بعد ماهب من شرق البرادي=عطوني للورق حبر القصيده
بعبر بالقصيده من فوادي=كلامن قبل لايضره يفيده
ليامني كتمته فيه زادي=عذابه وأشعلت فيه الوقيده
بقوله وتنقى من حصادي=جواهر شعر جزلاتن جديده
مدام إن القمر بالنور بادي=عسى الليله تجى ليله سعيده
عسى نوره مايجلب لي هجادي=ولاإيعيّد بقلبي منه عيده
أنا عاشق ولاني رجل عادي=حياتي مامشت وياي سيده
حزينن من عرفت العشق غادي=بحبن شرس من نظره وحيده
عشقت اللي مثل ريم الحمادي=غزالن دوم عن عيني بعيده
عليها عين تخلف كل هادي=رجل مايصاد من نظره تصيده
جمال الفاتنه بنت البوادي=ماعمره مال عن درب العقيده
مغطى كل ليله بالسوادي=جمالن زاد بالعفه رصيده
تخاف إمن الولي رب العبادي=شريفة عرض ماتقرب عبيده
من إبلادي وطت ذاك البلادي=عساها دوم فى عيشه رغيده
لها بالقلب ماضيّع رشادي=غلا يمشي على إسلومن حميده
محبتها على قتلي تنادي=لسيفن قد ذبح ناسن عديده
صقيلن بالهوى كثر الجرادي=ذبح عشاق جعل الله يبيده
عساني منه ماحول بوادي=مثل واديك ياقيس الوليده
ذبحك العشق منصور الجهادي=وأنا رجلن مقيدني بقيده
على قلبي يوم إن السيد سادي=ياقيس السيد قلي من يسيده
بعد مافناك بسيوفن حدادي=نصاني بالخطيرات الشديده
همومن كنها طير الهدادي=سهمها يذبح النفس الطريده
تركني للعزاير والسهادي=مانام الليل وعيوني شهيده
من أسبابه ياقيس الحيل بادي=ذبحني مثل من يذبح ضديده
موردني على حوض النكادي=ولاويني مثل لوي الجريده
غرامن منه قلبي ماستفادي=مامنه يوم حصل مايريده
فوايد من بزود الشر جادي=ماهز القلب ورخى له وريده
أقوله وأنت بالعشق القيادي=ياميت حي من سبة بريده
أضنه يوم صوبك الزنادي=مايخطي من شكالك بالقصيده

المشاركة الأصلية كتبت بواسطة رَزان (المشاركة 3746186) مـغــطــى كـــــل لـيــلــه بـالــســوادي جــمــالــن زاد بـالــعــفــه رصـــيــــده تخـاف إمـن الـولـي رب العـبـادي شريـفـة عــرض ماتـقـرب عـبـيـده صح السانك ألا ترى هالوصف يخالف ما سبقه؟ كيف وصفتها بالفاتنة أم كما تعودنا من الشعراء خيال في خيال معاني جميلة