شبكة مجالس قبيلة العوازم الهوازنية - منتدى العوازم الرسمي

ياقلب

ياقلب لي نشده وابنشدك هالحين = شالي حصل منا على الدرب وش صار

وش حرك عروقك وفك الشرايين = واصبحت في جسمي كما الطير لي طار

ياقلب انا مااخطيت فالعسر واللين = وصبرن صبرته في مغبات الأخطار

ياصاحبي ما ذقت سم المزاين = من واحدن مر وتعدى على الدار

من مرته ياصاحبي ونظرت العين = ما عاد نصبر وانتحجج بالأعذار

مثل الظبي في مشيته حط سهمين = قمت اتوجد والحنايا كما النار

ادخلتني ياقلب فالسين والجين = واغرقتني في وسط غبات الأبحار

وقلعتني من ديرتي قلع دارين = وحذفتني في فعلتك حذف بالنار

وذكرتني وقتن مضالي مع الزين = وقت الشباب اللي تعدى والأفكار

ياما تسامرنا وكنا امتصافين = اثري الزمن يضحك علينا وغدار

راحت ليالينا كما لعب صفين = يوم انتهى كلن تفرق عن الدار

ياصاحبي ما نحمل الذنب ذنبين = لكن نحب الورد في عطرالأزهار

ريح ضميرك في حلا الناس أمرين = انشد وتلقى العلم في بعض الأخبار

والخاتمه ربك يعوض للأثنين = عن ما مضى وقتن وروح بالأعمار

الكاتب : عبدالله الهران