاتبحـث خفـاه=صاحبك له عام مـن بحـر حبـك ماشـرب