لقاء حصري مع النائب مخلد العازمي
 

تعقيبي على النائب الفاضل مخلد الحرشه مع احترامي الشديد له كشخص وابن عائله ولكن كلامي له الان موجه له كنائب وانا من الناس الي صوتولك يابوعبدالله ولي حق عندك
1) موعذر هذا للسريه يابوعبدالله خل النواب يقولون مايقولون والشعب يحاسبونهم بالغلط اما انك تحرمنا من العلنيه فهذا لا عذر لك فيه وصراحه عذر مااقتعني ومادام انك خارج من رحم الشعب الي هو نحن الاولى تصوت مع العلنيه عشان نشوف ونعرف مع العلم انك انت غلطت على نواب بالسريه وهذا الي عرفناه من الاخوه الاعضاء انت في السريه غلطت يعني سريه ولا علنيه ماتفرق بس ماتبي الناخبين يعرفون امور انت تداري عنها وعزالله اسيل تسوى 20 رجال.

2) تقول الاستجواب ولد ميت ومطبخ وشلون وصل الرقم ل23 صوت لعدم التعاون وشلون موجه لسمو الامير والامير ذات لا تمس لا في الشارع ولا في المجلس لو موجهه لسمو الامير جان سقط بعدم دستوريته يابوعبدالله الله يصلحك وبعدين ماشفت تقول الي حصل في ديوان الحربش خطا من الحكومه الا بعد الاستجواب وينك من قبله وبعدين شلون تقول عريت المستجوبين كان ودنا نعرف نسمع ونشوف الي جانا من كلامك في الجلسه شي ثاني يابوعبدالله .

3) انت جبتها على الجرح على الطعن في امنا عائشه دام تعرف ان الله برئها من فوق سبع سموات ليش مادافعت عنها وانت ممثلنا منو الاولى انك تستميت للحكومه او تستميت لزوجة خير البشر امنا الطاهره عائشه يابوعبدالله الله واكبر عليك.

4) كلمة معصي في جميع صحف الكويت انت قلتها عقب تجمع ابناء قبيلة العجمان لتغيير راي نوابهم في السريه والتعاون وانت يوم عرفت ان الدور جاي للقبيله طلعت في هالتصريح الي يقول (انا اقول معصي احد يفرض علي رايه انا الي يحركني قناعاتي وناخبين الدائره ) الحين منو اصحاب الدواوين الي كانوا لك الرقم الصعب وسبب نجاحك بعد الله عزوجل ديوان معرفي مثلا انا اقول ومتاكد انك يابوعبدالله مااجتمعت مع دواوين الدائره لان التوجهه كنت انت تعرفه ان نبي الجلسه علنيه وبعدين نحكم على عدم التعاون مو عشان محادثه مع احد اعضاء التكتل الشعبي والكل يعرف هالسالفه.

# اشكر الاخوة الطاقم الاعلامي ولكن لي عتب معاكم المفروض كانت الاسئله نحن من نطرحها له ومامدى صحة المعلومات الي عندنا #

_ اشكر النائب الفاضل بوعبدالله ولكن ردودك في المقابله بالنسبه لي ضعيفه جدا وماتقنعني وشكرا

فـ أنت لا تستطيع أن تفرق بين ما يسمى بالأوامر وما يسمى بالوصايا

وشغلك الشاغل منذ تسجيلك بالمنتدى هو خلط الأوراق


لذلك لن اعطيك ما تتمناه ;)