الله على اللي حبها تلني تل؟

[محمد عوض المحيلبي]

الله على اللي حبها تلني تل= و عزي لمن هو بالهوى تل تلي

يا الصاحب المجمول يا الطرف الاكحل=يا اللي على شوفه ارحب و اهلي

في عشرته لا ما تضايق ولا امل=وفي عشرتي مايوم والله يملي

يعني بمعناها خليل لقا خل=خل لقيته واصبح اليوم خلي

حبه تمكن بالمعاليق واحتل= واصبح على ماقيل راعي محلي

يا ابو العيون اللي هدبها كما الضل=سود(ن)مراييش او ساع(ن) زهلي

والخد كنه ورد جوري مع فل=هني من هو في ربيعه يفلي

والخشم سلة سيف والفم يذهل= وبيض الثنايا من سناها ضولي

والنهد بارز لاحشا ماتمايل=وشعر(ن)تناثر فوق متنه جدلي

لاشفت خصره قلت وشفيه ناحل=ولا شفت ردفه قمت اكبر واصلي

غرون ذبحني بالهوا شلني شل= الين خلاني بحبه ا مولي

كله حلا سبحان رب(ن) مكمل= لاجيت اعدد زينها ويش اخلي

حقه علي يامر علي ويتدلل= وحقي عليه يكون لي مثل ضلي

بغيابها جسمي عليل(ن) ومنسل=وبحضورها شمس السعاده تطلي