المزنه

[حوشان الحوشان]

المزنه اللى دايمن براقها صوبى يلوح = صديت نفسى عن حنين ارعودها وأخيالها

لوهى لنفس الطيبين بتالى الدنيا طموح = ماهى طموحى دام عوق النفس من همالها

انهج على نهج النبى وابنى على نهجه صروح = ولا بلااش امن الدروب اللى خبيثن فالها

ان كان مانى عن دروب العيب عياف ونزوح = لا خير فى نفسٍ دروب العز ما تحلالها

امشى وفا لهل الوفا وازهم مع الشور النصوح = عارف وجيه الناس لوجتنى بغير اشكالها

اهل الردا ما غروا اهل الطيب فى سر و وضوح = لو العقارب بدلت زمزم بسم اذيالها

لاهنت لا تكثر على الهرج يالمخطى وروح = هرجتك بالله كفها عنى وطو حبالها

ما غرنى جوهر كلامك لو تصنعته فضوح = اخذ الجواهر من لسانى وانتكس وأصحالها

لاتزعم اضعوفٍ على راسك بنغمتها تنوح = اعرف جمال أعقيل يلحق عيبها جمالها

وان كان نفسك من غثا الايام وضروفك تفوح = انصح ضميرك والبشر تجزا بخير اعمالها

اغرس ثمارك بالزمن لا تصير فى نفسك شحوح = بكره ليا حميت عليك الشمس تلقا اضلالها

اغنم زمانك قبل لا تصبح جسد من غير روح = دام البقا لله والدنيا تشد ارحالها

خلك بهالدنيا عذولٍ منصح ألنفسك لحوح = ياطيب نفسٍ ينخلق من روحها عذالها

وان شمت من هرجى ؟ فلا تحسب سوا هرجى مزوح = لا تبهر ادلالك ولا تزهم على فنجالها

ام القوافى عنت افكارى على الصمت الجموح = تنقض سواليف الهزل ترهم على خيالها

والمزنه اللى دايمن براقها صوبى يلوح = صديت نفسى قبل شورك عن بروق اخيالها