حال الشعر

[محمد عوض المحيلبي]

انا مبتدي باللي عليم(ن) بكل الناس= هو الواحد المعبود علام بالخافي

ومن بعدها يا اهل الشعر جايكم عساس= يشوف الفياض الخضر والمنبع الصافي

ابيوته مثل حلق الجواهر وعقد الماس= يدور غواليها ويحرص امن الهافي

اشوف البحور الزرق يغرقبها الغطاس= ولا اشوفي لي سباح يغطس ومتعافي

ابحلى البيوت الوافيه اتذكر الاجناس= تحسس ضمير الشاعر الصاحي الغافي

ترا الشعر تشعربه وعقبه يجيك احساس= يحرك هجوس الفكر وترتب القافي

وترا الشعر يا اهل المعرفه صاير(ن)محتاس= ابعض البيوت اللي يجنه من اضعافي

يجنه ابيوت مجمعه مير ما من راس=اليامن قراها قام مما قرا عافي

وترا الشعر زرته رابطينه ابوسط احباس= مريض وكبير االسن والوضع ينعافي

وبعد السلام الحار ناديتله لاباس= ترا اللي يجيب الطيب هو واحد(ن) شافي

وبعدها نطق كلمه يبا شاعر حساس= يدير المعاني عارف قصد الاهدافي

وبعدها هجس فكري وقلت الشعر ماحاس= تحوسه بعض ناس(ن) على غير ماتافي

وبعدها تشاوا بعد ماحس بالاوناس=وعقبه تعنز قام للمرقد الدافي

وهذا كلام العازمي طبع بالقرطاس= انا اشوفلي ناس(ن) تبا الشعر بالعافي

والختم صلى الله على سيد الأناس= عدد مايحج البيت يسعى ويطافي