ان كـان حبـك بالمسـن ياهنـادي=تقزير وقت ومنك ماحاصلـن لـون
فرقى الضحى بيني وبينـك تنـادي=وان جات مابه ناس منهـا يـردون
هـذا الكـلام المعتمـد والوكـادي=محدن رضى حاله تجي دون في دون
الصبر مر ومنـه شفـت النفـادي=مع من سبق قبلك ومعك انت وشلون
والمشكله مـن خافقـن بالفـؤادي=لاحب يظهر كـل ماكـان مخـزون
عز الله ان حبك عـن الغيـر زادي=بالحب مابه مـن يعادلـك بالكـون
امتزتلـك واثـرك بالحـب عـادي=ومسحت ماعنـدي لكـم بالتليفـون
كلـه عشانـك ياظبـي الـبـوادي=اتبع رضاك وخاطري منك محـزون
ومن قبل هذا كنـت غايـة مـرادي=بأول معرفـه بالمسـن ماتخونـون
بديتلـي بالحـب ماصـرت بـادي=وبغيت منك العون واصبحت فرعون
ويابو عيونن بالوصايـف حـدادي=تقزير وقتك منـه وش تستفيـدون