عبدالله الصواغ
04-03-2006, 05:31 AM
بسم الله الرحمن الرحيم
السلام عليكم ورحمة الله وبركاته
هذه قصيده فاضت بها مشاعري اذكر فيها بعضا من تاريخ قبيلتي العريق عبر القرون الماضيه
املا ان تحوز على رضاكم والله الموفق
على سلم الرجال اللي ذراها = يذري من زبنها في حماها
اماري وافتخر بعموم ربعي = وابين فعلها واكعم عداها
حشا لله ما هوب التكبر = ولكن كلمه الحق وصداها
نسبنا معتلي والجد عازم = ابن هند ومواقيفه حماها
من الفريس في يوم التلاقي = حفيد هلال لا دارت رحاها
وابو جده نفيل بن الربيعه = بن عامر شقا الضد وبلاها
ترى الشئ المعرف لا يعرف = وعامر من هوازن واقوياها
وهوازن بن منصور وجدوده = خيار القوم في حزة لقاها
ونرجع فالصحايح لين نرجع = على عدنان والرفعه نراها
وعطاء بن ربيعه نعتزي به = احد شجعان قومه واوفياها
لنا مجد تخلده الليالي = ووقفات تنومس من قراها
ونجد الغاليه هي دار اهلنا = ولا احد حارم عنا هواها
عليك الله و اكبر يازمان = مضى لجدودنا فيه انتباها
سلاطين اليمن تفخر وتمدح = مواقيف احلفاها واعضداها
سليمان الحجوري قال عنا = بيوت محتواها بامعناها
حسب ما صار والتاريخ يشهد = فعايلنا تشد اللي رواها
بوجه الحاكم الجبري وقفنا = ومعنا زعب حمايه حماها
تصدينا لجيشه ف اللهابه = والاخرى ثاج مابه من غواها
وبجبال الحجاز النا معارك = خسر منهو يقابلنا وراها
مابين العازمي ويا المعادي = علوم يعلم الله منتهاها
جرى يوم يسمى يوم ملهم = يداوي جمعه الضد بدواها
وفي الانجل بيوم الريع صارت = حروب طاحنه دارت رحاها
عوايدنا نقابل من يقابل = ونعطي الصاليه للي يباها
وفي نجد ان رفعنا السيف تخضع = جيوش وزها منهو ولاها
على جمع الشريف حمود هلت = مزون ينثر الرعاد ماها
وقفنا بالسيوف وبالخناجر = وخلينا العدا تصفق يداها
جبل طلال يشهد وابو رابض = ونجوم الليل في عالي سماها
وفي الخرج اجتمعنا ضد محسن = شريف جمع الناس وحداها
فعلنا ما فعلنا و النشاما = تعد الحق ثم تلقى جزاها
كبار اشراف نجد اللي مدحنا = وهذا الصدق مافيه اشتباها
وفي وسط الحسا شلنا الافندي = محمد طاغي الدار وغثاها
وحنا من فزع لاخوان نوره = على دين الولي حنا احلفاها
وفزعنا ايضا بصف اخوان مريم = بوقفات تشرف عن سواها
شيوخ الدولتين اهل الحميه = ولاتجحد مواقفنا معاها
نطحنا لاجلهم كل السرايا = وهذا واجب الدار وغلاها
ليا منا وقفنا فالحرايب = عدانا ضرسها ودع جماها
تحالف من يعادينا الخساره = على بيع الفعول ومشتراها
نزيل الشيخ عن واقع حياته = نخلي لابته تعلن عزاها
على ماقلت يشهد ما توثق = بصفحات التواريخ وخفاها
بوقعات لنا مع هالقبايل = وسلات الرهايف من خباها
بمعركه الصبيحيه و شربه = جعلنا اخصامنا تقصر خطاها
ولا تنسى المراغه والطريفه = ولاننسى الصريف ومحتواها
ومعركه العليميه و حمى = بها بنت العدو يكثر بكاها
وعند مريخ سجلنا بطوله = وكرهنا الذيابه في عواها
سقاك الله ياضلع الشنيطي = صواب الناس ما يشبه خطاها
غزينا اهل النقيره وانتصرنا = واخذناها واخذنا ما وراها
و رضى فيها توكلنا على الله = وهل الثورات لعنا ثواها
جموع جت لنا بسبعه بيارق = كسرناها وعن بكره اباها
وفي نفس السنه صاح الصميدع = وحنا شيوخنا انلبي نداها
بكون انقير و انقير العظيمه = يبا يبطي المعادي ما نساها
صمدنا لين تيهنا العشاير = وهامه عالي الهامه حناها
ويشهد من حكم شبه الجزيره = والاسما مع خبرها ومبتداها
بأن وجيهنا بالعز بيضا = على مر الليالي مع حلاها
وسلامتكم
السلام عليكم ورحمة الله وبركاته
هذه قصيده فاضت بها مشاعري اذكر فيها بعضا من تاريخ قبيلتي العريق عبر القرون الماضيه
املا ان تحوز على رضاكم والله الموفق
على سلم الرجال اللي ذراها = يذري من زبنها في حماها
اماري وافتخر بعموم ربعي = وابين فعلها واكعم عداها
حشا لله ما هوب التكبر = ولكن كلمه الحق وصداها
نسبنا معتلي والجد عازم = ابن هند ومواقيفه حماها
من الفريس في يوم التلاقي = حفيد هلال لا دارت رحاها
وابو جده نفيل بن الربيعه = بن عامر شقا الضد وبلاها
ترى الشئ المعرف لا يعرف = وعامر من هوازن واقوياها
وهوازن بن منصور وجدوده = خيار القوم في حزة لقاها
ونرجع فالصحايح لين نرجع = على عدنان والرفعه نراها
وعطاء بن ربيعه نعتزي به = احد شجعان قومه واوفياها
لنا مجد تخلده الليالي = ووقفات تنومس من قراها
ونجد الغاليه هي دار اهلنا = ولا احد حارم عنا هواها
عليك الله و اكبر يازمان = مضى لجدودنا فيه انتباها
سلاطين اليمن تفخر وتمدح = مواقيف احلفاها واعضداها
سليمان الحجوري قال عنا = بيوت محتواها بامعناها
حسب ما صار والتاريخ يشهد = فعايلنا تشد اللي رواها
بوجه الحاكم الجبري وقفنا = ومعنا زعب حمايه حماها
تصدينا لجيشه ف اللهابه = والاخرى ثاج مابه من غواها
وبجبال الحجاز النا معارك = خسر منهو يقابلنا وراها
مابين العازمي ويا المعادي = علوم يعلم الله منتهاها
جرى يوم يسمى يوم ملهم = يداوي جمعه الضد بدواها
وفي الانجل بيوم الريع صارت = حروب طاحنه دارت رحاها
عوايدنا نقابل من يقابل = ونعطي الصاليه للي يباها
وفي نجد ان رفعنا السيف تخضع = جيوش وزها منهو ولاها
على جمع الشريف حمود هلت = مزون ينثر الرعاد ماها
وقفنا بالسيوف وبالخناجر = وخلينا العدا تصفق يداها
جبل طلال يشهد وابو رابض = ونجوم الليل في عالي سماها
وفي الخرج اجتمعنا ضد محسن = شريف جمع الناس وحداها
فعلنا ما فعلنا و النشاما = تعد الحق ثم تلقى جزاها
كبار اشراف نجد اللي مدحنا = وهذا الصدق مافيه اشتباها
وفي وسط الحسا شلنا الافندي = محمد طاغي الدار وغثاها
وحنا من فزع لاخوان نوره = على دين الولي حنا احلفاها
وفزعنا ايضا بصف اخوان مريم = بوقفات تشرف عن سواها
شيوخ الدولتين اهل الحميه = ولاتجحد مواقفنا معاها
نطحنا لاجلهم كل السرايا = وهذا واجب الدار وغلاها
ليا منا وقفنا فالحرايب = عدانا ضرسها ودع جماها
تحالف من يعادينا الخساره = على بيع الفعول ومشتراها
نزيل الشيخ عن واقع حياته = نخلي لابته تعلن عزاها
على ماقلت يشهد ما توثق = بصفحات التواريخ وخفاها
بوقعات لنا مع هالقبايل = وسلات الرهايف من خباها
بمعركه الصبيحيه و شربه = جعلنا اخصامنا تقصر خطاها
ولا تنسى المراغه والطريفه = ولاننسى الصريف ومحتواها
ومعركه العليميه و حمى = بها بنت العدو يكثر بكاها
وعند مريخ سجلنا بطوله = وكرهنا الذيابه في عواها
سقاك الله ياضلع الشنيطي = صواب الناس ما يشبه خطاها
غزينا اهل النقيره وانتصرنا = واخذناها واخذنا ما وراها
و رضى فيها توكلنا على الله = وهل الثورات لعنا ثواها
جموع جت لنا بسبعه بيارق = كسرناها وعن بكره اباها
وفي نفس السنه صاح الصميدع = وحنا شيوخنا انلبي نداها
بكون انقير و انقير العظيمه = يبا يبطي المعادي ما نساها
صمدنا لين تيهنا العشاير = وهامه عالي الهامه حناها
ويشهد من حكم شبه الجزيره = والاسما مع خبرها ومبتداها
بأن وجيهنا بالعز بيضا = على مر الليالي مع حلاها
وسلامتكم