(( تعال شوف بخفوقي وش كبر بيتك ))

[خالد بن سكران]

والله (أحبك) لو اني منك زعلاني = من كثر حبي لوصلك شوفني جيتك
أن كان مزعلك مني زلة إلساني = تعال شوف بخفوقي وش كبر بيتك
متربعن في خفوقي ما معك ثاني = ليتك تشوف (الغلا) في داخلي ليتك
أتنفّسك شوق وشمّك بوجداني = ويضخ ( قلبي) غلا لامن تقهويتك
(حبك) بقلبي جرى مع دم شرياني = أدمنت (حبك) حبيبي ما تناسيتك
أن غبت ليله سريت إل شارعك عاني = أروح وأرجع ولا أدري كيف مريتك
(عاشق) شعوري بلا تفكير وداني = في كل مرّه أجي فيها تمنّيتك
ذبحني الهم والتفكير واشجاني = وذكراك وسنين بالاشواق جاريتك
أسهرك ليل الحزن وأعيش وحداني = وأرتاح لازارني طيفك وضمّيتك
كم ليلتن معك بالاشواق سهراني = وكم ليلتن يا منى روحي تباطيتك
تعال يا اغلى الحبايب واجمل أزماني = تعال بيتك فضى محتاج لك بيتك
مافيه داعي تجاهلني وتنساني = وتجرح خفوقي وأنا بخلاص حبّيتك