الشوق والصبر

[محمد الدباغ]

يحرقني الشوق لاذعذع علـيّ البـراد



لاهبّ نسناسه الغربي تقـول احتضـر



وغيب ويّا الفـؤاد وماحـواه الفـؤاد



اللّي على نار شوقه له سنـة ينسعـر



مايتركك للحنيـن المـرّ غيـر البعـاد



وعزّي لراع الحنين المرّ لامـن ذكـر



الصبر في غيبة الغالي عذاب وجهـاد



لكنّ وش في يد المحروم غير الصبـر



اللي ليا حل ليلـه مااهتنـى بالرقـاد



يسامر السامرة حتـى طلـوع الفجـر



والخاطر اللّي ليامن جاد بالشعر جـاد



أشكي عليه بخفا ويحدّنـي للشعـر !!



ماودّي أكشف مشاعر داخلـي للعبـاد



يارب من نعمتك تضفي علـي الستـر



تعال ياللي غيابك ظرف مـدري عنـاد



تعبت أعيش الأمل في رجعتك وأنتظـر



جرحي ينقّط ولاعندي لجرحي ضمـاد



ارجع وشافي جروحي منك من غير أمر



ماتدري إنّي أحبـك حـب كلّـه نكـاد



الله يستر ... ياخوف يحطنـي بالقبـر