(( رديــه : ثـامـر مـبـارك / فــهــد عــوض ))

[فهد عوض البريكي]

يقول ثامر راعي الدليما ...


قامت تراودني هواجيس وعلوم=وأخذة من باق الشرايد شريده

المشكله لاصرت ضايق ومهموم=والمشكله لاصرت فاقد فقيده

راحت ولاعندي من الزين معلوم=الخط مغلق والنوايا بعيده

ليته معلمني قبل يمشي بيوم=أجيه شخصياَ وأراسل بريده

البارحه جاوبت صوت أم كلثوم=سهرت معها لين جتنا الجريده

أنا بلاي الي زها الخد برقوم=تسكن بحمص ولاسكنة مع فريده

أحبها حب السلامه من القوم=وحب البعيد الي لافى من بعيده

يابو عوض كمل معي وأترك النوم=أنا وليده وأعتزي في وليده

أن كان نايم قوم يابو عوض قوم=الجمر يصلاني بكوي الحديده

وصلاة ربي عد ماغابة نجوم=وعداد ماتكتب علوم وقصيده

ورديت عليه ...


جبت القلم وأعلنت حربي على النوم=ولينت في صبري هجوسٍ عنيده

وأبديت رايي وكلمتي مابها سوم=وأخترت من جزل الفرايد فريده

يامرحبا ترحيبت القوم بالقوم=بعداد أحرف تنكتب بالجريده

براعي الدليما عل يفدونه رخوم=وعساها يرزق بالحياه السعيده

أنتا كريمٍ من نسل ناسٍ قروم=مالك ومال أهل القلوب البليده

يابو مبارك فيه معطى ومحروم=وأصبر على ضروف الليال الشديده

شكيت همك يوم راودتك هموم=على شجاعٍ ماملك في رصيده

ألا وفا وأخلاص وأطباع وسلوم=من شايبٍ عسى حياته مديده

لكن أبشر بسبح البحر وأعوم=لنك ولد عودٍ فعوله وكيده

أبرفع خشومٍ وأبنزل خشوم=وبفزلك فز العضيد لعضيده

ماني على رد المراسيل ملزوم=لكن على شانك بدعت القصيده