بر الوالدين (الشفرة والحل)

[سالم بن ساير الرميضي]

السلام عليكم ورحمة الله وبركاته..


ويلاه من قلب(ن) به النار تــــــشتـب= من لاهب(ن) يابس ضلوعي عطبها
بالجاش ضو(ن) بالمعاليـــــق تلعــــب=تجمع من العوج المحاني حطبها
اكتب على بيض الورق بيت واشـطب=من عادتي ما أغوص قبل احسبها
للعاشق الولهان والمغرم الصـــــــب=بكتب بيوت تنومس اللي كتبها
وصية(ن) مني لمنهو تــــــــــعـذب=أصفى من العد العذي لمن شربها
الوالدين وبرهم خير مطلــــــــــــب=ينجيك من نار السعير ولهبها
لارضيتهم يرضى عن اعمالك الرب=ويزيح هم النفس ويطرد نصبها
دموع عين امك كما الـسيل تنصب=عليك تشفق ويتعوكس طربها
يامسيت مرضان(ن) ولا فادك الطب= يجفي لذيذ النوم ضافي هدبها
نيرانها من واهج(ن) في الحشا شب= واليا صحيت يروح عنها تعبها
أمك تجسد في اسمها كوثر الحـــب=اللي لجل ترضيك باعت ذهبها
حسبي على اللي يزعل الأم والأب=يحرم من الجنة وناضج عنبها
سلواك ياللي غادي(ن) حيل متعب=من الضيم والدنيا وكثرة كربها
إنك تراضيهم ولا عنك يغضـــــب=أبوك وامك ما تسبب غضبها
نظمت لي قاف(ن) جزيل(ن) مرتب=ومن عادتي ما اغوص قبل احسبها
اجمع أوائل صدر الابيات واحسب=وتشوف مضمون القصيدة وأربها

=================================
أول حرف من كل بيت لو اجتمعوا يشكلون حروف الآية"وبالوالدين إحسانا"