(( أبيات بمناسبة فوز قبيلة العوازم بالانتخابات ))

[خالد بن سكران]

(السبت) فزعه و(الأحد) فرحه رجال = قول ن صحيح ومن يردّه نقنعه
ما فيه شك ولا ظنون ولا جدال = أن (العوازم) فايزين الأربعه
تدرون ليش أقولها في كل حال = (الجـد) واحد ما تجيك مجمّعه
قبيلة ن ترسي كما صم الجبال = (المجد) تسعى له ودايم تتبعه
أليا أعتزينا ماش صعب ولا محال = نضرب على الكايد يلين ونقمعه
يشهد لنا التاريخ في سود الليال = كم شيخ قوم ن سال منّا مدمعه
(بني عطا) في سلم وألا في قتال = أهل المواقف ما تطيع الأمّعه
واللي تنحى لا شداد ولا عقال = رجلن بليّا ربع من هو يرفعه
واللي يشكك شاف ما زاده أهبال = من حر مابه ما يصدّق مسمعه
مبروك يا ربعي كريمين السبال = رمز الوفاء والطيب فيكم منبعه
هذي عوايدكم على الشدّه جمال = ما همّكم ضيق الجهات الأربعه