(( ديوان الشاعر : سلمان مبارك الحريص )) رحمه الله

[خالد بن حطاب]

** نبذه عن الشاعر

هو : سلمان مبارك ناصر الحريص .

من فخذ المساحمه

ولد الشاعر عام 1915 للميلاد في فريج العبدالرزاق في قلب العاصمة , وعاش حياته على غرار الكويتيين الأوائل , وكان صادقا ً مع الآخرين , ومارس حياته على طبيعتهم الجميلة وفطرته السليمة , وانتقل الى رحمة الله تعالى في عام 9 \ 10 \ 1995 للميلاد في منزلة الكائن بمنطقة بيان وله من الابناء عبدالهادي .


[line]

** قصائد الشاعر :

[line]


قيلت هذه القصيدة في الأربعينيات :

(( 1 ))


يا عايد افلح نبي نشرف غريميل = لا واهني من شاف عقبه ارحيه
مستوطن الوفرة وذيلك الدهاجيل = والا تيامن واطن الرافعيه
دوج بخدٍ فيه مايفتر الحيل = صياهدن فيه برور ٍ عليه
وخير ٍ من خد ٍ في طوارف غريميل = خد ٍ بحوث ومدهل مهارٍميه
وبالقيض أهلها يعتبون الزرابيل = ومع قشر خده فيه رمضا قويه
عزالله إني مبغض هالوطن حيل = مير ملتزمن فيه غصبن عليه
أتبع شهوة اللي ضعاف ومهازيل = و أنا برجوى الله جزل العطيه

[line]


(( 2 ))

وقال هذه القصيدة يسندها على حمدان نملان الرطيب :



يا بن نملان يا حامي عقاب التوالي = يا وجودي على لامه رهيف الثنيه
وجد من صابته بالقيض ضربة شمالي = يوم كمل شرابه من ورى الجندليه
أو بعد وجد عود له ثلاثة عيالي = حافظين الرعايا ذبحوٍّ بالضحوية
ليت أهل صاحبي يبغون فيه الحلالي = اشهدني بسوم الجادلة الغشمريه
لو خذو فرضاها كل عرفتّ حلالي = بارك الله في مال جاب رادع شفيه


[line]

(( 3 ))


وقال الشاعر سلمان الحريص هذه القصيدة ببعيره (( فريح )) :


يا فريح يومك عنبت بنت حمداني = واسمك تعنيت يا ولد العمانية
تم الجمالة بوصل خدر الأعياني = يا فريح أنا مبطي عن رادع شفيه

(( رد الجمل فريح ))


قال بذيتني هالسنة في بعد الأوطاني = فريت رفعة وقلت ابغى الشماليه
خف الولي في وانظر شاذبي باني = يا شيت بذيتني واحفيت رجليه
دارك على منكبي كانك ترجاني = يا ضقت بالك تحرك بالعصابيه

[line]

(( 4 ))

وقال هذه القصيدة أيضا ً في بعيره فريح في الخمسينيات :



يا فريح أنا دايم ٍ وياك = نقطع فجوج ٍ خلاويه
روح ياعل الردي يفداك = يالنضو ولد العمانيه
جزاك مني نبي نرفاك = امن المطاريش موليه
وليّا بدت حاجتي بنصاك = الله يسمح لك النيه

[line]

(( 5 ))

وقال الشاعر هذه القصيدة أيضا ً في بعيره فريح :


يا فريح زل الوعد والليل ممسيني = والليل جاني وأنا بدار ٍ خلاويه
وأنا احسبنك تهوم الخد من حيني = وأثرك لحوحن وسوقك فتر إيديه

(( رد الجمل فريح ))


ركبتني عقب مطراش و مقضيني = يومين و أنت علي ومسرف ٍ فيه
وأنا احسبنك عن الشطه تداريني = وأنا ورى ظنك اللي هاقين فيه

[line]

(( 6 ))

وقال الشاعر هذه القصيدة بالغزل :




يا صاحبي يومك تبيني وأنا ابيك = واليوم يومك شمت عني بشومي
يا مدمج السيقان ماني بناصيك = ما ادركت منك الا العنا والهمومي
ومن أول يا جابوا الناس طاريك = فزيت لوني في غطاريش نومي
واليوم عقب مواجهك ما نطريك = توني دريت انك علينا حلومي


[line]

(( 7 ))


وقال بالغزل أيضا ً :



ياليتنا دايم على العقربيه = الرعي واجد والعرب ما يشدون
ومقيضين ولا لنا كل نيه = ما دام أنا ويا هوى البال هلون


[line]

(( 8 ))

وقال الشاعر هذه القصيدة موجهها الى إبن أخيه
عبدالله سالم الحريص :



كان عبدالله وصلني خد هادي = عساه يسلم موترة ومعاونيه
اشهد انه شوفته اليوم مرادي = يازبون الحرد ياعينا خويه
وأنا يسلملي واحد ٍ وسط البلادي = سالم الممدوح شوق الغشمريه
يوم جيته ما جما بالطيب زادي = قال يظهر موتري ودريوليه


[line]


(( 9 ))


قال الشاعر هذه القصيده لإبن اخيه سيف الحريص
ويمدح بها عائلة أبا الدعيات


مرزوق ليت العرب مايشدون = لو كان معهم ماحصلي إقعادي
ياجيتهم سجيت لو كنت مشطون = صدرت منهم عني الهم غادي
عندي فريجن لاقرباهم يهلون = يالله ترزقهم عداد الجرادي
جدان هادي بالدهر مايشينون = خمسة عشر نعمٍ بجدان هادي
مادامهم ياسيف للزمل يبغون = رده عليهم لاتطيع الدوادي
جد جيتهم ياسيف مبعد ومشحون = وجابوا جملهم والتفق والشدادي



(( مرزوق هو : مرزوق راشد الحريص ))
(( هادي هو : عبدالهادي سلمان مبارك الحريص ))
(( سيف هو : سيف سالم الحريص ))

[line]


** المصدر :

صلاح سيف الحريص