وجة الوقت

[جمعان مجبل العازمي]

البارحة ضاق الشمال وضيّع العقـل الثبـات=
واحتارت الخطوة وطاح من المشاوير اجهدي
اسهر مع التفكير واسرح واتحلـم بالمبـات=
امور تشغلنـي وتحرمنـي حـلاوة مرقـدي
اقول طافت والحيـاة امسايـرة ومجامـلات=
والناس عادتها مع الدنيـا تضيـع وتهتـدي
العمر زوده نقص والدنيـا عليهـا مغريـات=
حقيقةٍ في جيلنا السابـق وجيلـي وابّعـدي
اللّي رقى بالهرج في وقت السّعـة للنايفـات=
ولاصارت الحاجة بوقت الضيق بالفعل يغدي
التجربة تجعلك تعرف صاحبك في المعضلات=
الوقت ياما ذل به طيّب وعـزّ ابّـه الـردي
ياشين وجه الوقت في كل الاماكن والجهـات=
لاشح به كف الكريم وضاق به صدر اجودي
يالله دخيلك من غبـار المعمعـة والإنفـلات=
الناس لأجل اثبات موقفهـا تكافـح وتّعـدي
الّيا تحدتنا الظروف وحاصرتنـا المشكـلات=
كنّي على بعض القصايد والمواضيع امحـدي
يامحمد الموضوع مايسوى صهيل المسرجات=
والا انت لاضاقت علي الارض خابرك اسندي
اساير ظروفي واكافح لاجل بعض الامنيـات=
وان كان ماحققتها يكفيني اللـي فـي يـدي
القلب مؤمن ياعضيـدي والنوايـا طيبـات=
عقلي دليلي والهدف قـدام عينـي مقتـدي
بعض الامور اصد عنها دون نظرة وإلتفـات=
لا صار ماتمشي معاي ولاتحقـق مقصـدي
قناعتي تفرض علي اشوم عن بعض الفتات=
الدرب قدامي وأنا تـوي شبـاب ومبتـدي
اصبر على كل الظروف الحالية والمقبـلات=
اهم شئ اتبـات لاظالـم ولا انـت بمعتـدي