صالح ولد عقله عريب المنسب...

[عبدالله فالح بن رويشد]

شاش الفكر يبغى وصول القمّـه=في مدحـة الرجّـال راع الهمّـه

قول و فعل مع طيب علـمٍ غانـم=و بياض وجه و لا لقى من ذمّـه

طوّعت لي طرقه و أسوق حروفي=لأجله و أشوف الطرق شمّر كمّه

صالح ولد عقله عريب المنسـب=الطيب عنده وسط جاشـه ضمّـه

أقول انا من صدق خافق وأمـدح=شخصٍ عزيـز وعزّتـه ملتمّـه

هيبة ملوك و ذات مع شخصيّـه=و نفسٍ عزيـزه للعُـلا مهتمّـه

و طيبٍ ترعرع مع ترعرع صالح=سرى بجسمه مع مسـاري دمّـه

يمكن ابو خالد رضع من صغـره=جود الفعل و الطيب عكس الخمّه

عساه يفـدى خافقـك يالنشمـي=جمع الحثالـه و الـردي والرمّـه

و عساك تبقى مدرسـه للطيّـب=و اللي نواك بشر يعطـى الحمّـه

ادعوا معي يا رب طـوّل عمـره=و إحفظ ربوعه مع أبـوه وأمّـه

مدحت و أدري ما يوّفي مدحـي=شخصٍ عزيز و راقـيٍ بالقمّـه