(( ديوان الشاعر : عايش الجويسري )) رحمه الله

[خالد بن حطاب]

** نبذه عن الشاعر :

هو الشيخ الجليل والشاعر الكبير عايش مرزوق الجويسري
بو سعود رحمة الله
من فخذ الجواسره من مظلوم من غياض
ولد في الفنطاس سنة 1916

وقال الشعر وهو في السابعه عشر من عمره
وكانت وفاته في عام 1999 في منطقة سلوى
رحمه الله واسكنه فسيح جناته

عرف شاعرنا وأشتهر بــــ الكرم والتواضع والتدين
وبشاشة الوجه والتعامل الراقي مع الكبار والصغار

ويتميز الشاعر رحمه الله بشعر المقناص
حتى ان محبيه ومتابعي قصائده قد اطلقوا عليه لقب
(( شاعر المقناص ))

فرحم الله الشاعر واسكنه فسيح جناته
ورحم جميع اموات المسلمين


** قصائد الشاعر :

[line]

(( 1 ))


الله مـن نفـس توقـف هوسـهـا=صار الهوس معها عن العزم قاسـي
من طافـت الستيـن قفّـى ونسهـا=ومعها الجهد بالحيل فيـه إلتِماسـي
عقب الشباب الشيب وقته عكسهـا=ومن عاش حاله في المشيب انتكاسي
رفيقهـا الاول تبـيـه ونكسـهـا=واصبحت منها معيف واعلنت ياسـي
ياحلـو لذتهـا بسوقـه نفسـهـا=يا دش وقت مقرنسـات المواسـي
يا جا البـراد وكـل قـاعٍ لبسهـا=وسمٍ خضـاره بالفـروع امتواسـي
وقت العبور اللـي كثـار اجنسهـا=تلقى جرايرهـا غـدا لـه مداسـي
وخطوى ابيضٍ عينـه ليامن نخسهـا=عين العديم الي صمـل باحتماسـي
جثل المناكب عوقهـا يا عفسهـا=لحاقـهـا لطامها بانتـكـاسـي
قـد ذاق منهـا لـذةٍ قـد لهسهـا=ومن جرب اللذات ماهـوب ناسـي
ويالله عفـوك عنـد دنـة جرسهـا=يافـارج الشطات عقـب اليباسـي
يامالك الدنيـا وخالـق ترسهـا=ألوذبك مـن ضيقتـي وانعماسـي

[line]

(( 2 ))


يخاطب بها الشاعر : (( شبيب جعيلان الدقباسي ))


شبيب مامن دوجة تعجب الديش = وحده وجره والمطاليع ماهناش
كل يدورها طلوع وتفتيش = اهي الولع منها التعب راح ببلاش
ياما مضى لك في هذيك النشانيش = وياما سريت وزدت مسراك مغباش
ناون على المقناص عقب المغابيش = ضارن على حوز الوسامى والادباش
كم فيضة فرّقت منها ابرق الريش = بالاشقر اللي لبرق الريش عماش
تذكر وانا اذكر طردنا بالتناويش = أليا علق واللي حواليه منداش
ذلٍ مخاميرٍ وذلٍ مخاييش =وهذيك ماتقدر من الطير تنحاش
أهن الولع والا ترى العمر حتيش = أخيرة ابن آدم ذراع من الشاش
دنيا بها المخلوق شجرة حواحيش = اشعيب فيها طال عمره ولاعاش

[line]

(( 3 ))



بديت بأسـم اللـي عظيـمٍ جـواره=الخالق الـرازق للأحـوال ستـار

هو الذي عبـده نـوى واستخـاره=هو الرحيم ارحم من الوالـد البـار

اسمه بدى وابدى الضميـر اقتـداره=يامرحبـاً واهليـن مانـي بعّيـار

مـا أقولهـا تزييـف وإلا عّيـاره=بترحيبٍ احلى من لبن حسك الأوبار

در البكار اللـي رعـن بالشقـاره=وقت السماك وحل تبيـض الأطيـار

اليـا تسـاوى الليـل ويـا نهـاره=لابـرد لاشمـسِ ولا واهـجِ حـار

برسالـةٍ جتنـا نسـوق البشـاره=من بدر جتنا قصدها شور من شار

أعطيه راي ان كان لـي استشـاره=لايطلقـه وتهـل عينـه بالأعبـار

أن كادت الرفقه ذنـوب وخسـاره=وهو برىء جـاره الله مـن النـار

من فاخت اللـذات يونـس مـراره=كنـه يتلـه بالشراييـن مـجـدار

يسكت ويصمـد غمدتـه بافتكـاره=ويجيه من بين السراجيـف مـرار

مـرار هاجـوسٍ خطيـر انفجـاره=تذكر الماضـي غرابيـل وأعـزار

يابدر كان الصيـد تاصـل إديـاره=والشوف زين وتبخص الظبي يانـار

ومركبك فـوق ولاتريـد القمـاره=وعند المعشى مكفي إكبار وصغـار

بفنجـال بـنٍ وهـيـلٍ ابـهـاره=ويبعد إعماس اللي من الصبح دّوار

مايـه غديـر وجيبـه بالغضـاره=وقدوعه اخلاص الحسا زين الاثمار

يابدر لو مـات الشجـر والجحـاره=من عالـم الأسـرار يابـدر تنـدار

تجي أوقـوتٍ فيـه يذبـح احـواره=وقوت قصر ابـلال تنبيـك الأذكـار

ورد الحفر هـزلٍ عطـاشٍ ابكـاره=وجاله على خرجا من الغرب مصدار

وقتٍ فقـد منـه الجـراد انتصـاره=من الجوع مات وصار لبلال مسيار

قلنا مسّيـر يـوم قصـره مـزاره=حبس لبنات القـود يـاورد الأبيـار

ياصدرن القـود والحـوض طـاره=منهن تكسر واصبح ابـلال محتـار

تشدى هجيج الريم عقـب انذعـاره=وبلال معها ضايق الخلـق صبـار

عاضه جليل الملك وارجـع لـداره=وتيسرت باليسر من عقب الاعسار

كـلٍ يعـود إلا الشبـاب ازدهـاره=يقفى شباب العود يبسـن الازهـار

يوم الشباب اشرفت بـه راس واره=واخذت إلى يوم الولع فيه مشـوار

اليا نويت الـدرب عنـدي جسـاره=خدن تبيـه إيجيلنـا فيـه مصفـار

برفقـة شبيـب وناقليـنٍ حـذاره=سارينٍ مـن دارٍ وناويـن فـي دار

يدلـهـم دل القـطـاة الـثـبـاره=اليا حداه القيـض والقيـض جبـار

تنقـل شـراب اعالهـا بالستـاره=الهور عنها بعيد واشطوط الانهـار

يازيـن مصفـارٍ بذيـك الـقـراره=خدٍ تحبري فيه في وقـت الاسفـار

مصفارها وقـت الخضـار القفـاره=وسميـةٍ ماطبّهـا كـل صـقـار

طبوا عليها اعصيـر بتلـى نهـاره=سهيل ماعشـي وهـلاع محتـار

زلـن وشافـن ونتـون بنتحـاره=وتل السبوق الفارسي والسعد ثـار

وساقوا وراه وصف عنـد اختيـاره=وماتن وهن حيات ياوالـي الأقـدار

وقالوا لراعي الهاف يبعـد مـداره=خل الذي عنده ترى حـوز وكثـار

يوم استدار الهاف عجـل استـداره=شافوا مخاميرٍ من الخـوف خمّـار

طـارن وثـارن ونزلـن بنحـداره=من رمي خطلانٍ بصلفات الأوقـار

صادوا وفادوا وشب للضيف نـاره=وبدر الحويفـي نستحقـه بمسيـار

رسالـتـه لا يعتمـدهـا زيــاره=قدره كبير اكبر من الضلع سنجـار

بدر الحويفي مـن رجـال النمـاره=ستر العذارا مزعلة كل مـن بـار

من ديرةٍ فيهـا الحبيـب ومـزاره=وبيت الله القادر علـى كـل قّـدار

وحكامها إرجال الفخـر والأمـاره=اهم الملوك مطوعـة كـل جـوار

تـم الكـلام وزبـدة باختـصـاره=وصلاة ربي عـد هتـاف الأمطـار

على الذي كلم وهو وسـط غـاره=جاه الوحي والناس في الشرك كفار

اهو الرسول الحـق دينـه شعـاره=صلوا عليه اعـداد ماسايـرٍ سـار

[line]

(( 4 ))


يابو سعد نفسـي تحـب الفياحـي=أخير مـن قصـرٍ بـراده بتكييـف
يادجت بالي والضميـر استراحـي=اخص به ياصرت ماني على السيف
ليا حصل خدٍ عن السيـف ناحـي=يم الغدف ومع ايسرا التل وطريـف
بالحزم والعيثـه وذيـك المناحـي=خدٍ غني العرف عن كـل تعريـف
هو منوتي يوم اشهب القيض راحي=ياجا البراد ووايقـوا بالمشاريـف
مثل السنين اللـي تقافـن ملاحـي=ياحلو دورايـا مهـن بالتصاريـف
سنيـن فيهـن للفـؤاء انشراحـي=صيد وشباب وكل شيِّ على الكيـف
واليوم كل اللـي ذكرنـاه ماحـي=وين الشجر والصيد والكيف والريف
والقـاع كنـك قالبـه بالمساحـي=عقب الشجر بفروع ذيك القفاقيـف
بفـروع وديـان تربـي الطياحـي=ومدهال بـدوٍ يتعبـون المواليـف
ياخايلوا برقٍ مـن الوسـم لاحـي=شالم وحالـم والرعايـا خواطيـف
من صبح مخلين الوطن والمراحـي=عزي لكم يا طارديـن الغطاريـف
من دونهم زم السـراب البراحـي=ولا ينزلون الا العصير الطهيريـف
يبون سيلٍ بـأول الوسـم طاحـي=وبله حقوق وممطر له على صيف
عدو بهن يمـه خباثـن شحاحـي=وقل المواجه وافلسـن الملاقيـف
مير استريحـوا ياطيـور الفلاحـي=لاتتعبـون نفوسكـم بالتحاسيـف
قلته وانـا معـاد يكفـخ جناحـي=معناي غير وقلتها حـذف توهيـف
معناي يم الطيـر جعلـه يصاحـي=الارض بيضا وابرق الريش ماشيف
من اولٍ نلقـاه عصـر وصباحـي=واليوم عنه نحّلف القـاع تحليـف
قضوا عليـه امطرديـن السلاحـي=حتـى أم سالـم نتفوهـا تناتيـف
وقل الحلا واصفي الغدير القراحـي=والذاهبة معـاد تسـوي تكاليـف
يومنها جيشـان والعـزم صاحـي=نسري وننسى لابسـات النفانيـف
تلقى لنا مع خـط خرنـج مراحـي=درب القنوص اهل الفرا بالشفاشيف
واليـوم هوّنـا وطـاح السّلاحـي=شايف وعايف والركايب مناكيـف
ابطلـب الله رحمتـه والمبـاحـي=عساي له ضيفٍ وهو يرزق الضيف
تمت وصلوا عد سحـب الرواحـي=على شفيعٍ حطم الشـرك بالسيـف

[line]

(( 5 ))


لاوالله إلا الطيـر قفـى هـداده=ولا ينقل قـدام حسبـة عبـوره
الا اليـا هـب النسيـم ابـراده=والوسم دش وراح وقت الحروره
يابوسعد هـذاك وقتـه وعـاده=الله يلحقنـا علـى خيـر دوره
دور له الصقـار ينقـل مـراده=وينادهه عند احتـراه النقـوره
وقتٍ به الطاروح ينقـل مهـاده=راع الولع طيره يبـدل سيـوره
يابو سعد شوف الفياح وحمـاده=اخير عندي من مساكن قصوره
اليا صرت مع الطلق والسعـاه=خطو أبيض مافي شليله حموره
أبيض وفيه إلطير فارس شهاده=ريشه حمامه بر منه مخشـوره
أبيض جليل وفيه وصفٍ زيـاده=منكب وعين وطول ياوي جوره
مسرول وجبال فـارس بـلاده=منهن معابيره وهو من طيـوره
أفجح جليل وكل خـرب عفـاده=وانخشيت له ماتطيـرا معثـوره
إن كان طارت وارتكت بالشراده=ظف المناكب بالطيارا مخطـوره
ياحبني له فـي ليالـي هـداده=الياصرت في خدٍ تطارد زهـوره
خرفيـةٍ ومبكـر الوسـم زاده=مطغيه من دلو الأحيمر بكـوره
إلياشاف فيه الطير منوة فـؤاده=تل السبوق وراح مخل شعـوره
دكن بحـرف قاضبـات إحـداده=تعاشرن له يوم شافاً حظـوره
جاهٍ مجي منـه جتهـن قـراده=لعبهن واقفت عليهـن دبـوره
خلا غلبهـن كالغديـر إطـراده=حاموا عليهن فزعتن ماتعـوره
ربع الياقفي المصـودع نفـاده=يعجبك واحدهم برميه احكـوره
فيهن عن الدرب الرزيل ابتعـاده=خويهـم دايـم فـراحٍ سـروره
تمت بذكر الله علـى كـل راده=عداد مابين مع الصبـح نـوره

[line]

(( 6 ))



لاوالله إلاّ راح وقـت القرانـيـس=وتنسمت عقـب البـراد الهيافـي
صارت على ماقال حر و شواميس=وخضر الفياض ميبستها السَّوافـي
أقفى ثراهن والحوايـف ميابيـس=وجا للشتا بالقيض سلم اعترافـي
الطير عقب منادهـه بالنواميـس=جود رباطه وانسجـن بالوقافـي
أقفى مناه وجـاه حـل التقرنيـس=يرجي مقانيص الشتـا بالفيافـي
وقته اليا ذعذع بـراد النسانيـس=ياجا الشتاء والقيض راح امتجافي
بتلى عبـور مولعـات القرانيـس=اللي لهن من كـل طيـرٍ مخافـي
ياحلو مطلاعه عليهـن مقاويـس=في ماقع تزمي رجومـه شوافـي
خضر فياضه في زهرهن مغاطيس=عقب الوسوم اللي تقفـت خرافـي
شوفه وشوفتهن تزول الهواجيس=ياحلو قولت شغل الطيـر شافـي
تل ونحرهن وأخمرن له ملاميـس=وساقوا وراه إلعجهـم إنعصافـي
صف ونزل متزهبـن للحواسيـس=وجوهن يديرونه بحـس اختلافـي
أحد يقول يمين والسـوم برخيـس=واحد يقول يسـار عنـده خلافـي
تساهموهن كاسبيـن النواميـس=تسمع لصلفات الذخيـر إنقصافـي
ماطار طاح ورد للقـاع قرفيـس=تسمـع لوقـت خلهـا يالسنافـي
ربـع مظرينـه بقـل التفاليـس=وهو مظهريهـم صـدوقٍ ويافـي
صادم وفادم مالطمهـم عواكيـس=ربـع لخوتهـم مديـم امتشافـي
محلا سوالفهـم قعـودٍ مجاليـس=في ساقية جـوٍ لعشبـه حفافـي
ريش الحباري فيه مثل القراطيـس=من ضرب صلفات الذخيره الخفافي
عقبه حلا فنجال بـن المحاميـس=مهيـل ريحـه تبيـه الأشـافـي
سوالف ماقالها النـذل والهيـس=مثل الغدير اللي على الكبد صافـي

[line]


(( 7 ))




والله لولا سجتي مـع مطاليـق=عندي خبر في تالي العمر خامه
اني ماروح ولا علينا مضاييـق=ولاحدٍ بغاصبني ولا من ندامـه
لاشك طرب لضاربين الفناتيـق=ربع ٍ تعز نفوسهـا والكرامـه
تسمع سوالفهم على فكة الريق=قولة جناح الطير جود حزامـه
حتى اليا طالع حباري مدانيـق=في ذر قفرٍ ماوطتـه الجهامـه
يذهب لهن قدام وقت التخانيـق=من خيشت منهم جفتها السلامه
وأليا نصوهن طيبين التوافيـق=رمي الطيار لكل منهم مرامـه
طارت وطاحت من يديننٍ مواثيق=بمـورداتٍ يـبـرن اللـوامـه
تسمع لقولة عاش قدم التراميق=من كف شغمومٍ بعيد الغشامـه

[line]

(( 8 ))


يابو سعـد عينـت ماقالـه اسميـر=عشب وربيع وافقـت قـاف ماقـال
شفت الزبيـدي باختـلاط النواويـر=تجذب زباريخه من القـاع كدشـال
أموافـقٍ نجمـه سحـابٍ مزابيـر=ياقف جـاه مـن الهماليـل عـلاّل
لينه غدى لحفـاف عشبـه دواويـر=من كثر خيـر الله نواويـره أشكـال
يازين ممشاَ فيه مـع خـوّة الطيـر=في ساعةٍ يرمي بهن بالخـلا الفـال
ياشافهن وانتل مـن دسّـه السيـر=وخْرمْ وشاف مصدوعٍ باالشفـا زال
يبغى العشا لحـاق بـرق الدواغيـر=جثل المناكب لابـرق الريـش قتـال
أبيض خرش حمّار عينه كما الكيـر=عوق الخريش وللمخاميـر غربـال
شوفه وشوفتهـن تزيـل التفاكيـر=يطرب لهن قلبٍ لهـن فيـه منـزال
شوف الفياض وشوف خِلفٍ مصاغير=شوف الفياح اللي له أتلال وسهـال
هو منوتي ولا ترى العمـر تقزيـر=بو طال وقتـه مـع لياليـه ينـزال
لابد من عقـب الصعـود المحاديـر=لابد من عقب الفضا بيـت الأهـوال
بيتٍ عسانا فيه يكتـب لنـا الخيـر=يقفوا جماعتنـا وواجهـت الأعمـال
فـي ساعـةٍ ماينفعـن المعـاذيـر=قدم الكريم املـط بـلا وزار ونعـال
يالله عفـوك عنـد ذيـك التقاريـر=في ساعـةٍ عمـا فعلنـاه ننسـال
في ماقفن مافيه مهلـه ولا تأخيـر=قدام مـن يعلـم خفيـات الاحـوال
يالله عفـوك يـاولّـي المقـاديـر=يامرجعن للقاع من عقـب الامحـال
أرجيك عفّوك عند شوف الزمهريـر=في ساعةٍ ماينفـع الابـن والمـال
هذا الصحيح ولا يبي الصج تفسيـر=أبدنيـاً تـودي الأخـره دق وجـلال

[line]

(( 9 ))



يابـو محمـد بـرّد الوقـت للطيـر=والقيض جاه من الشتا وقت الانـذار
اقفى سموم القيض عقب المعاصيـر=وهب البراد ولا برق الريش معبـار
وقت الحباري والقنـص والمعابيـر=وقتٍ علك فيـه بفـروح الاسـرار
وقتٍ تـدور فيـه بـرق الدواغيـر=شقر الحـرار مولعـة كـل صقـار
وقتٍ يعلك فيه يكتـب لـك الخيـر=طول الحياة وطولت العمـر بأنـوار
أقولها ماقصـد بعـا مقصـدٍ غيـر=الا المحبـه والمـعـزه و تـذكـار
ذكرت نشدات الطـروش المداويـر=عن الحباري فـي عذيـات الاقفـار
يابومحمـد طردهـن بالمخاضيـر=يزول عن طرادهـن كثـر الافكـار
وأنت المجرب مايبى الصج تفسيـر=كد هد منك اللي على الدوس جبـار
خطو أبيضٍ طراف ريشـه مغاتيـر=فيـه الحّمـارْ قليـلٍ تقـل نــوار
أبيض مسرول كن عينـه سناكيـر=جليل وحجولـه جليـلات وقصـار
تضفي سراويله على مربط السيـر=ضافٍ شليل لابرق الريـش جـزار
ياشافهن ماهـو براعـي تصاويـر=عجـل الطلـوع وبالتناجـم غـدار
هو فارسي الجنـس مافيـه تفكيـر=جنسه ليا ضايف على الجمس يندار
يازينهـن عنـده ووزنـه مخاميـر=في ماقعٍ ماديج به عقـب الامطـار
شوفه وشوفتهن وشوف النواويـر=وهوى البراد وشبت الربـع للنـار
وشوفة اتدرج للفـروخ المكاسيـر=يطرب لهن فكرٍ مع الطيـر منـدار
يادرجتله عقـب ترفيـع وعصيـر=عند الغروب ليا ختلط في الاشجـار
عشّي عليها بين جـوع وصعاطيـر=واصبح يدوّرها من العقـل منهـار
وزالت وشاف وتل من غير تأخيـر=مناكبٍ يرفع بهـا الجسـم ياطـار
ودكن بوجهـه كايـلات المواخيـر=وبطل لهـن بابالندامـه والأخطـار
وجاهن وجوه وصار بالحس تغييـر=وبينهم قولة علـى يميـن ويسـار
وطارا وطاحن بالوجيـه المسافيـر=من ايمانكم والحاق ابلجيـك ياثـار
بقيـادة اللـي فيـه حلـمٍ وتقديـر=ريف الرفيج ليا افخت الطير وحتـار
سلمان نفسه ماتهـاب المخاسيـر=نفسه مضاريها على الطيّب من صار
ياما عطى من معجبـات الصقاقيـر=ويامـا جـزرٍ ورا ذيـك الأنـهـار
وتم الكلام ولايبـي الصـج تزويـر=انا اشهد انه صاحب العرف وخيـار