(( الــوقــت كـالـسـيـف ))

[فهد عوض البريكي]

((يامل عينٍ من الهوجـاس سهرانـه=والموق عيا يهاب السهـر ويعيفـه))
والقلب مـن سبتـه تشتـب نيرانـه=والعقل روّح بعـد روحـة مواليفـه
والصدر من صده وقطعـه وحقرانـه=ضايق,ومؤمن بحكـم الله وتصريفـه
للصاحب اللي عليه الـروح شفقانـه=اللـي تعمـد خطاه,وبـان تزييـفـه
من يوم راح وجحد رجل(ن)على شانه=يذلـل الصعب,ويساعـد بتخفيـفـه
خلاص عفته مابيـه ومالهـا خانـه=عشرة جحود(ن) تبيّـن كـل تأليفـه
من عقب ماهو دوا للقلـب وأحزانـه=أصبح عنـا للخفـوق وزاد تكليفـه
الله يسامحه فـي قطعـه وهجرانـه=والله يجازيـه فـي كذبـه وتحريفـه
أسرف بحالي عسى الخلاق سبحانـه=الواحد اللي يدير الكـون فـي كيفـه
يرد حقي,وأشـوف الـذل بأعيانـه=وتصبح حياته قهر,وأحواله ضعيفـه
والوقـت كالسيف,والأيـام خـوانـه=أما قطعته ظفـر ولا اقطعـك سيفـه
معروف فعل الزمن,جوره وحرمانـه=أيامـه تبعثـرك وصدوفـه مخيفـه
بعثر مشاعر فهد وأهتـزت أركانـه=وطاحت عزومه من الوقت وصواديفه