(( قــمــر خــمـسـة عــشــر ))

[فهد عوض البريكي]

البارحه خيّم علـي الحـزن وأنشـدت القصيـد=وأشتقت لكني عجـزت ألقـى لمرجاعـي عـذر
حاولت أدوّر للرجوع أيت عذر (يابـو ارشيـد)=لكـن فشلـت وكـن هالدنيـا حوالينـي شبـر
قعدت أصبّر خاطري وأقول صبـري يـب يفيـد=لكن طفشت ومستحيل أصبـر ولا فينـي صبـر
من غيبته ضاقت عروق القلب وأهتـز الوريـد=ومع غيبته غيّم علي الكـون والصـدر أحتشـر
حتى وهو غايـب يعلمنـي بـأن راسـه عنيـد=أخذت من صده حِكم وأخـذت مـن بُعـده عبـر
ظنيت بن اللي يبي يجيب الخبـر سـاع البريـد=ونطرت لكـن للأسـف للحيـن ماجـاب الخبـر
من غاب عن عيني وأنا من هم في هم(ن) جديد=ومن راح مني حالتي من منحـدر فـي منحـدر
ولا شفت وجهه كن يوم أشوف وجهه يوم عيـد=أو يوم تحرير البلاد مـن الطغـات أهـل الغـدر
مشيه مثل مشي الغـزال اللـي بخطواتـه فريـد=ووجهه مثل وجه القمر في يومه الخامس عشـر
أرهيت له من شـان عينـه كـل مابالـه يريـد=ومشيت له من زود حبه كـل محظـور وخطـر
ويبشر بعد باللي يطوّع لـه جزيـلات القصيـد=ويخلي الأوراق تشكـي مثـل مايشكـي الحبـر
جيته وأنا مطعون من حب(ن) قبـل حبـه تليـد=وزاد الطعون طعون لكن طعنتـه جـت بالظهـر
الله يسامـح طعنتـه ويمـده بعمـر(ن) مديـد=والله يجازي غيبته ويحميـه مـن شـر البشـر
شف غيبته وشلون سوّت في (فهد) (يابو ارشيد)=هذا غياب أسبوع قلي كيف لـو غايـب شهـر