دلوعة الديره

[شبيب الملعبي]

دلوعة الدار ذابـح قلبهـا حيـره = في قلبها غيـرة الدنيـا مولعهـا
أخونها بالكـلام وتشتعـل غيـره = وأكتب قصيد الغلا فيها وأسمعهـا
يوم أتعانق غلاها وآخـذه سيـره = وأذوب في سالفتها وأندمج معهـا
ويوم أتظاهر بوجة الصد وأثيـره = واحاول اجرح مشاعرها ولوعهـا
ماهو زعل يوم أضايقها ولاطيـره = مجرد أسلوب يكشف لي طبايعهـا
ياطيبهـا ياغلاهـا دمهـا شيـره = أحلا من الورد عفتهـا وطابعهـا
يشهد لها حبها الوافـي وتقديـره = وعلى اوصال الهوى تشهد مدامعها
من روحها صادق الحب وتعابيـره = ومن قلبها الطيبه اللي ماتصنعهـا
عذروبها الصمت ماتترك معاييـره = وفيها الخجل لا تلاقينـا يضيعهـا
هذا هو أسلوبها هـذي تصاويـره = هـذا دلعهـا وغيرتهـا ودافعـهـا
ماهيـب مدلّعـه دلوعـة الديـره =لاشك هذا الاسـم منـي وأدلعهـا