جابر العثرااات..

[جاسم محمد]

انا البارحه بالحلم كني مـع الامـوات=صدى صوتهم يضرب براسي ويبلشنـي
تحلمت حلمن فات مدري بعد مافـات=تحلمت فيـه وعـود القلـب يقرشنـي
عسى الله يرحم جابر الخيـر والعثـرات=بوسط النعش ماكـن نعشـه تنعشنـي
تسمع يابو محمد للأحـزان والاهـات=احـاول مطنشهـا وعيـت تطنشنـي
موزع على قلبي من الضيق خمس اشتات=تقهوى من الصمـام الادنـى وتنعشنـي
اليا ضقت قال الضيق يامرحبا بسكـات=تقل ذيب يقنب فوق راسـي وينهشنـي
تحملت منك يازمـن ماتطيـق الـذات=ومالا تطيقـه لـو تحـاول تناوشنـي
ترى الوضع سيئ والنوايا على الهقـوات=ابصـد عنهـا والهواجـس تحارشنـي
ودقات قلبـي كنهـا ماهـي بدقـات=توقف وعـن طبـع الاوادم تناقشنـي
تقول العرب عاشت من الذل والصدمات=وبفعالهـا وردودهـا اليـوم تدهشنـي
وانا اقول تفزع....لاغدا بالحكي فزعات=وبـح الحناجـر عندهـم مايبششنـي
لون القصايد حكي متقن ببعض ابيـات=ابقولهـا كـود الامـانـي تعيشـنـي
على شان اعيش انسان ياجابر العثـرات=لون العرب بفعولهـا اليـوم تدهشنـي