(( مشروع توثيق لشعراء القبيله))

[ابوحمود]

هذا الموضو مغلق والمشاركات ترسل لي بالرسائل الخاصه فقط



بسم الله الرحمن الرحيم



اخوانى اعظاء وزوار مجالس قبيلة العوازم
السلام عليكم ورحمه الله وبركاته
أما بعد

((مشروع توثيق لشعراء القبيله))





فى البدايه اريد ان اشرح لكم طريقة التوثيق وهو كتاب



{ شعراء من قبيلة العوازم }




فنظرا لعدم وجود اى كتاب يختص بشعراء القبيله بشكل عام وبقصائدهم ونشرها اعلاميا وابرازها لمتذوقى الشعر النبطى فقد عزمنا القيام بهذا العمل لاظهار كتاب يجمع متفرقات القصائد في جعبته ,,



وقد حرصنا كل الحرص على ان يحوى هذا الكتاب جميع قصائد شعراء القبيله وأقصد بكلمه القصائد هى القصائد التى تتوفر فيها كل معانى الجزاله الشعريه والتميز فى المفردات واسلوب الطرح ,,,


كذلك حرصنا كل الحرص ان يشمل الكتاب كافه أفخاذ القبيله وشعرائها



والكتاب يحتوى على خمسه ابواب:-
الباب الاول : الوطنيات وهى القصائد التى تعبر عن حب الشاعر لوطنه ووفائه له ولاخلاصه لقاده ذلك الوطن والقصائد التى قيلت فى مناسبات وطنيه خاصه .

الباب الثانى : الموروث الشعبى وهذا الباب يعنى بقصائد شعراء الجيل الماضي وبيئتهم سواء البحريه او البريه.

الباب الثالث : مدح القبيله وهو قسم يهتم بقصائد الشعراء التى قيلت فى مدح القبيله على وجه العموم دون تحديد شخص معين .

الباب الرابع : الغزل ويهتم بالقصائد الغزليه والعاطفيه.

الباب الخامس : والقصائد العامه وهو يهتم بالقصائد العامه مثل { المرثيات - النصائح - الهجن - الصقور- القنص - الابل - وغيرها }

==================================================




ومن اليوم سنبداء في الباب الاول من الكتاب الوطنيات عند العوازم ولمدة شهر من اليوم ترسل الرسائل لي عبر الرسائل الخاصه اخر وقت لاضافة القصائد في هذا الباب الخميس الموافق 17/11/2005







هذا الموضوع مغلق والمشاركات ترسل لي بالرسائل الخاصه فقط

[ابوحمود]

((حصاد الايام الماضية))



الحمد لله والمنه ان التفاعل من الاخوان كان على الشكل المطلوب و نطمع بالمزيد والان سنعرض لكم حصاد اليومين الماضيين وسنورد اسماء الاخوان الذين ارسلوا لنا القصائد ولهم منا جزيل الشكر.


هذه مجموعة قصائد وطنيه للشاعر الراحل سالم بن تويم الدواي ارسلها الاخ اللميعي:

*هذه القصيده قيلت في حفل عيد الكويت الوطني وبحضور امير دولة الكويت ان ذاك المغفور له الشيخ صباح السالم:



اول البادي في مبتداي ابتديبه=ذكر الكريم اللي يربع بالامحال
اللي على خلقه عيونه رقيبه=سبحان من يجعل دجى الليل ينجال
اللي نفع ذا النون وقت المصيبه=يومه لقمه الحوت في بطنها قال
ناجاه في سود الظلام المريبه =وانجاه يوم انه لطيفن بالاحوال
وبعد الذكر مبدأ المعاني نجيبه=ياجب علينا دون ناهي وعذال
من خاطرن طيب ونفسن لبيبه=واجب وطن ياجب على كل رجال
مباركن عيد الكويت الحبيبه=اللي لنا فين وللاسلاف مدهال
من يوم سيف الكوت خالن شعيبه=واهله هله ما حل به كل حلال
ياما جرى بطرافها من حريبه=بين الرجال اللي على شهب الاذيال
يومن جرو والمهار العريبه=تقفي وتقبل بالمشاكييل تجتال
كل ابلجن ما يصطبي للغليبه=راحت ضحايا الدار رجلي وخيال
حتى بحرها طاردوا في غبيبه=من خور عبدالله ليا ارض التهيال
صانوا حدود الدار طيب وغصيبه=يارحمة المولى على ذيك الاجيال
عاشوا عليها بالسنين التعيبه=والشكر للي بدل الحال بالحال
واليوم كل الدار خضره خصيبه=من وين ما تنظر بساتين واشكال
دار الضعيف من العرب تعتني به=وتساعد المنكوب بالحال والمال
ومن حدته جور السنين التعيبه=يلجأ ويلقى عند الاجواد منزال
في ظل حكمن سعد من يلتجي به=حكمن على شعبه كم الغيث همال
حكمن حكم للشعب حكمن يثيبه=دستور حكم مساير الشعب بعدال
مابعدوا ناسن وناسن قريبه=يسايرون الشعب ماضين الافعال
كلن على حقه يطالب طليبه=مافيه فرقن من وزيرن وعمال
واللي يخاف الله يعنز نصيبه=يجعل لها منزال في روس الاجبال
واللي يغط النور ربي حسيبه=يحاسبه ربه ليا حده الجال
ان طاب طيب المودمي من حليبه=والا العقول بها تكانه وجهال
كلن يعرفونه لميقاف طيبه=ويفضل الطيب بمقعد وفنجال
جعل الكويت اعيادها تهتني به= في جاه من نزل تبارك والانفال
من شبتي لين الشعر كثر شيبه=داري عسى مافيه نعتاض الابدال
احب داري حب عودن لصيبه=ياشفتها كل الهواجيس تنجال
وان غبت عنها سفرتن في مغيبه=بس اتسمع للاذاعه والارسال
والمبتدأ عند الختام انتهي به=ذكر الله اللي خالقن دق وجلال



*ولابو جمعان ايضا في سفره مع والده خارج البلاد:



السوق مالي يا يبا فيه غرضان=اخير عندي من هذيك الجذيبه
تهف فيي النود هفات الاغصان=اغصان عيدانن طوالن عسيبه
لولاي اداري خاطرك يابن جمعان=ما جابت الورقى لجنبك لجيبه
السوق تطرب له وانا منه عمسان=عدو عينك في حياته بلي به
السوق والله يا يبا سوق هدلان=سوق الكويت اللي عزيزن غريبه
ياليت لي ميقن وقضاب سكان=واشرف على ذيك الديار العجيبه
دارن ليا طبيتها خاطري زان=وفراقها همن علي وغصيبه
عندي شوارعها نهورن وبستان=مساكن الجدان عندي حبيبه
لا واهني من شاف مشرف ودسمان=والشعب قصر اللي حكمنا بطيبـه
والسالميه شاف اهلهـا بالاعيـان=ومناطـق الديـره بعيـد وقريبـه
القى دواوينـن بهـا كـل ديقـان=رفاقتـن والجـد واحـد عريـبـه
عزوة جميع جموع ذربين الايمـان=من كان قلبه صاملن ينتخـي بـه
يا عقلوا ذرعان حلوات الالبان=يجيلهم نصرن وعزن وهيبه
ذباحتن للشيخ في وقـت الاكـوان=وطابـور خيولـن طولـن سبيبـه
ولاني بفضل مجلس فلان وفـلان=كلن طيابة خاطـره مـن نصيبـه
والخاتمه ذكر الولي رافع الشان=عداد ماهل السحاب بصبيبه
نون سكب غيثه بسحبن وودان=لازل عشرن للاحيمر مغيبه



وايضا هذه القصيده وهي من اروع ما قيل في الوطنيات:



بديت ذكر اللي للانشاب حلال=مودع سحاب الغيث ترعد رعوده
جزل العطايا مبدل الحال بالحال=سبحان من مضفي على الناس جوده
طالبك ياللي نفعتك مالها امثال=تفك عمر اللي طلبنا وجوده
عبدالله السالم ذر الشعب وظلال=ياعل بيت العز يرسي عموده
جعله يدوج بديرته داله البال=هو حاكم الديره وحنا جنوده
دارن لنا فيها محلـن ومنـزال=من يومخا سيفن خلا من يروده
راع الوطن ما غيره كل عذال=القلب ما يرخص مساكن جدوده
قلته وانا قبلي من الناس من قال=كلن يجي حبه على بذر عـوده
ياما كعمنا دونها كل عيال=يا خان خطو معاهدن في عهوده
وياما هفا فيها من الخيل ورجال=راحت ضحايا للكويت وحدوده
وصلاة ربي عد ما زايلن زال=على الرسول اللي خطاه محموده



وايضا هذه القصيده التي ابكت الشيخ صباح السالم:



يامرحبا باللي على الشعب مبروك=واخوك قبلك مثل حكمك وشرواك
من زين حكمك للبلاد استحبوك=حبك شمع في قلوب ذول وذولاك
يامغنين في ديرتك كل مضكوك=يوم الولي مدك من الخير واغناك
ومامن بلد منكوبتن ما ترجوك=تبهج ضمير اللي طروشه ترجاك
عساك تاجد قدمك الباب مفكوك=ياطحت في رحمت وليك ومولاك
في ساعتن ما ينفع ابنك ولا اخوك=ياكود ما تامر وتفعل بدنياك
وان كل مالك حدر مولاه مملوك=الملك ملك الله على كل ملاك



================================================== =========




افادني الاخ شاعر زمانه بهذه الرساله الجميله والتي تحمل في طياتها قصائد جزله للشاعر الرائع حامد زيد:




قصيدة في صاحب السمو الشيخ جابر الاحمد الصباح حفظه الله :-




من ربوع الفخر والعز والظل الظليل =من زلال الحرف بالقاف للحرف الزلال

من اصالة جد من جد من جد أصيل =من وصال الشعب للشعب لأسباب الوصال

للوفا للجود للفخر للقلب الدليل =للأمير اللي جمع كل ذربات الخصال

من سنة سبعة وسبعين والعمر الطويل= لي سنة سبعه وتسعين حكم بالعدال

ميزك رب السماوات بالفعل الجميل =وخصنا رب السماوات في حب الجمال

المهابة والفخر منك يالسيف الصقيل= والشموخ بعزتك فوق هامات الجبال

ماتميل بعزتك يوم لوغيرك يميل= كامل ياسيد الشعب ولله الكمال

منزلك بقلوبنا فوق ماعينك تخيل =ومنزلتنا عندك تفوق توصيف الخيال

انت عشق الشعب للشعب ياخيل الخليل =وأنت شمس عاشت الوقت لعناد الزوال

وانت نور الشمس للناس وظلال النخيل= والنخيل ان ظلل الناس مايلقى ظلال

زهد ما تلتفت للكثير وللقليل =حاكم للشعب عشرين عام باعتدال

مايعادل جودكم لاكريم ولا بخيل =في كلامك لو تجادلت مامثله جدال

بسم شعب مارضى غير حكامه بديل= لو تثور اعداه وتصبح فتنه من شمال

مايقابل جابر الخير قداح الفتيل =والرجال ان رادت الموت تفداها رجال

والقياده والولا للاصيل بن الأصيل =والغلا بقلوبنا يفتح لجابر مجال

من سنة سبعة وسبعين والعمر الطويل =لي سنة سبعة وتسعين حكم بالعدال

ماتميل بعزتك يوم لو غيرك يميل =كامل ٍ ياسيد الشعب ولله الكمال









وهذه ايضا في ولي العهد الشيخ سعد العبدالله حفظه الله:-




أمسحوا دمعات الأعيان وارموا بالورود =وأزرعوا بسمات الاشواق بأطفال المهد

وأبشروا واستبشروا واستمروا بالصعود =وابتدوا مرة جديدة على نفس العهد

واستعدوا للقا حين غايبنا يعود =يوم شرفنا بعد طول غيباته سعد

اسفرت لك وأنورت وستهلت بالرعود =وامطرت لك من حشا المزن هتان وبرد

ياولي العهد ياشيخ يانبع الصمود =ياحكيم المعرفة ياسناد وياسند

لايقربك المرض للخمول وللركود =ولايزعزع قلبك الصلب حساد حسد

المرض يب ينجلي يوم يالقلب الزهود =قدرة من خالق الكون والفرد الصمد

مالنا عن قدرة الله وافعالة صعود =مؤمنين ولم يكن للولي كفوا أحد

داعين ربنا بالركوع وبالسجود =مشغلين اقلوبنا بالوعيد وبالوعد

مستخيرين العمر فيك وافين العهود =مرخصين بعزمنا لجلك روح وجسد

بالرخا شعب على حق وبالشدة جنود =وبالعطا حنا على الطيب للطالب مدد

ما وطينا روسنا للجبان وللرشود =ومايهز شعورنا لابريق ولا رعد

حاميين ابلادنا من الحدود الى الحدود =ولو يزيدون العدا بالعتاد وبالعدد

تحت ظل الي عن الشعب وبطاله يزود =قايد الفرسان للمجد ربان البلد

الأمير اللي على الحق والعزه يقود =جابر اللي لآخر المجد والهامة صعد

وصرخة تملي لك الكون لأطراف الوجود =وصرخة من قلب شايب وصرخة من ولد

اشهد انك ياسعد قد ماقلت وقدود =ولا سعد قبلك ولا فيه من بعدك سعد




================================================== ========




وقد وصلتني هذه الرساله من الاخت الفاضله النشميه وهي قصائده وطنيه ايضا للشاعر المبدع حامد زيد وقد تكرر بعضها واوردنا فقط غير المكرر:-



الملحمه الوطنيه



الله اكبر والخطا المقصود ما يدمح بتوبه =والمشاكل دوم تاقف للبنادم عند بابه

والبنادم تحت رحمة واحد يغفر ذنوبه =والبشر كل بقدر عبادته يلقى ثوابه

ما خلقنا الله نعيشك يالزمن عيشه كذوبه =ولا خلقنا لليدين الخاينه ننهب نهابه

انظلمنا في نهار عيبنا نجهل غيوبه =والرجل لو انه آمن ما يصدق ما جرابه

ما حصل بثنين اغسطس من شروقه لي غروبه =يوم يبقى للعروبه جرح ما يبرى صوابه

الخطا اللي ما تغفره بالحساب اكبر عقوبه =ما سعينا في لقاه ولا سلمنا من عذابه

ابتلينا والقدر غلاب والنفس امغلوبه =في سفيه ما يعرف من العمار الا خرابه

ارتدى ثوب الجهاد وقاد للظلما شعوبه =يوم عجل في لقانا عجل الله في ذهابه

بالردى خرب بلاده فوق ما هيب امخروبه =زود صدور الخلايق مع كآبتها كآبه

مجرم من خيبته يحصد نجاحه في رسوبه =كن ما بالحقد درب للقلوب الا مشابه

ادعى فرض الحموة والمروة في حروبه =يحسب ان الناس تخشي زمرته والظن خابه

من يقول ان الشجاعة فالرجل تمحي عيوبه= والله ان الغدر ما زاد الشجاع الاعيابه

الجهل بالحرب يحني هامة المذلول صوبه =مثل ما يحني سبيب الصاهله قوس الربابة

والبلاد اللي تبات وتصبح الصبح امحروبه =ماتبنت فعل كاذب لجل تتحمل عقابه

ديرة ولها سيادة شعب ما هيب امغصوبه =تحتمل غلطه سفاهة حكم من حضرة جنابه

الوطن دونه رجال للعدا صارت عقوبه =ما تعرف من التفادي والخطر كود إرتكابه

كا من حاول لقاهم ما اتقاهم عزروبه =وان تلاهم وابتلاهم يسحبونه من ثيابه

دمنا لا خضب تراب الوطن زاده خصوبه =ودمعنا لا لامس القاع الوجل طهر ترابه

وطبعنا لا ثارت الهيجا وشق السلم ثوبه =من نصانا مرحبا به مرحبا به مرحبا به

اجتمعنا والبحر قدام وايقنا ركوبه =والليالي ما تثمن طعنة الرجل وصوابه

كا مازدنا صلابه ضدها زادت صعوبه =وكل ما زادت صعوبه وامحلت زدنا صلابه

وقتها ما نعرف امن الامتحان الا وثوبه =نبتلا وضلوع شجعان العرب تحطب حطابه

اتجهنا للكويت ولا عرضنا عن دروبه =والعمر عيا يساوي عندنا جنح الذيابه

اتحدنا للعمار جيوش لجيوش امعقوبه =وانطلقنا من ربوع المملكة عز ومهابه

ما ذخر عنا زعيم المملكة لو ربع طوبه =بيض الله وجه ابو فيصل ولا فيها غرابه

عادة الرجل الخليجي لا انظلم شبت شبوبه =والتكاتف ما يزيد المسلمين الا قرابه

تذكرون بيوم تحرير الوطن من من سطوبه= كيف يمطرن الهمايل والوطن تروي هضابه

دوبه يغسل القبور الطهر من الدم دوبه =دمع عينين الكويت اللي تحدر من سحابه

لا تكف الدمع عينك كل ما زود صبوبه =البكا ما زاد حسنك بالعيون الا ذرابه

يالقلوب الممحلة لا رحم ابو منتي قلوبه =يا عداة المسلمين ولعنة الدين وكتابه

يا لكلاب اللي تنابح بالشهر عشرين نوبه= واقلعوا عنا غثاكم لعنبوا منتم كلابه

الكويت... ولا بدال بلاد اخو مريم رحوبه =من بعد ما صار مالا يحسب المسلم حسابه

جنة الله في ثرانا صاغها الخالق عجوبه =فتنة عيون البنادم كل ما طول غيابه

درة البحر الخليجي من شماله لي جنوبه =شجرة تكبر ويكبر ظلها عطف ورحابه

وش يغيض الا هنوف تنذبح يوم الخطوبه =ردها عقب الله..اللي لا انتهض للحق جابه

جابر ولا غير جابر حاكم شعبه رضوبه =الزعيم اللي يهاب الموت منه ولا يهابه

قايد لنهضة ثبات الشعب نبراس العروبه =جامع حكمه شداد الرأي واعراف الصحابه

عقله اركد من ثبات طويق واخطاه امحسوبه =كن نصف العقل ثقل ونصفه الثاني لبابه

دامه الله قايد محبوب ف...بلاد امحبوبه =وعزه الله عزوة للشعب من يوم اعتزابه

والرواسي ما تهاب الريح لا هبت هبوبه =والمزايا عند حكام البلد جات اتشابه

يا سعد... يا سعد من خلاك حكمه تنوبه =خصك الله ياطويل العمر في حسن الانابه

انت ما تفخر بنسبك للكرام وانته جيوبه =الكرم نفسه هو اللي يفتخر بك بانتسابه

يا ولي العهد يا زبن الرجال اليا انتخوبه =يا ذراع الشيخ جابر بالسلام وبالحرابه

شعبكم رهن الاشاره سمع وعيون إمعصوبه =كلنا يوم الملاقي لا به من دون لا به

والولا لإخوان مريم بالفدا يفرض وجوبه =مثل ما تفرض زكاةالمال لا كمل نصابه

ويالكويت الله يديمك طول الايام مهيوبه =ويا عساها من شفاهي للسما دعوة مجابه

قلتها والشعر كني تارك دوبي ودوبه =يحرث قلوب الخلايق وازرع بذور الكتابه

شاعر مالد شوفه للقريب وقال توبه =التفت لا قصى طموحه وانطلق باول شبابه

والشعر مااحدن يعيبه لو يطول وبه عذوبه =بس لي كلمة اخيره والكلام اسد بابه

كلمة من وقت قيلت وامست سنين امحجوبه =جيت ابنطقها عن لسان الخلايق بالنيابه

بالعرب سبة ضياع العالم النامي شعوبه =والتكاتف ما يزيد المسلمين الا قرابه







الاسرى



دار الزمان وجت ازمان وازمان =ساعه بعد ساعه وحين بعد حين

عشنا الحياه افراح وجراح واحزان حتى نهايت عام تسعه وتسعين

كل تحرى عام الالفين شفقان =متلهف للقرن واحد وعشرين

يمكن تعبنا ظلم وهموم واشجان =ويمكن قلبنا بالظروف الموازين

صرنا انتناسى همنا قدر الامكان =نسعى ورا جمع الذهب والملايين

نستقبل الغلطة من كفوف غلطان =ونتاجر بدمعه قلوب الضعيفين

ماهمنا غير الدعاية والاعلان =ماكننا شفنا القهر وشوف بالعين

ماكننا نفقد من الشعب شجعان =وانا لنا اسرى في سجون الحقيرين

ساعه وقفنا للخديعه بالايمان =واستضعفونا من بعدها كثيرين

عشرة سنين وانقضت دون نقصان =من ليلة الغزو العراقي لي هالحين

وحنا وقف شعارنا تحت عنوان =متى على الله يطلقون المساجين

ضاع العمر والناس رابح وخسران =وضاع الامل ما بين باكر وبعدين

عشنا نقص لسان ونجامل لسان =نضحك وتطعنا ثمانين سكين

ونضيع حقوق العروبة بنكرران =مابين عقال العرب والمجانين

وان كانت الجيرة تجافي وتنهان =ملعون ابو جيرة بيوت الحقودين

للظلم ميدان وللعدل ميدان =وللحق ناس وللعروبة قوانين

وصدام عاش العمر مذنب وخوان =ومعاهداته مع وجيه كريهين

لايعرف اخلاق ولا يعرف احسان =وما مسح كفوفه على راس مسكين

ساق التعالي للتواضيع حقران =من دمر ايدينه بدم البريين

إستعبد شعوبه على نهج علمان= من يفصل الدولة عن الشرع والدين

شيطان لا ماينوصف وصف شيطان =ماكنه إلا من عباد الشياطين

وما سادت الغلطة على كل الاحيان =مادام لظروف المواقف براهين

وان كانت الدعوه حكومات واوطان =حنا لنا حكم من اسنين وسنين

لنا شيوخ تعقل الانس والجان =ماهي علوم المقبلين والمقفين

للحق طلابة وللشرك عدوان =وللجود جود وللعطا مستعدين

وللصد صد وللوصل حبل شريان =وللخير درب وللمكارم كريمين

وللسلم حلاله وبالحرب فرسان =وللضيم درع وللزعامه سلاطين

يا أم الاسير استبشري بالعرب كان =باقي على عرش العروبة عريبين

مثلك نذوق الحزن بأشكال الوان =وصرنا نعاني مثل ما انتي تعانين

ومادام قالو لامس الجرح وجدان =لازم يجي يوم وتتفجر براكين

يا أم الاسير الناس للناس خلان =وقت الشدايد كلبونا قريبين

حنا عيالك كلبونا له اخوان =واكثر من اخوان قراب عزيزين

لاتفقدين ادنى امل لجل حرمان =وان قالها الله ابيرد وتشوفين

وتجين ولهانه اذا جاك ولهان =ساعة تضمينه بصدرك وتبكين

ويقولك يمه اذا قلتي فلان =وتصير فرحة في جميع الميادين

بحق من نزل من المزن هتان =قولي معاي آمين وآمين وآمين

هذيك والله فرحة انسان بنسان =ماهي بفرحة قرن واحد وعشرين



================================================== =====



================================================== =====

مراسلات



اشكر كل الاخوه الذين ارسلوا واتمنى انني لم انسى احد منهم فبارك الله فيهم جميعا .



1)الاخ العزيز ابو عبدالله اثابك الله على اقتراحك وعلى القصيده التي قدمتها ولكن ما قدمته يا اخي الفاضل قصيدة في قبيلة العوازم وليست وطنيه ونحن لم نخرج بعد من باب الوطنيات وقصيدتك محفوظه في صدورنا وهي احد عواميد قصائد القبيله فسنوردها انشاء الله في باب قصائد قيلت في قبيلة العوازم ولك شكري يا الغالي.

2)اخي العزيز الشاعر حمدان اشكرك جزيل الشكر على ارسالك قصائد نادره وجميله لاحد شعراء القبيله المميزين الشاعر الراحل السحلول رحمه الله ولكن مع الاسف لم تصلني كامله ارجو منك ان تعاود ارسالها مره اخرى وتتاكد منها جيدا بارك الله فيك.

3)اخي العزيز ابو ساره الله يكثر من امالك وبيض الله وجهك على الشكر والثناء وبانتظار مشاركاتك التي وعدتنا بها.

4)اخي العزيز الفهيدي بارك الله فيك وشكر الله سعيك وننتظر منك القصائد كم وعدتنا.

5)اخي العزيز سعيد الهاجري حياك الله اخ عزيز في منتدانا وشكرا على كلامك الرائع
وماهي غريبه من بني هاجر هذه الاخلاق الكريمه اثابك الله يا اخي الكريم.






اخواني سيكون الحصاد كل اسبوع حتى نظهر ما استطعنا اخراجه

[ابوحمود]

السلام عليكم ورحمة الله وبركاته انا اسف اشد الاسف على انقطاعي فتره طويله ولكن
اذا عرف السبب بطل العجب فقد اشغلتني امور كثيره واجدد بكم العهد بهذه القصائد التي
وصلتني من الاخوان الافاضل على بريدي الخاص

[ابوحمود]

تـــــــــــــــــــابع بــــــــــــــاب الــــــــوطنيـــات



الاخ الفاضل خالد الهوازني مشكورا ارسل لي هذه القصائد للشعار

خالد بن سكران العازمي




ياكويـت العز غنّـي باللحـون السامريّـه=ورفعــي بيرق وطنّا فوق هامات الجبالـي
وألبسي ثوب السعادة ورقصي يا العالميّه=أنتي وصفك بين بلدان العرب شيٍ خيالي
شامخه مثـل الجبـال الراسيـات الساحليّـه=مايهزك ريـــح ورجالـك معقّلـت الجمالـي
هم حماة الدار ورجـالٍ تناطـح كـل هيّـه=ماتهاب الموت لأجل الدار ترخص كل غالي
تحت ظل الشيخ جابر نارد أحواض المنيّـه=نرخص الأعمـار والأقـدار تقفــاه الليالـي
شيخنا نسل الصباحي مـن عيـال الوايليّـه=كاسب العليا من جـدوده كريميـن السبالـي
ربع قرن من الوفاء والطيب وعمـالٍ جليّـه=يبذل المجهـود لبـلاده يبيهـا فـوق عالـي
ما تكاسل عن شئون الدار وحوال الرعيّه=عايش أهموم المواطن وعتلا فوق الطوالي
عمّــــر بـلاده ووصلهـا ليـا حــد الثريّـــه=بالثقافـه والتطـوّر فـازت بكـل المجالــي
لامدحت الشيخ تخضع له حروف الأبجديّـه=والقوافي تنحنى لـه كنّهـا تصـلا بصالـي
للكرم هـدّاج تيمـاء بالحرايـب سـم حيّــه=.للخوي شيخٍ نصوح وللعدو مـوت الهوالـي
وللسياسه تـاج والحكمـه تناصفـه العطيّـه=والشجاعه في عروقه مثـل بـرّاق الخيالـي
والصبــر عند الشدايـد ملهمـه ربّـي هديّـه=لارمى رميه يصيب ولارضى ساق الجزالي
العروبـه منبعـه ومـحـــاربٍ للعنصـريّـه=يشهد التاريخ لــــه بالطيـب وفعـالٍ جلالـي
في فلسطين العروبه أرسل أرتـال وسريّـه=وفي بلاد النيـل يكثـر بالعطايـا مايبالـي
وفي بلاد الشام مايقصر على هـاذى وذيّـه=الجميع أخـوان بالأسـلام بـالأول وتالـي
دينه الأسـلام ومحافـظ علـى سنة نبيّـه.=ما أرتخى عن فـــرض ربّـه في سلام وفي قتالي
جابر الخيـرات تامـن فـي ذراه الأجنبيّـه=جابر الأحمد عريب الجــد من عـــم وخوالـي
جعل تبقى للكويـت الغاليــــه رمـز الحميّـه.=ياذخر داري أقـدّم لـك تحيـات الرجالـي
وأنحنى وحب خشمك ودعي لك صبح وعشيّه=يابعد جدّي وبوى وعزوتي وأطيـب عيالـي

[ابوحمود]

وايضا للاخ الكريم خالد الهوازني لنفس الشاعر خالد السكيران العازمي




ياوطنا كلنا جنودك تحـت أمـرالقياده =تحت حكـم(الشيخ جابر)نارد أحياض المنيّه
شيخنا(جابر)عريب الجد طيبه من زناده =الحكيم أبن الحكيم أبن الرجال الصيرميّـه
لابـةٍ وقــت الملاقـا تطـرح الرجل بجواده=الشجاعه ساسهـم والطيـب معهم له وصيّـه
ياوطنا يا كويـت العـز لــك قـدر وسياده =لاتهـاب ولاتزعزعـك الفئـات الهامشيّـه
مـن يحاول يعبث بأمنـك نبـي نعلن جهاده =نردعـه عن فعلته بجنود بالشـدّه عتيّـه
في قيادة(حضرة الشيخ الوزير)أبن القياده =شيخنا(نواف الأحمد)قايد جموع السريّـه
الوزير اللى بسيفه ماتنازل عن شـداده =والله أنى بمدحـه وأقـول حمّـاي الونيّـه
ســم للعدوان يذكـر حــر مخبـورٍ هـداده =سيـفٍ مجـرّب شديـد البأس وعزومـه قويّـه
مايهاب أرهـاب دولـة محتمـى دايـم بـلاده =يبـذل المجهود لبلاده يبيهـا عالميّـه
ياوطنـاأنـت شامـخ فــوق لـك أسـم وأراده =لايغـرّك من تلبـس بالثياب المخمليّـه
لو تلبّـس فــى ثياب الديـن نعرف وش مراده =مفسـدٍ بالارض لا مذهـب ولا لـه مرجعيّـه
خالـف السنه وشـرع الله وهـذى فيه عـاده =جاهـلٍ فـى شـرع ربّـه لادليل ولا قضيّــه
دمّـر بـلاده بفكره يحسـب أن فعله عباده =مادرىأنه مرتكـب فـى فعلته ذنـب وخطيّـه
يقتـل المسلم ويعلنها لنا حرب الأباده =بأي ذنـب النفس تقتـل ياشياطين البريّــه
قادهـم شيطانهم للشـر وأكثر بالاشاده =ليـن ضاعـوا فـي مداهيل الليال الخرمسيّـه
ماقـروا نـص الرسول المصطفى بأصدق أسناده =مـن توفـى دون حاكم مات ميته جاهليّـه
ديننا الأسلام يبـرى من فعول أهل القراده =ديننـا يسـر ومحبّـه مايحــب العنصريّـه
ياكويت الأمـن والأسـلام والحـب أعتماده =ياعــروس الأرض ياحــرّه لنا دايـم أبيّــه
كلنـا لـك صـف واحـد لأجلـك نضحّـى زياده =فـدوة أترابك تروح أرواحنا لأجلك هديّـه
شعـب واحد ومتكاتف فـى حـزن وإلا سعـاده =القلوب أنظـاف مافيها تعصّــب مذهبيّــه
تشهـد الأمـه لوحدتنـا وأنا عندى شهاده =يوم غـزو بلادنـا ثارت بنـا كـل الحميّـه
الحضـر ويّا البدوا وأيضًاأخـذ منى أفاده =مالقى (صـدام) فينا مـن رضـى حكمـه هنيّـه
معلنيـن البيـعه الكبرى لشيـخٍ لـه ريـاده =بالسياسه والعداله والأمـور الخارجيّـه
الصباحي شيـخ شعبه والحكـم فيـه أمتداده =(جابرالأحمد)عريـب الجـد نسل الوايليّـه

[ابوحمود]

الاخ الفاضل عبدالله عجران الصواخ شاركنا مشكورا بقصيدتين

جديدتين واشكره على ما كلامه الراقي والجميل



يالله يا اللي عالمٍ في حسابها = هذي الحياه اللي جهل من مشابها
يا خالق الانسان والكون باكمله = بامرك ثواب الناس والا عقابها
يا منزل القرآن على نبيّنا= اللي تبعنا سنته من بدابها
يا محصي ايام السنين وشهورها= يا عالمٍ دنياك واللي جرابها
تمد في عمر آمر الشعب والوطن =اميرنا اللي ديرته ما غدابها
الشيخ جابر راعي الجود والعطا =ابوّ الكويت اللي عشقنا ترابها
دار الرجال اهل الفعول المسجلّه = من عبر تاريخٍ موثّق حكابها
دار الصباح اللي رضينا بحكمهم = دار الشيوخ اللي عداها تهابها
دار الرجال اللي ينومس وقوفها= اللي تزبّن من ضعف والتجابها
يا اميرنا يا عزنا يا زعيمنا = يا مسعف الدوله بحزة نشابها
يا قايد الديره وحامي ربوعها = يا جاعل الامّه عزيزٍ جنابها
انته بطيبك فالمواقيف معتلي = يوم المواقف سجلتك بكتابها
انت الامير اللي عطينا له الولا = وسيوفنا بامرك توادع جرابها
وانت الحكيم اللي تميّز رزينها = تعرف خطيتها وتعرف صوابها
حنا جنودك في نهار المواجهه= لاصار للديره عدوٍ نوابها
حنا بني عازم وانا افخر بعزوتي = ذباحة الشيخان شجره ودابها
اعداكم انصكر بيدنا حلوقها = واليا طغت يبا يبين انقلابها
كويتنا رب الملا عز شانها = من فعل شايبها وصفوة شبابها
يابو مبارك دمت للشعب مهتني= انت وسعدنا اللي يداوي صوابها
والشيخ ابو ناصر ولا انسى شيوخنا = آل الصباح اللي نقدّر حسابها
يا شيخ منهو في غلاكم يلومني = دنياه يا جعله يطارد سرابها
والخاتمه محدٍ يدوّر بديلها = صلّوا على المرسول عدة سحابها

[ابوحمود]

وهذه ايضا للاخ عبدالله عجران الصواغ




بديت بنظم الابيات الجديده =بيوتٍ في معانيها وكيده
بيوتٍ تطرب اللي يستمعها =مدام اهداف صاحبها مجيده
بدعها الشاعر اللي ما يجامل =وساس الطيب كوّن به رصيده
بمدح الطيبين اهل المواقف =ليا طق الحديده فـ الحديده
رجال سلومها يا قبلة الله =صفات الطيب فـ اصغرهم عديده
لهم بين العرب قدر ومعزّه =وكلٍ بالوفا ما تقصر ايده
ابذكر بعض منها واسمحولي =اكيد اني بـ قصّر فالنشيده
لان فعولهم فالطيب واجد =فعولٍ بين خلق الله فريده
تسل السيف لا غار المعادي =وفي حدّه عن الدنيا تبيده
وتحمى جارها وتذود عنّه =ولا ترضي الغليبه والمكيده
وتاخذ حقها من فعل يدها =ليا حاروا هل الاريا السديده
سلومٍ ساميه ربي وهبهم =وبعدهم عن دروب النقيده
هذولا محزمي لا صاح صايح =ومن ينشد عن اهل الطيب افيده
يسمى جمعهم جمع العوازم =وفزعتهم لمن جاهم شديده
عوازم والاماره لابن جامع =زعيمٍ قادنا في ما نريده
على طاعة رقيب البيت يامر =ونهج المصطفى دين وعقيده
اميرٍ واذكر الله لاذكرته =يشب النار ويزيد الوقيده
اميرٍ يستحق اسم الاماره =حكيمٍ يعرف الحكم ويجيده
اميرٍ حط فالاحكام شورى =وقوله لا وصلنا ما يعيده
اميرٍ لازهمنا للمعارك =نشف دم المعادي في وريده
ليا من خيلنا فالكون اغارت =وخمتنا الشياطين المريده
معادينا ليا ما ذبح يهزم =وفعلٍ جيدٍ به ما يجيده
وكم من فارسٍ قال وتهقوى =وجا فايدين فرسانٍ عنيده
وكم من راميٍ فالرمي ودّه =وقبل لا يرمي الرميه نصيده
معادينا مناته ما تحقق =ولا ينفع معادينا مديده
تواريخ العرب تشهد لربعي =مماشيهم بدرب الجود سيده
عوازم كل فخذ وفيه قايد =يصّحي فعله اقلوبٍ بليده
عليهم من ولد عجران ردّة =سلامٍ تنظمه نفسٍ سعيده
سلامٍ من ضمير الشاعر اللي =يدوّر ما يفيد ويستفيده
عدد ما حج يم البيت مسلم =وعد اللي دعا ربه يزيده
وانا ما اجحد من الاجواد وافي =وهاذي خصلةٍ فينا حميده
ولا انسى واهضم حقوق القبايل =اخاف الله ويرهبني وعيده
وصلى الله على خير الاوادم =عدد ما تكتب حروف القصيده

[ابوحمود]

مراسلات


اشكر كل الاخوان الذين ارسلوا وشاركوا في هذا الموضوع وانا اسف جدا على الذين لم استطع ان استلم رسائلهم لان البريد الخاص قد امتلاء ولكنني مع الاسف الشديد اكثر المرسلين هم مشيدين ومادحين للموضوع جزاهم الله خير الجزاء على هذه الاشاده وعلى كلامهم الجميل ولكننا نريد هنا المشاركات الفعاله اقصد فيها القصائد الوطنيه الى ان نفتح حتى نجمع اكبر قدر من القصائد ونحصيها ونستمر في مشروعنا .




1)الاخ الفاضل الناشط : اشكرك على رسالتك وبارك الله فيك وفيما قلته يا اخي الكريم.


2)الاخ الفاضل راعي القشرا : اشكرك اخي الكريم على القصيده للشاعر الكبير راشد السبيت ولكن القصيده التي ارسلتها غزليه ولم نصل بعد الى باب الغزل فهي في بريدي الى ان يحين وقتها وياتي مجالها ولك مني الشكر الجزيل .


3)الاخ الفاضل خالد الهوازني: اشكرك على ما قلته وما قدمته من قصائد فقد نشرنا اثنتين من القصائد المرسله من طرفك والباقي ليست وطنيات فالى ان ياتي ابوابها ستكون محفوظه وبارك الله فيك

4)الاخ الفاضل ابو حمد:شكرا لك على كلامك الراقي والجميل.

5)الاخ الفاضل نواف العازمي : بارك الله فيك على كلامك وشكرا لك.

6)الاخ الفاضل الشاعر حمدان: اشكرك يا اخي الفاضل على ما قلته ولا يهمك اخي الكريم انت من الروح واكثر.

7)الاخ الفاضل ابو خالد: بارك الله فيك على ما قلته اخي الكريم ولك مني جزيل الشكر.




بـــــــــــــــــــــارك الله فيكم جميعا يا اخواني جميعا وارجوا منكم المشاركه اكثر من الثناء ولكم مني اجمل تيه

[ابوحمود]

الباب الثاني:باب قصائد قيلت في قبيلة العوازم


هذا الباب يتعلق بالقصائد التي قيلت في القبيله سواء في
معارك او في احداث تاريخيه حصلت للقبيله او انها مدح
وتمجيد للبطولات السابقه والحاضره وايضا هذا لا يعني
اننا اغلقنا الباب الاول بل نستقبل القصائد على البابين




1)الشاعر سعود الصقلاوي في النقيره


راكب اللي تقطع الدو في زين الخبيب =مثل ربدا تنهض الريش يم عيالها

يا مودي العلم ياللي على بنت النجيب =لا تغر من الرسن يوم زاد جفالها

تنحر اللي صايرٍ دونهم دوٍ يهيب =يوم ابو دارع وقف بالشليل اومالها

شب ضوٍ فالمراقيب وللغايب تجيب =لين غياب العوازم تجيك ارجالها

جعل غمرٍ تقضب النوم عينه لطبيب =ما تشوقه لابته يوم سمع افعالها

يا مسوي حمست البن تنوه السريب =خطروه الاوله لا يجي فنجالها

تّرك اللي بالمواجيب عن ربعه يغيب =يوم ضيان العوازم تشب اشعالها

يا بن مانع وصل العلم لبن جامع حبيب =وانهم اللي فيه شوباش من عيّالها

ينّهم اللي فيه شوباش بالصوت الصليب =والردي المرجله لا ينوش حبالها

تنهم السوده من الصيف رجعان وحبيب =دارنا اللي يوم ثار البلا جينالها

دارنا هي دارنا لا عوى ذيبٍ لذيب =ما نهاب الموت ننزل على نزالها

محتمين الدار بالخوف واشرب يا شريب =يوم بياع الفحم مابغا من منزالها

يوم جا جمع المعيضي مثل سيل الشعيب =اعترضنا مثل طعسٍ حدته ارمالها

نفهق الاول على اللي وراه من الحريب =بأم خمس اللي مخابيطها تعبالها

نازلوهم منزلٍ عقبه الخاطر يطيب =لين يعاف الدار ابن محقبه وجبالها

وانقلب جمع المرازيق يوم اقفى عطيب =يتهزا مثل بيرٍ تهدم جالها

احّمد اللي بدل الحال بالحال العجيب =وسمهل اللي على الكبد عقب غلالها

[ابوحمود]

2)الشاعر حليوان بن مديعج ( معركة رضى ).





وردنا على ود عساه الدبا ودهور=وساعة نزلنا والبيارق تبادينا
وصاح الصياح وشبهر الورع والغندور=على فرع الارض ولا بنينا محاجينا
ونطحنا البيارق والدهينه وابن مشهور=بصنايع قريز تلتعج في يمانينا
ركضنا عليهم ركضة واعتزى المسطور=يوم الخيل تدفع واشهب الملح كاسينا
لعيناك يا شعل تلافت على المقهور=ذعرها الصياح وتلتفت في عزاوينا
طعنا لعين فاطر خلفها مصرور=لبنها عن الزاد المشري يعزينا
بالك تهج الزمل يالجادل الغندور=خلي الزمل يوقف وانهمينا بأسامينا
واحذرك عقب اليوم عن عشقه المثبور=عن اللي لاجت لقوة يتقي فينا
عد الجنايز واعرف الكون يامنصور=هذا جزا من زارنا عند اهالينا
وامسينا فراحي والعدو رايح مسكور=واصبحنا نمثل كونا في قهاوينا

[ابوحمود]

3)الشاعر مساعد القفيدي في نقير



عقب صبي ماتشبق بالسلاح =يوم استخل الدين والوقت اصطفق

ماشاف يوم فيه كثرنا الصياح=النار شبت فيه والوقت التعق

وجانا صباح وثار مشخول الملاح=وصاح المثاري عند مخلين الفشق

سقنا العمار وما غدى منا مباح=ولاينطح الطمات كل من انفهق

لين الجنوبي جنب الحلة وراح =وعاف الدويش من المعقل وانصفق

خاون ولا عين من الخونة فلاح =بليس زينة وشيطانه نهق

ومن عقب كون نقير يبغون الصلاح=الزود خلاهم يعافون الفسق

[ابوحمود]

4)الشاعر سعود الصقلاوي




هيض القصاد فعل العوازم يـوم صــار يــوم واق النايفة هيضـه مرقابها

يا مخيـل هل وبلـه شمـال واستــدار فيـه برد للمناعير يـوم لعابهــا

رشه البارود تمطر به الشـرف القصـار وأم خمس موسعة باللقا مضـرابهـا

ويوم راعي البيرق أردف من البيرق ونار شايف له عندنا شيفتن يدعى بهــا

لابتي لاجـا الملاقى يبيعـون العمــار =مثل بياع الجلايب على قصابــها

هيه يا الطرشـان ياللي تـودون الخبـار= فوق حيل ضمرن منتـوي ركابـها

علموا بفعولنـا واهـرجوا هرج القرار= لـيا لفيتوا ديرة الغرب يا جيابهـا

كم هنوف قبلنا دوم ملبسها حـمار= تلبس الثوب الغبر عقـب زين ثيابها

يالإمام احلم ترى الليل يقفـاه النهـار =والسيوف الصافية لاتهد انصابـها

محتمـين الدار يوم الجنوبي فيج بـار= يوم كل بار بالدار ما بـرنابــها

[ابوحمود]

5)الشاعر حسين القنعوري في رضى



زال نون مـن شمـال إل وبلـه نثـرا=ويتمـزع يـوم ربـي نوالـه بالعـدام
وجاه نون مـن جنـوب بعـج اكـدرا=عجه البارود في وجه عجـلات الـولام
ثار هيج مثـل رعـاد مـزن يمطـرا=من هل العادات عقب الطمع راحوا ندام
يـوم جـر سبـع القبايـل مــن ورا=منتوين حربنا مشتهيـن أخـذ الجهـام
اعترض دونه جمـوع بمـوت احمـرا=كنهـم دولات روم يعسفـون النـظـام
ملتقيـن نحورهـم ماالتقينـا بـالـذرا=مرخصين اعمارنا مالها سـوق يسـام
جمعهم ماصد عن جمعنـا ليـن انفـرا=لين خلوه النشامى خشـب بيـر هـدام
وابتليناهـم بسـم المنايـا الأصـفـرا=في نهار داخن الملح غادي لـه عسـام
عقب لبس العز منا لبس ثـوب العـرا=ذبحت قومه وعينه جزت حلـو المنـام
انقلب ينهم جواده مـن الفـود اعـذرا=يوم شاف الوقع في راعي البيرق شمام
ويـوم زات حسبتـه للعـوازم دبــرا=ما درى انا نذبح الشيخ من عصر الكمام
قاده اللي صاب كونـه بحـد الأبهـرا=في مميل الجمع يوم انسدح ماعاد قـام
استوىيـوم عليهـم نـهـار اقـشـرا=صاح صياح المنايـا بعـدوان الإمـام
كم صبـي فـي نحانـا لدمـه ننثـرا=عقب لبس الجوخ منا عليه الطير حـام
نحمـد الله فايزيـن بيـوم المحضـرا=كل ما جتنا الحرايـب ورددت العـلام
دولـة للشيـخ نمشـي علـى مادبـرا=يابدت لـه حاجـة كننـا دولـة نظـام
وليا صلحنا مثل شرب الحليب بسكـرا=والمعادي نقتضي منه ليا جـا الدحـام

[ابوحمود]

6) الشاعر فهد بن جافور




بادين بالله ولا غيـره البـادي يصيـر=واذكر الله واشكره عد ما رفرف وطار
السلام اثنيه للـورع واخـص الكبيـر=لأهل العوجا مواكر صواريـم الحـرار
بشر المقرن وكزوا لابو تركـي بشيـر=البيـارق سنـد لـه وعدوانـه دمـار
استوى يوم عبوس علـى جوبـة نقيـر=قبل نور الصبح ينباج لي وسط النهـار
وامطرت فوقه امزون مطرها حشر طير=وبلها مثل البرد والهـوا لاهـوب نـار
ماوطا سيلـه تعشـاه دالوبـه ضريـر=ماخلق مثله بالاكـوان بالدنيـا وصـار
وردوا على العوازم وردوهـم صديـر=صدروا من شوبة الملح قصاف العمـار
خابرين افعول ربعي امعطشت الذخيـر=من على عصر الفتيل المعقل ما يـزار
المعقل عنده المـوت طيـره مايطيـر=شايط باطرافه الموت شيطات العشـار
كن جضع الزلم بنحورهم مثل الهصيـر=من مضاريب المشوك وبالشرف القصار
حلـة وامعـقـل الــراس الكبـيـر=كلبوهن عند ربعي على وضح النهـار
أوقدوا فيهم بالأحراق يا مطفي السعيـر=لين عافوا من طمع لابتي والكـل نـار
بشروا سبع الخلا والطيور اللي تطيـر=العشاء في جوبة نقيـر ودوهـم خبـار
قـد كسرنـا جمـع يومـه صغـيـر=وقبل جمعـه جمـع قـد جاكـم خبـار
جعل ربعي بالملاقى لهـم حـظ كبيـر=جمعهم يركض على الموت ياجاله شرار
ربعي العطوان عز الضعيف والقصيـر=ومن نهق فسقان حطوا برجليه الهجـار
لين يرغي عندهم ثاوين عقـب الهديـر=اليا حصله ينطلق همـل الفتنـه ونـار
يوم جونـا بالملاقـى وجيناهـم نسيـر=لين ذوب مقدم جموعهم ضرب القـرار
في رجا الله ثم عبدالعزيـز انـه يغيـر=عند طيحات التشاريـع مـن دار لـدار
صار للديرة وأهلها وما فيهـا صريـر=من وحم عبد العزيز ابو تركي يوم ثار
نادر العقبان لومـا بمخـلاب ضريـر=خمرت منه الحباري اليا نهض وطـار
سيف ماص شذرته ما يوقيهـا الجفيـر=مـا يبـاع ولا تمـده يمينـك لليسـار
لولا بالحكـام حبـس وحيـل بصيـر=شاخ في كل الجزيره وما خذها جهـار
دولته من عقب يمنـاه ماتاخـذ قصيـر=ماتبي غير أبو تركي من العربان جـار
ماشي درب المطاعـه وعينـه للفقيـر=جعل ربي ينصره عد ما يمـم وسـار
ودي اني غب كوني وأنا عندي بشيـر=مير لاعندي مطية ولاادركـت المطـار
يوم تمت هللـوا كلكـم والذكـر أخيـر=خاتمة قيلي صلاة علـى سيـد البشـار

[ابوحمود]

7)الشاعر لافي الجبيهه



يقـول ابـن غيـاض لافـي مثايـل=مـن شاعـر يلعـب بيـوت فصايـح
حنـا العـوازم مـن هـوازن أصلنـا=ليا عدت أصـول الجـدود الصحايـح
حنا حميناها مـن الهضـب الأحمـر=إلى خشم مبهل إلى العد مطوي الصفايح
بفتيـل افـرنـج وسـيـف وشلـفـا=مضرابهن منـه أحمـر الـدم سايـح
مرباعنـا بيـن المديـنـة وصبـحـا=ياما رعينـا عشـب ذيـك البطايـح
ياما حفرنا بنجـد مـن زيـن عقلـه=يجي جمها من مفـرق الضلـع فايـح
ياماوسمنـا بنجـد مـن زيـن بكـره=تجيبهـا الأنضـا والوجيـه الفـلايـح
ياما ذبحنا بنجـد مـن شيـخ سربـه=إليـا انقطـع دخانهـا شيـف طايـح
ياما ذبحنا بنجـد مـن شيـخ غلمـه=عليـه بيـضـه علـقـن النـوايـح
و نـاخــذ بالمـرابـيـع شـاتــه=ونحطهـا لجبـر بـن جامـع ذبايـح
وجـانـا يطـلـب الصـلـح مـنـا=ونعطيه مشعـاب ورا البيـت طايـح
جانا الشريف اللـي كسرنـا جموعـه=واقفى وفـي جمعـه كثيـر الجرايـح
واخيـر منهـا نزلـة النيـر نـاعـم=وحلالنـا يرعـى بـكـل اللـوايـح
ترعـى بـهـا قطعـانـا مايهمـهـا=بيـن الشيـوخ مـدرويـن المـدايـح
ترعى طنـف عشبـه إذا لاح برقـه=وحنا لها وان صـاح بالجـو صايـح
وعقبـه تحدرنـا بــراي شيخـنـا=مـن شـف زينـات البكـار اللقايـح
كـل القبـايـل عارفـيـن افعولـنـا=اليا جاء نهـار فيـه كسـب وربايـح
يشهـد لنـا التاريـخ والمجـد فعلنـا=وتكتب لنا البيضـا بوسـط الصفايـح

[ابوحمود]

8)الشاعر سعود الصقلاوي




يانديبي علي اللي بالمخاضيرا =من نبات الوسامي نيهباني
روحن يم فيصل بالتخـــــابيرا =وعلمنه بعلم فيه وكـــــداني
نعتبيله سريعات المثــــــاويرا=عند بندق ترفد اللى مالهم عاني
يوم ربع الهواجــر والمهاشيرا=في ذرانا راعو حلوات الالباني
حيسفي يالجواني والمقازيرا=الا من همل الديرة والاوطاني
يافويرس مداهيل المســــايرا =من تعشـــــا رفيج لى تغداني
بنت يا اللى تعيفين الحجاجيرا =اطمحي لمن يحط الروح نيشاني

[ابوحمود]

9)عبدالله عجران الصواغ



بديت بنظم الابيات الجديده=بيوتٍ في معانيها وكيده
بيوتٍ تطرب اللي يستمعها=مدام اهداف صاحبها مجيده
بدعها الشاعر اللي ما يجامل=وساس الطيب كوّن به رصيده
بمدح الطيبين اهل المواقف=ليا طق الحديده فـالحديده
رجال سلومها يا قبلة الله=صفات الطيب فـاصغرهم عديده
لهم بين العرب قدر ومعزّه=وكلٍ بالوفا ما تقصر ايده
ابذكر بعض منها واسمحولي=اكيد اني بـقصّر فالنشيده
لان فعولهم فالطيب واجد=فعولٍ بين خلق الله فريده
تسل السيف لا غار المعادي=وفي حدّه عن الدنيا تبيده
وتحمى جارها وتذود عنّه=ولا ترضي الغليبه والمكيده
وتاخذ حقها من فعل يدها=ليا حاروا هل الاريا السديده
سلومٍ ساميه ربي وهبهم=وبعدهم عن دروب النقيده
هذولا محزمي لا صاح صايح=ومن ينشد عن اهل الطيب افيده
يسمى جمعهم جمع العوازم=وفزعتهم لمن جاهم شديده
عوازم والاماره لابن جامع=زعيمٍ قادنا في ما نريده
على طاعة رقيب البيت يامر=ونهج المصطفى دين وعقيده
اميرٍ واذكر الله لاذكرته=يشب النار ويزيد الوقيده
اميرٍ يستحق اسم الاماره=حكيمٍ يعرف الحكم ويجيده
اميرٍ حط فالاحكام شورى=وقوله لا وصلنا ما يعيده
اميرٍ لازهمنا للمعارك=نشف دم المعادي في وريده
ليا من خيلنا فالكون اغارت=وخمتنا الشياطين المريده
معادينا ليا ما ذبح يهزم=وفعلٍ جيدٍ به ما يجيده
وكم من فارسٍ قال وتهقوى=وجا فايدين فرسانٍ عنيده
وكم من راميٍ فالرمي ودّه=وقبل لا يرمي الرميه نصيده
معادينا مناته ما تحقق=ولا ينفع معادينا مديده
تواريخ العرب تشهد لربعي=مماشيهم بدرب الجود سيده
عليهم من ولد عجران ردّة=سلامٍ تنظمه نفسٍ سعيده
سلامٍ من ضمير الشاعر اللي=يدوّر ما يفيد ويستفيده
عدد ما حج يم البيت مسلم=وعد اللي دعا ربه يزيده
وانا ما اجحد من الاجواد وافي=وهاذي خصلةٍ فينا حميده
ولا انسى واهضم حقوق القبايل=اخاف الله ويرهبني وعيده
وصلى الله على خير الاوادم=عدد ما تكتب حروف القصيده

[ابوحمود]

10)الشاعر سالم بن تويم



يا راكبٍ من فـوق سـتٍ هميمـات=نجايـبٍ سبحـان خالـق صورهـا

دقـاق مقـدم والمقـفـى قلـيـلات=منحوفـة الذرعـان فـج نحـرهـا

الجد واحد مـن فحلهـن والامـات=بيض اللواحي حجل شقـرٍ وبرهـا

فيهن من الريمـي حلايـا وشبهـات=الا ان وحدتهـن تحـادى بظهرهـا

من يوم ولدن ليـن صـارن لقيـات=على ثلاث ضير مـا حـدٍ دغرهـا

ومدلـلاتٍ ليـن صـارن ثنـيـات=حيـلٍ ولا حتـى المـدوه قهـرهـا

ليـن هـن صـارن عـداوٍ منيفـات=حيز الفقايـر فيـح هلـب شعرهـا

ومن عقب ما بين سهيـل معسوفـات=عسافهـن هـن مهنتـه مـا دمرهـا

مدرسـلـه بالعسـافـه سـنـيـات=ابوه يعني لـه وهـو منـه وارهـا

واليـوم للركـاب صـارن حبيبـات=منوتـك يـا نفـسٍ بعيـدٍ ديـرهـا

يا ضبضبوا فيهن ههل العيش زعرات=ركابهـن مـا قـال حـي ونزرهـا

لولا صريم الما وبالخشم مـا جـات=اليا اونست ضبضاب حسن ذعرهـا

يشدن بالتوصيـف سـت الحمامـات=متنعـتٍ مـرواح قــورٍ ذكـرهـا

ينصـن عبـد الله كبيـر البريكـات=يومـه مداهيـل الركـاب وخبرهـا

تشدى براطمهن اليا جـن عجـلات=صفق الكفوف اللي تزايـد دجرهـا

معنيـن هجنـي حمـوه وحشمـات=يوم انهـم ريـف العيـون ونظرهـا

واللي نفع في حزة النفـع يـا مـات=ما فقد يا منـه دفـن فـي حفرهـا

سلم على هـاك الوجيـه السفيـرات=الي مغيبٍ عنـك واللـي حضرهـا

سـلام يشـدي در صفـرن هديـات=يـا حـط بـه قنـد كبـارٍ كسرهـا

وقله ورى المخطي قليـل المـروات=ابـوه مـا خـلا العلـوم وقشرهـا

ما يذكر يوم انـه انياقـه محيمـات=ورد على بيـر وهـو مـا حفرهـا

ترث الحمايل ما يجي منـه خمـلات=يا شاف في المسلـم معانـا سترهـا

[ابوحمود]

11)الشاعر اللميعي




بسم الله الي عالمٍ سر وجهار=بسم الله الي دايمٍ ذاكرينا
الواحد الي في يده سير الاقدار=سبحانه المعبود ياسامعينا
من بعدها جزل المعاني بالاشعار=باسم العوازم كلهم كاتبينا
نعمٍ بربعي عد همال الامطار=ونعمٍ بهم عداد دور السنينا
(ربعن تعز الضيف وتقدر الجار=وقال السديري فعلهم مانسينا)
صارت سوالفهم تواريخ واذكار=وحنا وراهم بالمراجل مشينا
الوقت جاهم فيه نكسات وامرار=مير ان ربعي باللقى صامدينا
يشهد على قولي تثابيت الاخبار=وايضا قصايدنا تزيد اليقينا
الضد نجهم له مع شق الانوار=من ضدنا ننحره في كل حينا
كم من حريبن جا ولا هاب الاخطار=وعود من الميدان صفر اليدينا
مايدري ان باللقى نبيع الاعمار=دون ارضنا والعرض مانستهينا
من ضدنا ناتيه من كل الاقطار=ونرد في كيد العدا الطامعينا
(نجعل شعور الضد فالحرب ينهار=ومن شان طبعه من ورانا يزينا)
وياما ذبحنا من طويلين الاشبار=من الرجال الي بهم ملتقينا
نختار من بين الرجاجيل بيطار=من طبع ربعي يذبحون السمينا
هذا الشريف الي تركناه تذكار=في وسط نجد بمعركه قاتلينا
وهذا العرافه راح يم سكة النار=مايدري ان باللقى ذابحينا
ويوم النقيره بيد دهلوس وش صار=اختار من بين الرجال الثمينا
هابس ولد عشوان طيرن ولا طار=يوم النقيره ربعنا طارحينا
وايضا ولد حثلين فيصل على الدار=في ذبحته راحوا وحنا بقينا
وفيصل ترى جاله من المر قنطار=ابن الدويش الي خذينا قطينا
والي بقوا كد دونوهم بالاخبار=من الرجال الي غدوا في يدينا
هذا ولاني للاجاويد حقار=مير ان كلن يفتخر في يمينا
كلن له اخباره وكلن له ادوار=وكلن فخور بفعلة الماضيينا
واليوم كلنا نحمي الدار وانصار=مثل الاسد متمسكن في عرينا
والطيب الي له محلن ومقدار=والطيب الي فاز دنيا ودينا
وصلاة ربي عد همال الامطار=على الرسول الي علومه حسينا

[ابوحمود]

11)الشاعر احمد محمد العضيدان



بحثت وكان البحث دافع رغبه =واسباب ذا اخبار قومي تدمرا

وعدت الى التاريخ عوده ممعن =قراءه ما بين السطور واسهرا

سهرت مع التاريخ فيه ادله =من الكتب لاقول ضعيف مزورا

وجدت بها اخبار صدق شعشعت =حقائقه بالافق والروض ازهرا

حقائق تجلوها مراجع بحثنا =وبين ايدينا مانقول ونذكرا

نصوص نقلناها وتلك امانه =ولم تطغى فيها للعواطف انهرا

لعل شيوخ البحث ممن تجشموا =عناء بتمحيص الامور يقدرا

وياعتبي ان كان يهضم حقنا =ويبحث عن طمس وكسرى ونطمرا

نقلت سلاح البحث والحق رائدي =ولن انثى والحق ياشيخ يهدرا

فمن سار في درب الحقيقه نالها =عن الساعد المفتول والزند شمرا

فوالله رب العرش والغيب علمه =لدي للب العقل اخبار تبهرا

كتبت لكم بضعا وبضعا حفظته =سانشره والحق لا بد ينشرا

فكتبنا مهما بقول تناقضوا =فلا يرحم التاريخ والحق نيرا

فنحن هوازن والجزيره مهدنا =مرابعنا فيها ولدنا ونقبرا

فتلك دياري في هوازن عزوتي =وتاريخنا باق ومهما يعكرا

عوازم بالتاريخ ذكرى فعالهم =عوازم في جل المهمات حضرا

على الساحل الشرقي ذكرا ومنعه =لامجاد قومي هل تريد تفسرا

لهم في سماء المجد عزا وقوه =قرون توالت والحروب تدمرا

جحالفهم يوم الوغى ساده الوغى =يذودون عن حق القبيله بترا

اشداء قومي يضربون بسطوه =على الخصم امثال الاسود الهزابرا

عرين لهم يخشى العدو مروره =دليلي من التاريخ ليس مزورا

وقل ثم سل فتلك حقيقه =يسطرها التاريخ و الحبر احمرا

ولا تنسى ايام جرت قرب مكه =جموع من الاشراف كسيل هدرا

يريدون تشتيت العوازم عنوه =ولكن قومي في الحوادث صبرا

فقاومهم قومي ليال تتابعت =ليال من الاهوال والنب كشرا

ولم يثنى قومي جمعهم او جموعهم =فباتوا بعز الله والنصر اثمرا

وفي قصه المحدار للبحث وقفه =ظعون الى شرق الجزيره حدرا

ظعون لها مجد وعز وصوله =بحاكي بها التاريخ والحق اجدرا

لماذا يغطى الحق هل فيه خيفه =والا من الحساد وضع مدبرا

سالقى عصا ترحال بحثي لانني =وجدت من الاخبار ما كان يقبرا

بمقبره التاريخ شئ وجدته =فيا عجبي هل مان ما كان او جرى

وجدت تواريخ لقومي ومجدهم =لماذ يتم الطمس والحق ينكرا

ساكتبها بالود والحبر كلها =على الرغم ممن حاولوا ان تبعثر ا

عوازم مشتق من العزم اسمهم =وافعال اسلافي بها اليوم نفخرا

فنحن لهم احفاد والدم دمهم =يسير دماهم بالعروق مذكرا

يذكرنا اخبارهم مع تراثهم =حفاظا عليه خشيه ان يغيرا

فواجبنا حفظ التراث وجمعه =نخاف ايادي العبث فيه تدمرا

فمن اهمل الماضي فتبا لحاضر =اذا لم يكن ماضيه ساسا معمرا

فنحن لنا ماض مجيد وشاهدي =سطور من التاريخ عنا تعبرا

[ابوحمود]

12)الشاعر حسين القنعوري




زال نون من شمال لوبله نثرا=ويتمزع يوم ربي نواله بالعدام

وجاه نون من جنوب بعج اكدرا=عجه البارود في وجه عجلات الولام

ثار هيج مثل رعاد مزن يمطرا =من اهل العادات عقب الطمع راحوا ندام

يوم نايف جر سبع القبايل من ورا =منتوين حربنا مشتهين أخذ الجهام

إعترض دونه جموع بموت أحمرا=كنهم دولات روم يعسفون النظام

ملتقين نحورهم ما اتقينا في الذرا=مرخصين أعمارنا مالها سوق يسام

جمعهم ماصد عن جمعنا لين انفرا =لين خلوه النشاما خشب بير هدام

ابتليناهم بسم المنايا الأصفرا =في نهار داخن الملح غادي له عسام

يوم نايف شاف بالعين شوف المنكرا=قام ينهم سابقة قال عمري ياسلام

عقب ثوب العز منا لبس ثوب العرا =ذبحت قومه وعينه جزت حلو المنام

يوم جانا الفغم يمشي ببيرق أخضرا =طاير براسه الخمر من تون وعام

إنقلب ينهم جواده من الفود أعذرا =يوم شاف الوقع في راعي البيرق شمام

يوم فيصل شاف الحشاير دبرا =واقتدى به طارش الموت ما وصل الخيام

يوم زلت حسبته للعوازم دبرا =مادرى أنا نذبح الشيخ من عصر الكمام

و الدهيته يوم ربي نواه بمخسرا =بايق مع سارق الجار مدهون الرسام

قاده اللي صاب كونه بحد الابهرا =في مميل الجمع يوم اندح ماعاد قام

إستوى يوم عليهم نهار أقشرا =صاح صياح المنايا بعدوان الإمام

كم صبي في نحانا لدمه ننثرا =ياجت اللقوات خلي عليه الطير حام

نحمد الله فايزين بيوم المحضرا =كل ماجتنا الحرايب ورددت العلام

دولة للشيخ نمشي على مادبرا =يابدت له حاجة كننا دولة نظام

وليا صلحنا مثل شرب الحليب بسكرا =والمعادي نقتضي منه ليا جانا الزحام

[ابوحمود]

13)الشاعر فهد الجافور



نحمـد اللــي عز ربعـي على كـل الجنــود =يوم جت سبع الطوايف خطا ما من دليــــل

إستوى يوم ياعلــه علــى البايــر يعــود =واحمد اللي عز ميــزان ربعي لايميــل

باروا العـدوان فيهــم وجوهــم بالجــرود =ولابتي دون المعقل ليــا بار العميــــل

ثار من دون المعقل كما وصف الرعـــود =مثل زلزال الرعــد ياتقصف من مخيــل

يوم ثار الهيج لي ولابة مثل الفهــود =والمعادي قدمهــم كنه الصيـد الجفيــــــل

ذبحهم عند المعقل ثمــان ميــه وزود =وليا نجا والذبح بالقوم من زلم وخيــل

كل طماع نكـس مفلـس ماجاب فــود =ما لفى بعلــوم هيــاتهم كــود الذليـــــــــل

من فعايل لابتي يشبع السبع الونـــود =طبعهم دايم وكسارت العظم الجليــــــــل

لابتي دولة شريف عمت عين الحســـود =واجه العيال يوم الملاقـي شين يهيـــــــل

إشتهت كبدي متوعي والفت الرقود =واحمد اللي جلا عن كبدي المر الثقيــــــــــل

[ابوحمود]

14)الشاعر مساعد القفيدي


يالله ياللي مانبي غيرك مدد=ياللي بك العبد الموحد يستعين

يارافع الرايات في بر وبلد=انك تعاونا على اللي بايرين

جونا على غره وجيناهم هدد=واللي حضر منا كفا اللي غايبين

يوم ارعد الرعاد وانهل البرد=جا موسم يرخص اعمار المستحين

وساروا وسرنا وماحد منا قعد=لين أشهب البارود رد المقدمين

أهل البيارق طرحوهم بالعمد=في شوبة الدخان قدم الهايشين

في ساعة ما حد يخليها لاحد=إلا بضرب يودع القاسي يلين

يا لابتي مايودع الشايب ولد= ياكود فعل قـدم وجـه الطيبين

ولاينطح العايل ويخلفه الوعد=إلامبيعة العمار الصاملين

يا لعن ابو عند المعقل من شرد=لا وش نبي بالعمر يا سهج القطين

حضاية البارود لين انه برد=لين الطريح يطيح والطيب يبين

ليتك حضرت وشفت يا شيخ البلد=يوم التقينا في شمالي القطين

يوم ان ابن جامع على الشوبة ورد=سبل وسبلنا عليهم زاهدين

يوم أهل الشرهات خانوا بالعهد=صاروا من ارذل هالزمان الحاربين

لو جا ابن مشهور وعتيبة سند =حنا على جد وبالله نستعين

ولو إن حلتنا خذاها من جرد=ما كان صرنا في وطنـا ساكنيـن

هــذا لهـم منـا وقافيهـم بعـد= دولـة هل العـوجا كعـام العايلـين

في بيرق راعيه ما عنده باحـــد إلا ولــي العــرش رب العالـمين

[ابوحمود]

انا اتحفظ على الموضوع عن عيون الاعضاء لعدم التفاعل معه وهو

موضوع مهم فساتحفظ عليه الى المستقبل بعد اذنكم يا اخوان



جهد جبار تشكر عليه يابوحمود والله يعطيك العافيه
وبالتوفيق ان شاء الله
اخوك بـوعبــدالله القفيدي