اهديكم القصيده المقناص

[ابن الصحراء]

السلام عليكم
اعجبتني قصيده عن المقناص وحبيت انقلها الكم في هذا القسم خاصه

وهي للشاعر المعروف / بدر الحويفي الحربي وقد نزلت في جريدة الرياض
العدد 12884 الصادره يوم الثلاثاء 3/8/1424هـ
طبعن عجبتني كلمات القصيده وماتحمل من معاني جميله وحبيت انقلها والرجاء لاتبخلوون
في الرد مابيكم تدخلون وتطلعوون بدون كلمه جميل القصيده الي اكثر من رائه
وانا انشالله قاعد اصمم تصميم فلاش عن القصيده هذي ونشالله الايام الجايه راح انزلها الكم

واليكم القصيده

والكلمات تحت المقطع
http://www.anashed.net/audio/hawrnyat_2/ana_3la_almeqnas.rm




انا على المقنـاص قلبـي يرفـي بكره ونرجع يم آهلنا منـا كيـف

بديـار لفـروق الحبـارى اتلفـي جنوب من حزم الجلاميد وطريـف


الطير هو غايـة غرامـي وشفـي اقـدره تقديـر الاجـواد للضيـف




من كبر قدره شايلـه فـوق كفـي وراعاه تسع اشهور بالقيظ والصيف


ودهنـه لاشفـت ريشـه مصفـي على الدعاء وخفف النسر تخفيـف





نقلـه يشرفنـي وشوفـه يكـفـي عن شوف ناس ما تعرف المعاريف




لاشفت لـي نـو ابروقـه ترفـي نويت اجهـز موتـري للتكاليـف


القيـظ كلـه جالـس ومتعـفـي برد المكيف نشـف الـدم تنشيـف


متـى سمـوم القيـظ عنـا تقفـي وسهيل قبل يعمد الفجر قـد شيـف


والنـار يصلـح شبهـا للتـدفـي البرد نوجس من نسيمه هفاهيـف


قمنـا لعزبتنـا نشيـل ونظـفـي ونكمل الناقص ونمـلا المظاريـف


اللي نشيل مـن اللـوازم امكفـ يامكتفين العفـش بالحبـل تكتيـف


يمكن ليـا جينـا البقالـه انوفـي حاجات نشريها كمالـة مصاريـف


والصبح من حزم ابرقيـه امقفـي صوب المعظم والهضاب المواقيف


بديار جعل اشجارهـا مـا تجفـي تعلهـا غـر المـزون المراديـف


في رفقة اللي نارهـم مـا تطفـي على الشرف والجود ربع مواليـف


مجلاس طلقين الشوارب امصفـي على الدلال اللي بهن ساخن الكيف


خويهم مـا وجـس كـلام يحفـي غير المزوح الطيبـه والسواليـف


عقـال وزن عقولهـم مـا يخفـي ولاهم على الفاظي خفاف وملاقيف

[ابو عبدالعزيز]

تسلم يمينك على النقل اخوى ابن الصحراء

[ابن الصحراء]

مشكورابوعبدالعزيز وماقصرت
علي الزياره الجميله
بس في ناس تدخل ومالها خلق تكتب كلمه شكر ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يعني الموضوع ميستاهل النقل او في شي ثاني حب استطلاع

[ابو عبدالعزيز]

مشكورابوعبدالعزيز وماقصرت
علي الزياره الجميله
بس في ناس تدخل ومالها خلق تكتب كلمه شكر ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يعني الموضوع ميستاهل النقل او في شي ثاني حب استطلاع

السلام عليكم
اخوى ابن الصحراء كيف حالك
بالنسبه للردود اللى يبى يرد حياه الله واللى مو راد هم نقول حياه الله
ومو معناة انه محد يرد على مواضيعنا انها فاشله لاسمح الله لا يا اخى

[دنيا عجيبة]

يعطيك العافية ابن الصحراء

[طلال بن ملوح المسحمي]

الله يعطيك العافيه على النقل

[ابن الصحراء]

يعطيكم العافيه شباب وماقصرتم والله

[ماجدعبدالله بطيان العازمي]

بسم الله الرحمن الرحيم



السلام عليكم ورحمه الله



اخوووي ابن الصحراء اسعد الله اوقاتك بالمسرات والف شكر لإختيارك الافضل وننتظر جديدك



اخوك ***ماجد

[جراح العازمي]

ياسلالالالالالالالالالالالالالالالالالالالالالالال الالالالالالالالالالالالالالالالالالالالالالالالال الالام
عليييييييييييييييييييييييييييييييك يا ابن الصحراء

عزالله ان عليك خوش اختيار

الشاعر بدر الحويفي من الشعراء البارزين المعروفين اللي لهم باع طويل بالشعر والرديات والاغراض

اشكرك اخوي علي نقلك للموضوع الرائع

اخوك

جراح العازمي

[جبل نجد]

تسلم والف شكر اخوي

[الحقاني]

لاهنت والله وصح الله لسان شاعرهااا عزالله خوووش قصيده

[تلاب]

يعطيك العافيه يابن الصحراء

[عـبدالرحمن الحضيري]

تسلم اخوي ابن الصحراءعلى النقل
ولاهنت