تـسـتــنـكـر الـصـوت ... !!

[محمد الصواغ]

السلام عليكم ورحمة الله وبركاته


صلوا على النبي




الله واكبر صرت تستنكر الصوت !=من بعد ما كنت إتمنى سماعه
العام تحسب لي الدقيقه لو تفوت=والحين ما تعطي من الوقت ساعه !
لاهنت ,, ياللي لايت ٍ خافقي لوت=أقنعت قلبي عنك رغم إمتناعه
واللي حفظ يونس نبيه من الحوت=من باعني بعته مثيل البضاعه
حبل الوصل لو بيننا صار مفلوت=ماهمني في جذبته وإنقطاعه
نفسي عزيزه لو توردني الموت=ما أذل لو إن ذبحتني الشجاعه
المر عندي خير من حالي التوت=لا صار به منـّه \ وهم \ وقطاعه
لو توزن الدنيا جواهر وياقوت=من ينزل إمن العين صعب إرتفاعه
خلصت منك يوم تستنكر الصوت=من بعد ما كنت إتمنى سماعه !



وسلامتكم ,,


تحياتي لكم ,,,