|
يا الله ياللي مانبي غيــــــرك مـــدد // الشاعر مساعد القفيدي
|
يالله ياللي مانبـي غيـرك مـدد
ياللي بك العبد الموحـد يستعيـن يارافع الرايـات فـي بـر وبلـد انك تعاونا علـى اللـي بايريـن جونا على غـره وجيناهـم هـدد واللي حضر منا كفا اللي غايبيـن يوم ارعد الرعـاد وانهـل البـرد جا موسم يرخص اعمار المستحين وساروا وسرنا وماحد منـا قعـد لين أشهب البـارود رد المقدميـن أهل البيـارق طرحوهـم بالعمـد في شوبة الدخان قـدم الهايشيـن في ساعة ما حـد يخليهـا لاحـد إلا بضرب يـودع القاسـي يليـن يا لابتي مايـودع الشايـب ولـد ياكود فعل قـدم وجـه الطيبيـن ولاينطح العايل ويخلفـه الوعـد إلامبيعـة العـمـار الصاملـيـن يا لعن ابو عند المعقل من شـرد لا وش نبي بالعمر يا سهج القطين حضاية البـارود ليـن انـه بـرد لين الطريح يطيح والطيب يبيـن ليتك حضرت وشفت يا شيخ البلد يوم التقينا في شمالـي القطيـن يوم ان ابن جامع على الشوبة ورد سبـل وسبلنـا عليهـم زاهديـن يوم أهل الشرهات خانوا بالعهـد صاروا من ارذل هالزمان الحاربين لو جا ابن مشهور وعتيبـة سنـد حنـا علـى جـد وبالله نستعيـن ولو إن حلتنا خذاهـا مـن جـرد ماهي معنا من عصـور الاوليـن هـذا لهـم منـا وقافيهـم بعـد دولة هل العوجا كعـام العايليـن في بيرق راعيه ما عنـده باحـد إلا ولـي العـرش رب العالميـن ابيـــــــات جميــلة شامــخة رائــعة رحم الله قائلها رحمة واسعة و جعل قبره روضة من رياض الجنة :) شاعرنا المميز سعد صح لسانك و يسلم الصوت و راعيه ما شاء الله عليك ابدعت \12 تقبل مروري :) |
صح لساانك وطاب منقولك المميز
شكرا لك حور |
الله يرحم شاعرها
وصح الله السانك يابو سالم على اختيارك المميز وحرصك على قصايد فرسان العوازم وفالك التوفيق |
| الساعة الآن 12:12 AM. |
Powered by vBulletin® Copyright ©2000 - 2024, Jelsoft Enterprises Ltd. , Designed & TranZ By
Almuhajir
(جميع ما يكتب في هذا الملتقى لابناء قبيلة العوازم الثقافي والتاريخي لا يعبر عن وجهة نظر منتدى قبيلة العوازم الرسمي بل يعبر عن وجهة نظر كاتبه )