تاكد اولا من التعليم العالى

[دبلوماسى]

اخوانى لاتعقدون الامور وهى صغيره اذا الجامعه معترفه عن طريق التعليم العالى لا يتم فتح ملف للموظف هذاشرط التعليم العالى ولكن اقول للموظف والغير موظف احرص كل الحرص ان تصدق اوراق القبول او الشهاده من التعليم والخارجيه والسفاره التى تدرس بها سواء الفلبين او غيرها من الدول المعترف بها واذا جبت الشهاده لتعليم العالى اذا اسالك انت موظف قل نعم وذهب الى ديوان الخدمه المدنيه لشئون القانونيه وقول انا موظف وجبت الشهاده وليس عندى اجازه دراسيه وبعدها يعطيك ورقه وهى عباره عن قانون الجزاء يتم من خلالها تصديق الشهاده وانك خاضع للعقوبه والذى يعاقبك ليس ديوان الخدمه بال وزارتك قسم الشؤون القانونيه اذاعطاك اكثر من خمس ايام تطعن بالحكم عن طريق الوكيل المساعد وبعدها تخاطب الوزاره ديوان الخدمه اننا قمنا بعقوبه الموظف ونرجوا اعطاءه مسمى وشكرا:1

[خالد القطان]

الغالي انت متوقع ان السالفه سهلة ومو معقده او انت مجرد استنتاج وشاكرلك حسن التعاون معانا ويعطيك العافية اخوووووووووووووووووووووووي وشكرا

[abatchy]

مشكووووووووووور ما قصرت

[عبدالرحمن بن سلمى]

والله ماعرف لكم ياهل الدراسه بالخارج .
لَكن سالفة موظف بسيطه
واحد من الربع مكتوب بالبطاقه المدنيه / المهنه موظف . وهو متوظف بالحرس الوطني . الزبده
لمى قدم إوراقه لدراسه بالخارج . قالوا جيب لنا أذن من دوامك .. ويوم طلع صادف واحد قاله لاتجيب أذن ولا شيء . روح للبطاقه المدنيه وغير المهنه من موظف إلى طالب .. والرجال الحين كمل تسجيله بالإنتساب

والله إعلم

[خالد القطان]

الغالي الديرة كلها كمبيوتر مرتبط ببعض فياريت تكون منطقي بكلامك اشلون تروح تغير من موظف الى طالب مو اغبية اهم ترى التامينات الاجتماعية اشلون عليها

[سعود111]

دبلوماسي كلامك منطقي

شكرا لك

[هادي عزام]

ممكن كلام جميل


كل عام وانت بخير

افيدع

[بنت أصايل]

يعني إذا موطف مايصير تدرس على حسابك؟
مافهمت تره بليز توضيح :(
و إذا الجامعة داخل الديرة مو بالخارج نفس القوانين؟

[خالد القطان]

اي نعم بالديرة ما يصير تكملين اختي بنت الاصايل لازم التفرغ الدراسي عشان اي جامعه اهنيه تقبلج من شروطها وشكررررررررررا

[دبلوماسى]

ناس تفهم بسرعه وناس لازم تشرح لها اذا الجامعه معترف فيها عن طريق التعليم العالى روح ادرس ولاجبت الشهاده ونت موطالع اجازه دراسيه ترا الدعوه سهود ومهود

[بنت أصايل]

ناس تفهم بسرعه وناس لازم تشرح لها اذا الجامعه معترف فيها عن طريق التعليم العالى روح ادرس ولاجبت الشهاده ونت موطالع اجازه دراسيه ترا الدعوه سهود ومهود

عاد شسوي و انا اختك انت إلي فتحت الموضوع : q

سؤال أخير )لا تطقني(
‏ شلون آخذ إجازة دراسية؟ بعد جم سنة من التعيين؟
‏
و بس :)

يعطيك العافية إنشالله

[خالد القطان]

اجازة دراسية بعد 5 سنوات من الوظيفه بالاضافه الى ان يكون تقريرج امتياز ويمشيلج الراتب الاساسي فقط كل البدلات تروح وشاكرلج

[ناصربوبدر]

المشكله اذا عندك اجازه دراسيه واتبي تغير بلد الافاد للفلبين

قالوا مايصير 0000000000000000ليش

[fahhad76]

المشكله اذا عندك اجازه دراسيه واتبي تغير بلد الافاد للفلبين

قالوا مايصير 0000000000000000ليش



صحيح يالغالى لان طالع قرار يمنع التفرغ الدراسى للفلبين والهند .

اعتقد تاريخ القرار 23_10_2008 .

بس ماعليك منهم دام الجامعة معترف فيها.

ترى اسوا احتمال تقديم الاستقاله اذا تخرجت وبعدها يصدقونها .

[خالد القطان]

واذا ما قدمت استقالتي شنو راح يصير معاي ما يقبلون شهادتي

[funfun608]

واذا ما قدمت استقالتي شنو راح يصير معاي ما يقبلون شهادتي


أخوي اذا ماقدمت استقالتك لازم واسطه عشان يعتمدون شهادتك

تقديم الاستقاله اذا جربت كل الاحتمالات و مافاد ت معاهم أهني اتقدم استقالتك

[خالد القطان]

انزين اخوي ما تعرف لنا احد واسطة الله يجزاك خيرررررررررررررررررررررررررررررررررررررررررررررررر رررررررررررررررررررر

[funfun608]

انزين اخوي ما تعرف لنا احد واسطة الله يجزاك خيرررررررررررررررررررررررررررررررررررررررررررررررر رررررررررررررررررررر



والله يالغالي لو عندي واسطه جان خدمتكم كلكم

بس اذا تبي واسطه تقدر اتروح عند أي عضو مجلس أمه و يقدر يسويها لك انشالله

تحياتي لك يالغالي

[خالد القطان]

يعني لازم نروح للمرتزقة عشان يمشي شغلنا

[لاهوب]

اخوانى لاتعقدون الامور وهى صغيره اذا الجامعه معترفه عن طريق التعليم العالى لا يتم فتح ملف للموظف هذاشرط التعليم العالى ولكن اقول للموظف والغير موظف احرص كل الحرص ان تصدق اوراق القبول او الشهاده من التعليم والخارجيه والسفاره التى تدرس بها سواء الفلبين او غيرها من الدول المعترف بها واذا جبت الشهاده لتعليم العالى اذا اسالك انت موظف قل نعم وذهب الى ديوان الخدمه المدنيه لشئون القانونيه وقول انا موظف وجبت الشهاده وليس عندى اجازه دراسيه وبعدها يعطيك ورقه وهى عباره عن قانون الجزاء يتم من خلالها تصديق الشهاده وانك خاضع للعقوبه والذى يعاقبك ليس ديوان الخدمه بال وزارتك قسم الشؤون القانونيه اذاعطاك اكثر من خمس ايام تطعن بالحكم عن طريق الوكيل المساعد وبعدها تخاطب الوزاره ديوان الخدمه اننا قمنا بعقوبه الموظف ونرجوا اعطاءه مسمى وشكرا:1

فعلا هذا الكلام الصحيح اللي يجمد عالشارب

[خالد القطان]

انت اخوي لاهوب سال او لا او مجرد اجتهاد وشنو دليلك