عقب البطى

[حوشان الحوشان]

عقب البطى متصل تسأل عن احوالى !! = فى خير ابشرك دامك طحت من عينى

من عقب ما كنت مامثلك احد غالى ؟ = اصبحت حاجة زمن ما عاد تعنينى

ما انكر ان الغلا فى غيبتك صالى = والشوق جمرة غضى بالجوف تكوينى

هى هكذا دارت بهجرك وترحالى = ايام مره لكن الوقت يبرينى

دلهت نفسى وتاهت اتفه أأمالى = وفنيت حبك قبل للحب يفنينى

اهلا هلا بتصالك وسمع اقوالى = ولاعقب حلقى سوا ضغطه من ايدينى

ابيك ذال حين تمسح رقم جوالى = وابيك كل العمر ما تتصل فينى

وان جابتك صدفة الايام تبرالى = لا تلتفت صوبى بصوتك تنادينى

وأليا تهيا مثل ما غبت فى بالى = ابيك مثلى بعد ما عاد تطرينى

لنك حقيقه ترا ما عاد تحلالى = ما عاد يمديك تلحقها ويمدينى

والحين خذها ابقطع دونك ارسالى = وفر رصيدك ترا ما عاد تعنينى