سالم بن ساير الرميضي
24-02-2009, 02:55 PM
بسم الله الرحمن الرحيم
صلوا على النبي
وان شا الله تستمتعون بالقراءة..
يا راكب اللي لوين ما رحت وداك=اللي على طيبه تدلك افعاله
جيب(ن) جديد(ن) جايز(ن) جرد الأفلاك=جاسر جميل(ن) جالبه من وكاله
زوله على السكة مثل جيش دكاك=ثابت ولو هب الهوا من شماله
أسحم عريض(ن) واسع(ن) لونه (بلاك)=كنه على كثر المواتر لحاله
نوعه تيوتا مركب أشراف وأملاك=من وارد الساير عديم(ن) مثاله
يا راكبه بوصيك يا صاحبي هاك=يا طارشي خذ من يميني رساله
وصل سلامي للغضي لا عدمناك=وقله تراني أتحرى وصاله
وقله ترى صاحبك بالحيل يبغاك=شفقان من بعدك وبعدك زواله
وان كان قلبك فالهوى صار شكاك=اسمع قصيد(ن) كالمحيط ولآله
الألف احبك وأعشقك وأتمناك=وأهيم بك والبعد أبرخي حباله
والبا بجي لك بارتشف بلسم شفاك=بارشف ليا مني وصلت الثماله
والتا ترى تليتني تلة رشاك=والا سبوق الهيلعي في مجاله
والثاء ثغرك ثلجته في ثناياك=والشهد يقطر يا عساني فدا له
والجا جمان الجيد يشبه سجاياك=والا جبينك فارق(ن) في جماله
والحا حياتي حنظل(ن) عقب فرقاك=يا محلا أيام الوصل مع لياله
والخاء خصرك خالي(ن) من حشاياك=ويعجز خياييط البلد في مثاله
والدا دوا دائي دلالك ودرياك=وما غير عطفك يا حبيبي دوا له
والذا ذليل(ن) ذايق(ن) ذل مجفاك=ودمعي كما سيل تزبر هماله
والراء راحت راحة البال وياك=ارحم حبيب(ن) فاقد شف باله
والزا زلال(ن) زلته توتة شفاك=يسوى صنوف البن واغلى دلاله
والسا سهير(ن) سارح البال مضناك=حتى نجوم الليل ترثي لحاله
والشا شوت شاريك شمعات الانهاك=وصار يتهكم بالغرام ورجاله
والصا صمد صرح الهوى يالغضي ذاك=صرح(ن) لاجل عيناك تذري ظلاله
والضا ضعف ضاري ضميري بلياك=وانا معك قادر على كل حاله
والطا طويت الطاش بالجاش لرضاك=طاش الغثا بالجاش والجاش جاله
والظا ظلال(ن) ظللتني بلقياك=والقيض عقبك زايد(ن) في اشتعاله
والعا عسى عين(ن) تهنت بفرقاك=يعصف عليها الهم في كل حالة
والغا غلاتك غالبت حد الادراك=مغليك جاوز في غلاك احتماله
والفا فديت الفل في نفح رياك=حتى الزهر يحسد نفسك وجماله
والقا قليل(ن) قاف شعري إذا أطراك=لو كان جزل(ن) فانت نبع الجزاله
والكا كملت وكملك رب الأفلاك=بأحسن وصوف الحسن جل بجلاله
واللام لك ليل(ن) تكده بيمناك=ووجه(ن) جمع بدر التمام وهلاله!!
والميم ما من حي فالكون يسواك=حيث ان مثلك فالوجود استحاله
والنا نواوير(ن) نمت فوق وجناك=فيها ربيع(ن) دايمات(ن) لياله
والهاء هيض هاجسي بعض ذكراك=وأنا اشهد اني عنك ما كنت داله
والوا وصفتك بالشعر وصف ما اوفاك=حيث انته اللي زدت شعري اختياله
والياء ياليت ينال شعري على رضاك=وياليت قلبك يقتنع بالدلاله
وكامل حروف الألف للياء تفداك=ياللي عليك البعد برخي حباله
ربك عطاك من الحلا لين خلاك=بدر الدجى وباقي الغنادير هاله
والختم عد الرمل في جرد الافلاك=صلاة ربي للمشفع وآله
والسلام ختام....
صلوا على النبي
وان شا الله تستمتعون بالقراءة..
يا راكب اللي لوين ما رحت وداك=اللي على طيبه تدلك افعاله
جيب(ن) جديد(ن) جايز(ن) جرد الأفلاك=جاسر جميل(ن) جالبه من وكاله
زوله على السكة مثل جيش دكاك=ثابت ولو هب الهوا من شماله
أسحم عريض(ن) واسع(ن) لونه (بلاك)=كنه على كثر المواتر لحاله
نوعه تيوتا مركب أشراف وأملاك=من وارد الساير عديم(ن) مثاله
يا راكبه بوصيك يا صاحبي هاك=يا طارشي خذ من يميني رساله
وصل سلامي للغضي لا عدمناك=وقله تراني أتحرى وصاله
وقله ترى صاحبك بالحيل يبغاك=شفقان من بعدك وبعدك زواله
وان كان قلبك فالهوى صار شكاك=اسمع قصيد(ن) كالمحيط ولآله
الألف احبك وأعشقك وأتمناك=وأهيم بك والبعد أبرخي حباله
والبا بجي لك بارتشف بلسم شفاك=بارشف ليا مني وصلت الثماله
والتا ترى تليتني تلة رشاك=والا سبوق الهيلعي في مجاله
والثاء ثغرك ثلجته في ثناياك=والشهد يقطر يا عساني فدا له
والجا جمان الجيد يشبه سجاياك=والا جبينك فارق(ن) في جماله
والحا حياتي حنظل(ن) عقب فرقاك=يا محلا أيام الوصل مع لياله
والخاء خصرك خالي(ن) من حشاياك=ويعجز خياييط البلد في مثاله
والدا دوا دائي دلالك ودرياك=وما غير عطفك يا حبيبي دوا له
والذا ذليل(ن) ذايق(ن) ذل مجفاك=ودمعي كما سيل تزبر هماله
والراء راحت راحة البال وياك=ارحم حبيب(ن) فاقد شف باله
والزا زلال(ن) زلته توتة شفاك=يسوى صنوف البن واغلى دلاله
والسا سهير(ن) سارح البال مضناك=حتى نجوم الليل ترثي لحاله
والشا شوت شاريك شمعات الانهاك=وصار يتهكم بالغرام ورجاله
والصا صمد صرح الهوى يالغضي ذاك=صرح(ن) لاجل عيناك تذري ظلاله
والضا ضعف ضاري ضميري بلياك=وانا معك قادر على كل حاله
والطا طويت الطاش بالجاش لرضاك=طاش الغثا بالجاش والجاش جاله
والظا ظلال(ن) ظللتني بلقياك=والقيض عقبك زايد(ن) في اشتعاله
والعا عسى عين(ن) تهنت بفرقاك=يعصف عليها الهم في كل حالة
والغا غلاتك غالبت حد الادراك=مغليك جاوز في غلاك احتماله
والفا فديت الفل في نفح رياك=حتى الزهر يحسد نفسك وجماله
والقا قليل(ن) قاف شعري إذا أطراك=لو كان جزل(ن) فانت نبع الجزاله
والكا كملت وكملك رب الأفلاك=بأحسن وصوف الحسن جل بجلاله
واللام لك ليل(ن) تكده بيمناك=ووجه(ن) جمع بدر التمام وهلاله!!
والميم ما من حي فالكون يسواك=حيث ان مثلك فالوجود استحاله
والنا نواوير(ن) نمت فوق وجناك=فيها ربيع(ن) دايمات(ن) لياله
والهاء هيض هاجسي بعض ذكراك=وأنا اشهد اني عنك ما كنت داله
والوا وصفتك بالشعر وصف ما اوفاك=حيث انته اللي زدت شعري اختياله
والياء ياليت ينال شعري على رضاك=وياليت قلبك يقتنع بالدلاله
وكامل حروف الألف للياء تفداك=ياللي عليك البعد برخي حباله
ربك عطاك من الحلا لين خلاك=بدر الدجى وباقي الغنادير هاله
والختم عد الرمل في جرد الافلاك=صلاة ربي للمشفع وآله
والسلام ختام....