مراجعة الادلة الجنائية للدارسين في الفلبين

[بني العنبر]

اخواني قبل لا تروحون للفلبين لازم تراجعون الادلة الجنائية اللي بالضجيج عشان تاخذون بصمات ويعطونكم ورقة لا حكم عليه وهالورقة الزامية وماراح يخلونكم تكملون بالجامعة الا بهالورقة
الطلبات:
صورة شخصية + صورة جواز السفر تروحون هناك وتقولون حق الضابط نبي معاملة لا حكم عليه حق جامعة الفلبين وبس

[خالد القطان]

اخوي شنو يسوون فيها انت مو رايح عشان تستقر هناك اقصد مو انتظامي انت تمتحن وبتردد وبتكتب انك جاي سياحه حق شنو ادلة جنائيه اول مرة اسمع والله يوم سجلنا ما طلبوا منا والله يجزاك خير الشيخ بس نرجوا التوضيح

[بني العنبر]

هم اطلبوها مني عشان يحطونها بملفي واكثر اللي رايحين سووا وخلصوا وطبعا تسويها ببلاش بدون رسوم ولا طابع بس اللي يبونه منك صورة شخصية وصورة جواز السفر تروح لخدمة المواطن بالادلة الجنائية بمنطقة الضجيج

[خالد القطان]

الشيخ لازم تكون بالانجلييزي صح او انا غلطان

[بني العنبر]

اي نعم لازم انجليزي

[ابو عيسى]

خرعتنا على العنوان :)

يمال العافيه

[جامعية]

الله يجزاك الف خير على حبك للخير لاخوانك في المنتدى

[Abo 9ager]

اول مره نسمع فيها.........؟؟؟؟
ياريت الي مجربين يوضحون لنا المسأله.... انا الصراحه ماحب اروح الضجيج...احسه صج ضجيج
بعدين يالربع شخبار اسعار التذاكر؟؟؟؟

[بني العنبر]

ابو عيسى
الله يعافيك وربي يحفظك من الخرعة :)

جامعية
حياج الله وماتقصرين

Abo 9ager
بسيطة ومافيها تعقيد تروح الادلة الجنائية اللي بالضجيج يم الجوازات والجنسية وفي باب خدمة المواطن مقابل المسجد وتعطيهم صورة جوازك وصورتك الشخصية وتبصم وخلال يوم تستلمهم

[حلالي]

السلام عليكم

اخوي بني العنبر انا من الدارسين بالفلبين الورقه هاذي ماطلبوها مننا واحنا تقريبا اكثر من 100 شخص بس ممكن توضحلي حق شنو الورقه هاذي
ويعطيك العافيه

[ابو عيسى]

ولا تنسى انهم يبون شهاده الميلاد بالانجليزي

الظاهر بيطلعون لنا بطاقه تمويل :)

ومادري عن فيزا الطالب هذي شنسوي فيها

اغراضهم واجد واشفطلهم:)

[سيبوووو سيبوووو]

الاسلام عليكم ياجماعة شهادة الميلاد بالجليزي ومصدقة من وزارة الصحة قسم شهادات الميلاد والخارجية والسفارة الفلبينية ولاحكم علية من الجنائية في الضجيج بالجليزي وزياد عليهم ( فحوصات طبية في الفلبين )انا مسويهم قبل سنة ونصف واماقدمته لانة الطلبات هذي حق البطاقة المدنية الفلبينية علشان فيزة الطالب لانة ماتطلع الفيزة الى في البطاقة بس ترى اذا سويتهم ماتسافر الى باذن من الجامعة علشان جذية ماقدمتهم ابي اقدمهم اخر كورسين في دراستي وشكرا

[خالد القطان]

كلامك الاخ صحيح ويعطيك العافية ويعطيك العافية بني عنبر وربي يوفقك يسلم عليك بوحسون

[بني العنبر]

مشكورين على المعلومات القيمة وفعلا ما يطلبونها الا اخر شي وهالشي اللي راح يتخرجون