والا فمان الله والدرب قدام ؟

[محمد عيد]

جيت الكويت ورحت والحال منظام= وسقت القدم واحفيت رجلي وجيته ؟

اللي حصل غلطه وطافت لها عـام= وانت الذي من روح قلبـي فديتـه

ماطعتبـك أهـروج عـاذل ونمـام= يكفيك شـوق القلـب أنـك خذيتـه

وإن كان تنشدني ليا قلـت مـا نـام= لا انّي أحبـك والغـلا مـا نسيتـه

لحقـك لأن الحـظ لا طـاح مقـام= قلي؟؟ عقب فرقاي شاللـي جنيتـه

سلام ياقلب ٍ عشـق سبعـة أعـوام= وسـلام ياليـل ٍ مشيـت وسريتـه

وسلام يالدفتر ويـا روس الاقـلام= وسـلام يالحـظ الـردي ماهقيتـه

وسلام يـا سـود الليالـي والايـام= وصاحبك ينطر جيتك لو !! جفيتـه

لا طوّل الفرقا ترى الطير ما حـام = بس التعب والضيـق عقبـك لقيتـه

وياما بنيت أحلام واحـلام واحـلام= لو كان احد غيرك تـرى مارجيتـه

مـدام حبـي فيـك للحيـن مـدام= لا تعتذر وارجع واخـذ مـا بغيتـه

تعال واقلط واعـرف البعـد هـدام= البعـد يهـدم كـل شـي ٍ بنيـتـه

تعال خل الغلطه اللـي لهـا عـام= يكفيك شووق القلـب أنـك خذيتـه

والا فمـان الله والــدرب قــدام= والبيـت هـذا يقنعـك لا قريـتـه

الحب ودعته قبـل قطعـت ايـام= من يوم شفت الحب مهـدوم بيتـه