ضاع الوفا يوم باع الخلّ خلاّنه=و قلّ الأمل و الوصل يزداد تكليفه

[عبدالله فالح بن رويشد]

بسم الله الرحمن الرحيم




(يا ملّ عينٍ من الهوجاس سهرانه=و الموق عيّا يهاب السهر و يعيفه)
قد جرّها سالم الدوّاي بألحانه=و للحين أرددّ بيوته مع محاريفه
سبّة وليفٍ سِطتْ بي ضِحكة أعيانه=أدبر و قفـّا و حالي صعب تصريفه
جريت طرق الحزن كله على شانه=و الهم وسط الحشا بأعلى مشاريفه
من أولٍ لا لمحته صاب نيشانه=من كيفه أصلاً يسوق الزين من كيفه
الحلق خاتم ذهب و العين مرجانه=و الجيد يصعب على المخلوق توصيفه
كل المشاعر بعد فرقاه ولهانه=تشفق على شوفته لا مرّني طيفه
و كتيبة الشوق ماتت قدم ميدانه=و جيوشِ خلّي سِطرها حدّني سيفه
ضاع الوفا يوم باع الخلّ خلاّنه=و قلّ الأمل و الوصل يزداد تكليفه
حسبي على اللي سَلَبْ قلبي و شريانه=سلْب الوزير الذّي زادت مصاريفه
ما يحسب إحساب قرض و إلاّ تبيانه=ضمير ميّت معاه إحساس كالجيفه
هذا مصير الهوى لا شحّ بأمزانه=يقفي ربيعه و تاتي هبهبة صيفه
يا ليت عيني تشوفه قُربْ جيرانه=أو ليتني قُرب ربعه أو كما ضيفه