حنا العوازم
 

ﻗﺼﻴﺪﺓ ﺣﻨﺎ ﺍﻟﻌﻮﺍﺯﻡ
ﻟﺸﺎﻋﺮ ﺍﻟﻌﻮﺍﺯﻡ ﺑﺎﻟﺴﻮﺩﺍﻥ ﻣﺴﻠﻢ ﺳﻠﻴﻤﺎﻥ ﻋﻮﺍﺩ ﺍﻟﻌﺎﺯﻣﻲ
.......
ﺍﻧﺎ ﺍﻋﺘﻘﺎﺩﻱ ﻭﺍﻋﺘﻤﺎﺩﻱ ﻋﻠﻰ ﺍﻟﻠﻪ
ﻭﻣﺤﻤﺪ ﺍﻟﻠﻲ ﺣﺎﻣﻞ ﺍﻟﻔﺮﺽ ﻭﺍﻟﺪﻳﻦ
ﻭﺭﺯﻗﻲ ﻋﻠﻰ ﺍﻟﻠﻲ ﻛﻮﻥ ﺍﻟﻜﻮﻥ ﻭﺃﻧﺸﺎﻩ
ﺍﻟﻠﻲ ﺧﻠﻖ ﻋﺒﺪﻩ ﻭﺑﺜﻪ ﻣﻦ ﺍﻟﻄﻴﻦ
ﻭﺍﻟﺸﻜﺮ ﻣﺎﻳﻨﻔﻊ ﻋﻠﻰ ﻏﻴﺮ ﻣﻌﻨﺎﻩ
ﺇﻻ ﺑﻌﺪ ﻣﺎﻳﺒﺘﺪﻥ ﻟﻪ ﺑﺮﺍﻫﻴﻦ
ﺍﺑﻦ ﺍﻟﺴﻌﻮﺩ ﻭﺳﻊ ﺍﻟﻠﻪ ﻣﺒﻨﺎﻩ
ﺑﻴﺾ ﺍﻟﻮﺟﻴﻪ ﻣﺮﺟﺤﻴﻦ ﺍﻟﻤﻮﺍﺯﻳﻦ
ﺇﻥ ﺍﺳﺘﻮﻯ ﺍﻟﻤﻴﺪﺍﻥ ﺑﻘﺼﺎﻩ ﻭﺍﺩﻧﺎﻩ
ﺿﺮﺑﺎﺗﻬﻢ ﺗﻄﻠﻊ ﻛﺒﻮﺩ ﺍﻟﻤﻌﺎﺩﻳﻦ
ﻭﻋﻘﺐ ﺍﻟﺮﺷﻴﺪي ﻭﺍﻟﻨﺒﻲ ﻣﺎ ﻧﺴﻴﻨﺎﻩ
ﺍﻟﻠﻲ ﻋﻠﻰ ﺍﻟﻄﻮﻻﺕ ﻭﺍﻟﺰﻭﺩ ﺿﺎﺭﻳﻦ
ﻟﻴﺎ ﺍﻧﺘﺨﻴﺖ ﺑﻬﻢ ﻳﺠﻮﻧﻚ ﻣﺴﺎﻭﺍﻩ
ﻭﻣﻴﻘﺎﻋﻬﻢ ﺩﻳﻤﻪ ﺑﺮﻭﺱ ﺍﻟﻤﺰﺍﺑﻴﻦ
ﻭﺣﻨﺎ ﺍﻟﻌﻮﺍﺯﻡ ﻋﺰﻣﻨﺎ ﻻ ﺗﺮﺍﺩﺍﻩ
ﻋﻴﺎﻝ ﺷﻴﺦ ‏(ﻥ ‏) ﻛﻠﻨﺎ ﻋﻨﻪ ﺭﺍﺿﻴﻦ
ﺇﻥ ﺟﻴﺘﻨﺎ ﻓﻴﻨﺎ ﺍﺣﺴﻦ ﺍﻟﻄﺒﻊ ﺗﻠﻘﺎﻩ
ﺗﻠﻘﻰ ﺍﻟﺤﺸﻢ ﻓﻴﻨﺎ ﻭﺗﻠﻘﻰ ﺍﻟﻘﻮﺍﻧﻴﻦ
ﻣﺎ ﻧﻔﺘﺨﺮ ﺑﺎﻟﻠﺒﺲ ﻟﻴﺎ ﻟﺒﺴﻨﺎﻩ
ﻭﺑﺄﻗﺪﺍﻣﻨﺎ ﻧﻤﺸﻲ ﻋﻠﻰ ﺍﻷﺭﺽ ﻫﺎﺩﻳﻦ
ﻭﻣﺎ ﻧﺘﺒﻊ ﺍﻟﺰﻟﻪ ﻭﻣﺎ ﻧﻜﺴﺮ ﺍﻟﺠﺎﻩ
ﻭ ﻣﺎ ﺣﻨﺎ ﻟﻜﺴﺎﺭ ﺍﻟﺨﻮﺍﻃﺮ ﺭﻓﻴﻘﻴﻦ
ﻭﻟﻴﺎ ﺍﻥ ﻃﻠﺒﻨﺎ ﺟﻮﺩﻧﺎ ﻣﺎ ﺑﺨﻠﻨﺎﻩ
ﻭﻣﺪﺍﺗﻨﺎ ﻳﻔﺮﺡ ﺑﻬﺎ ﻛﻞ ﻣﺴﻜﻴﻦ
ﻭﻟﻴﺎ ﻓﺰﻋﻨﺎ ﺍﻟﻠﻲ ﻓﺰﻋﻨﺎﻩ ﺟﺒﻨﺎﻩ
ﻭﻻ ﻋﻤﺮﻧﺎ ﺟﻴﻨﺎ ﻣﻦ ﺍﻟﻔﻴﺪ ﻣﺨﻠﻴﻦ
ﻭﺍﻟﺠﺎﺭ ﻟﻴﺎ ﻣﺎ ﻏﺎﺏ ﻋﻨﺎ ﺣﻤﻴﻨﺎﻩ
ﻟﻴﺎ ﻣﺎ ﻳﺠﻲ ﻭﺣﻨﺎ ﻷﺭﺿﻪ ﻣﺆﺍﻣﻴﻦ
ﻭﺣﻤﺎﻳﺔ ﺍﻟﻠﻲ ﺑﻴﺘﻬﺎ ﻣﺎ ﺗﻌﺪﺍﻩ
ﻣﺎ ﺣﺎﻣﺖ ﺳﻮﻕ ﺍﻟﺬﻫﺐ ﻭﺍﻟﺪﻛﺎﻛﻴﻦ
ﻏﺮﻭ ‏(ﻥ ‏) ﻋﻠﻰ ﻋﻮﺭﺍﺗﻬﺎ ﻣﺎ ﺗﺒﺎ ﺍﻭﺻﺎﻩ
ﻭﻣﺎ ﺟﺎﻟﺴﻮﻫﺎ ﺍﻟﻠﻲ ﻋﻠﻰ ﺍﻟﻌﻴﺐ ﺿﺎﺭﻳﻦ
ﻭﻛﻢ ﻣﻮﻗﻒ ‏(ﻥ ‏) ﻗﺎﺳﻲ ﻭﺣﻨﺎ ﻭﻗﻔﻨﺎﻩ
ﺑﻤﺠﻮﻫﺮ ‏(ﻥ ‏) ﻣﺼﻘﻼﺕ ﺍﻟﻤﺴﺎﻧﻴﻦ
ﻭﻛﻢ ﻣﺸﺮﻉ ‏(ﻥ ‏) ﻣﻘﻔﻮﻝ ﻭﺣﻨﺎ ﻓﺘﺤﻨﺎﻩ
ﻭﻓﻲ ﺿﻔﻨﺎ ﺷﺮﺑﻮﺍ ﺟﻤﻴﻊ ﺍﻟﻤﻮﺍﻟﻴﻦ
ﻭﺣﻴﻀﺎﻧﻬﺎ ﺗﻨﺴﻒ ﻋﻠﻰ ﺍﻟﺠﺎﻝ ﻣﻦ ﻣﺎﻩ
ﺟﻴﺪﻭﻣﻬﺎ ﻣﺎﺻﻔﻘﻮﻩ ﺍﻟﺨﺒﻴﺜﻴﻦ
ﻭﻛﻢ ﻋﺪ ﺣﺎﻣﻴﻨﻪ ﻭﺣﻨﺎ ﻭﺭﺩﻧﺎﻩ
ﻭﻇﻞ ﻟﺸﻴﺒﺎﻥ ﺍﻟﻐﻮﺍﺭﺏ ﻣﻬﺎﻃﻴﻦ
ﻭﺭﺍﻋﻴﻦ ﻣﺎﻝ ﻛﻞ ‏(ﻥ ‏) ﻳﺠﻴﺐ ﻃﺮﻳﺎﻩ
ﻣﺠﻮﺩﻳﻨﻪ ﻣﻦ ﺟﺪﻭﺩ ﻗﺪﻳﻤﻴﻦ
ﺟﺎﻧﺎ ﻣﻦ ﺍﻟﻠﻲ ﺣﻂ ﻭﺳﻤﻪ ﺑﻴﻤﻨﺎﻩ
ﻣﺎ ﺟﺎﺗﻨﺎ ﺷﺎﻳﻠﻴﻨﻬﺎ ﺑﺎﻟﺪﻭﺍﻭﻳﻦ
ﺗﻠﻘﻰ ﻋﻴﻦ ﺍﻟﻠﻲ ﺣﺴﻴﻨﻪ ﺣﻼﻳﺎﻩ
ﻣﺘﺨﺎﻟﻄﻪ ﻓﻴﻬﺎ ﺑﻜﺎﺭ ﺍﻟﻤﺰﺍﻭﻳﻦ
ﻭﺗﻠﻘﻰ ﺿﻌﺎﻳﻨﺎ ﻟﻴﺎ ﻧﺴﺎﻕ ﺗﺒﺮﺍﻩ
ﻣﺜﻞ ﺍﻟﻨﻌﺎﻡ ﺍﻟﻘﺮﺡ ﺍﻻﺯﺭﻕ ﺍﻟﻌﻴﻦ
ﻭﺍﻥ ﻻﺡ ﺑﺮﺍﻕ ﺍﻟﻤﺨﺎﻳﻞ ﺣﻜﺮﻧﺎﻩ
ﻭﺟﺒﻨﺎﻟﻪ ﺍﻟﻠﻲ ﻳﻘﻄﻊ ﺍﻟﺒﻌﺪ ﻓﻲ ﺣﻴﻦ
ﺣﺮ ‏(ﻥ ‏) ﻫﻤﻴﻢ ﻭﻳﻘﻄﻊ ﺍﻟﺒﻌﺪ ﻣﻤﺸﺎﻩ
ﻭﻣﺠﻠﺲ ‏(ﻥ ‏) ﺗﺤﺖ ﺍﻟﺮﺳﻦ ﺭﺍﺳﻪ ﻳﻠﻴﻦ
ﻭﺩﺭ ﺍﻟﺨﻠﻮﺝ ﺍﻟﻠﻲ ﻧﻔﺴﻚ ﺗﻤﻨﺎﻩ
ﻧﺼﺒﺢ ﻋﻠﻴﻪ ﻣﺤﺮﺛﻴﻦ ﺍﻟﻤﻮﺍﻋﻴﻦ
ﻭﺍﻟﻠﻲ ﻳﺒﻲ ﻣﻦ ﺫﻭﻗﺘﻪ ﻣﺎ ﺣﺮﻣﻨﺎﻩ
ﻣﺤﻀﺮ ‏(ﻥ ‏) ﻟﻀﻴﻮﻓﻨﺎ ﻭﺍﻟﻤﺮﻳﻀﻴﻦ
ﻳﺎ ﻧﺎﺷﺪ ‏(ﻥ ‏) ﻋﻨﺎ ﻛﻼﻣﻲ ﺗﺮﻭﺍﻩ
ﻫﺎﻙ ﺍﻟﺠﻮﺍﺏ ﺍﻟﻠﻲ ﻣﺴﻄﺮ ﺑﺘﺠﻨﻴﻦ
ﺍﻟﺴﺎﻟﻤﻴﻪ ﻳﻮﻡ ﺣﺮﺏ ﺍﻟﻤﻐﺎﺯﺍﻩ
ﻣﺎ ﺧﺎﻟﻄﻮﻫﺎ ﻣﺪﺭﺑﻴﻦ ﺍﻟﺸﻴﺎﻃﻴﻦ
ﺍﻟﻠﻪ ﺣﻤﺎﻫﺎ ﺑﺎﻟﻌﻴﺎﻝ ﺍﻟﻤﻨﻘﺎﻩ
ﻭﺿﻔﻮ ﻋﻠﻴﻬﺎ ﺍﻟﺴﺘﺮ ﺑﻴﺴﺎﺭ ﻭﻳﻤﻴﻦ
ﻭﺻﻼﺓ ﺭﺑﻲ ﻋﺪ ﻣﺎ ﺟﺒﺖ ﻃﺮﻳﺎﻩ
ﻭﺍﻋﺪﺍﺩ ﻣﺎ ﺻﻠﻮﺍ ﻋﻠﻴﻪ ﺍﻟﻤﺼﻠﻴﻦ

يا سلام عليك اخي مهند اختيار جميل منك

وصح لسان شاعرها