العوازم يستفزون في جمعيه السالميه

[سالم الختلان]

السلام عليكم ورحمه الله وبركاته



اخواني اخواتي الاعضاء الكلام اللي راح اقوله الحين انا موجايبه من عندي واي واحد بالدائره (12) يقدر يعرف السالفه واتمني من الاخوه الاعضاء اللي يعرف عن الموضوع اللي بقوله الحين يتكلم ولا يسكت لقد استفز العوازم رئيس جمعيه السالميه الحالي ( العوضي ) بأن فنش اثنين من شياب العوازم من دون وجه حق والسبب انه اتي مبكرا ووجد ان كروتهم مدقوقه ولم يجدهم وطبيعه عملهم مندوبين يعني يدق الكرت وياخذ البريد المراد توصيله ويمشي وانهم مواضبين علي العمل ولهم اكثر من 15 سنه معينين بهذه الوظيفه ولم يأتي يوم من الايام وان اعطتهم الجمعيه بريد ولم يصل في ميعاده وافرض انهم كانو مو مداومين لم يعطيهم انظار ولا خصم ولاتنبيه شفهي علي طول فنشهم وازيدكم من الشعر بيت بعد اربع عوازم عندهم محلات بالجمعيه نفسها زاد عليهم الايجار 100% بس العوازم من بد المحلات كلها وهذي الحجي الاسبوع الماضي !!!!!!!! undefined

[حمد الصواغ]

تسلم ياخوي سالم
وعسى الله يقطع رزق العوضي مثل ماقطع رزق العوازم
ليش يحسبنها جمعيه ابوه علشان يفنشهم بدون سبب

[الشاهين77]

صباح الخــــــــــــــــــــــــير
" (العوضي ) بأن فنش اثنين من شياب العوازم من دون وجه حق "

هل هم علي العقد الخاص ( كمستخدم ) أو الجمع بين وظيفتين أو متقاعدين ؟
أن كان كذلك فله الحق ، يحق له أن يفصلهم بدون الرجوع الوزارة ، لكن هل صحيح أنه (العوضي ) رئيس مجلس أدارة بالأنتخاب أو التعيين (من الوزارة ) .... علي ما أعتقد أن الأغلبية من الأعضاء ( العوازم ) ....وينهم عن هذا المتغطرس والعنصري ..... !!!!
وإلا السالفة ...... تصفية حسابات بين الأعضاء ..... علي حساب الشيبان المساكين .... !!!!
يأخي العزيز الختلان ، معظم أعضاء الجمعيات التعاونية مشغلين ناس تعدوا السن القانوني للتوظيف .....مثال أحدى الجمعيات التعاونية ....أحد الأعضاء موظف أهله والله ناس تعدوا 55سنة وأكثر !!!!!!
وجماعته علي حساب الجمعية أكثر من 50 شخص ..بدون وجه حق...مع أن يوجد أناس عوازم سعوديين ...أولى منهم بالتوظيف ....فقام الرئيس الجديد ( من قبيلة أخرى ) بفصلهم جميعا !!!!! ولا رد عليهم جميعا ....طنشهم وكأنهم لاشئ عنده الأعضاء العوازم ..طافــــــــــــــــــــــــــــــــــــــــــــ !!!
وعين من ربعه ............ ما يشاء ...... جمعية أبوه ....!!!!
أما بالنسبة لرفع الأسعار 100% فهذا شئ ....لايجوز ... إلا بحالة واحدة ... أن رفعه بالتساوي مع إيجارات المحلات الأخرى .... أما دكتاتورية وجبروت وفرعنه ... فالشره علي ربعــــــــــــــــــــــــــــكم !!!!!!!

[ابوجاسم]

مساكم الله بالخير جميعاً..
الله يعطيك العافيه اخوي سالم الختلان والاخوان اللى تفاعلوا معك بالموضوع الشكر موصول ايضاً..
اما بعد فالقرارات اللى اصدرها رئيس جمعيه السالميه قرارات تعسفيه وانشالله راح يجد من يصده ومنا الى ولاة الامر...

[فزاع]

يعطيك العافية أخوي سالم الختلان
وعلى ما قال أخوي بو جاسم هذه قرارات تعسفية
ولا بد لها من رادع ومنا الى ولاة الأمر

[سالم الختلان]

حمدالصواغ

شكرا علي المرور


ولد عطا شكرا علي المرور


اخوي الشاهين

رئيس مجلس اداره الجمعيه له الحق بالتفنيش والتوظيف من دون اللجوء الي الشئون وبعدين تري جمعيه السالميه حاليا مافيها ألا عضو واحد عازمي والباقي حضر وكنادره وللعلم تري نائب الرئيس الحالي (الكندري ) وهو الذي نزل ضد يوسف الصويلح بنتخابات البلدي اللي طاف لكي يشتت اصوات الكنادره وما يعطون الصويلح ويصقط بس الكنادره ما عطوه ويقولون عنه هذي مرتشي اي ان العوضي معطيه فلوس علي شان ينزل ويسحب اصوات الكنادره ويصقط العازمي والبنسبه لمحلات العوازم اللي زاد عليهم العوضي الايجار بنسبه 100% قالوله اصحاب المحلات حني ماراح ندفع واللي بتسويه سوه ورفعو عليه قضيه وانت تقول انهم تجاوزو السن القانوني للوظيفه هذوله متقاعدين وبصحتهم وعافيتهم وقايميين بواجبهم واكثر من واجبهم !!!

بوجاسم

الله يعافيك وشكرا علي المرور :)


فزاع

الله يعافيك وشكرا علي المرور :)

[شـــــوق]

ترا السالفه مو فوضه

اذا لهم حق في مجال للتظلم وارجاع حقوقهم عن طريق القنوات القانونيه خصوصا وان قضائنا لله الحمد مستقل وعادل

اما اذا مالهم حق فيتحملون اللي جاهم.!

[سالم الختلان]

شوق

شكرا علي المرور :)

اهم فعلا لهم حق ويقدرون يشتكون عليه بالشئون بس هذوله شياب ويقولون لو راحنا واشتكينا وردتنا الشئون راح يقعد لنا علي الوحده والنص وحنا مو فاظيين حق هالسوالف

[الشاهين77]

السلام عليكم

عزيزي سالم الختلان

والله صدمتني بقولك أن عدد الأعضاء العوازم بالجمعية واحد فقط لاغير ....!!! وبسلوى مع الأسف!!!!

يوجد هنالك خلل كبير ....؟؟؟؟

ياخوي ...أنا عندما تكلمت عن السن القانوني ....تكلمت عن العقد الخاص ( مستخدم ) ؟؟

بالنسبة ( للعوضي ) .. الذي قام بدون سبب بفصل الشيبان العوازم .. هذا شخص لا يملك سوى الكره للعوازم

بالله عليك أبسألك سؤال ...هل العوازم الذين فنشهم مواظبون علي عملهم ؟؟؟ ملتزمين بأوقات العمل الرسمي ؟؟

لأن يبدو لي أنه يتصيد عليهم الزلات ...والسبب واضح ..لأنهم عوازم !!!

لأن ياسيدي لا يحق له فصل أي موظف بدون تبرير أسباب ...الإ وهو أسلوب تعسفي ومزاجي وعنصري ..!!! والحل أن يرفعوا تظلم بالشؤون وأن شاء الله يدون إلي وظيفتهم .وبالنسبة لأصحاب المحلات أقول لهم ....... ضربوه بالطوفة هو وقرارة !!!!!!

[سالم الختلان]

الله يعطيك العافيه اخوي الشاهين اسعدني تعليقك :)

[الشاهين77]

السلام عليــــــــــــكم
أخوي سالم الختلان
يبدو لي أن الموضوع ألتبس علي ، لقد قلت أن السالفة حدثت في جمعية السالمية ...
وكنت أظن أن الموضوع حدث بسلوى الظاهر يا خوي أن سلوى أعضاء الجمعية منهم 9 أعضاء من العوازم ...بقيادة الأخ السنافي علي ما أظن ...وهذا ما أستغربه ؟
يبدو أن المشكلة في جمعية الرميثية وليست في جمعية سلوى ؟
صحيح ....
الله يعطيك العافية وموفق خير :)

[سالم الختلان]

ههههههههههههههه

اخوي الشاهين :)

اول شي شكرا علي التوضيح وثاني شي جمعيه سلوي نعم مثل ما قلت رئيسها يوسف السنافي ونائب الرئيس علي ما اظن سعد الغانم ولجنه المشتريات احمد فالح الجويسري لا جمعيه سلوي كل اعضائها عوازم وابشرك تري العوازم اللي تفنشو في جمعيه السالميه ردوهم

[الشاهين77]

وابشرك تري العوازم اللي تفنشو في جمعيه السالميه ردوهم

والله يوفقهم ويوفقنا لما يحبه ويرضاه

والله لايهينك ويعطيك العافية لحرصك علي متابعتك لأخبار شيباننا الطيبين :)

[سالم الختلان]

الله يسلمك اخوي الشاهين جدا اسعدني تعليقك :)