شفت الموت

[شبيب الملعبي]

أنـا بينـي وبيـن المـوت همـي والسهـر والـقـوت=عـذاب النفـس عقـب صويحـبـي عـيـا يخليـهـا
ولا ياطـول لـيـل البـارحـة يامقـشـر الطـاغـوت=سلاطـيـن الـعـذاب البـارحـة جتـنـي نـواديـهـا
وهقيت أني رحلـت وجـت علـى بالـي ثمـان بيـوت=هواجيـسـن تسـريـنـي عـزايـرهـا وأسـريـهـا
وأنا من عادتـي لا أظلـم علـي الليـل شفـت المـوت=تجيـنـي سكـرتـة وأكـفـن ظلـوعـي وأعزيـهـا
أضيق ومـن مـواري المـوت سكراتـن بليـا صـوت=أنـا أسمعهـا وأشــوف عيونـهـا وأذوق صاليـهـا
كفانـا اللـة شـر الـمـوت والسـكـرات والتـابـوت=يبيـح أكنـون نـاسـن ودعــت بالـدمـع غاليـهـا
عسى منجي رسول الحق يونـس وسـط بطـن الحـوت=ينجيـنـي مــن الليـلـة ويسـعـدنـي بتالـيـهـا
يلـم بشمـل قلبـي مـع وليفـة قبـل فـوت الفـوت=وتـذوق النـوم عينـي والسهـر مـاعـاد يطريـهـا