(( أبيات لم تكتمل ...!!!!
|
ياصاحبي ركز وثبت طريقك=أبيك تفهمني وتفتح أذانيك لاتشتكي للناس حزنك وضيقك=في ذا الزمن لاضقت كلن يجافيك وإن شفت زله لاتجامل رفيقك=بعض الرفاقه تسحبك للتهاليك |
تدري متى أرتاح منك وترتاح؟=مانيب قايل يمكن أقول وتروح
|
بسم الزمن والظروف وحظٍ مجمّد=أبعدت عنك وكل أنسان له ظرفه بس أن قلبي ترى ماهوب متعمّد=يقطع امواصل زبون الطيب والصرفه مد الوصل والوصل من صاحبك ممّد=وافي ودرب الغدر بموت ماعرفه شوف الحطب لو تروح سنين مارمّد=اقولها والقدم للطيب منجرفه لو منت غالي ترى ماأرسلت يامضمّد=جروح قلبي وهاك النفس معترفه |
اللي سواتك حشى ماتلحقه شرهه=جاهل ومن يتصل ويراسلك جاهل
|
مرّه تجيني ومرّه تبتعد وتروح=مدري طبيعه أو أنك تلعب بذيلك عقلي براسي وماني فالهوى مشفوح=صعبه إليا رحت من كيفك أناديلك أما تجي بحترام وهرجتك بوضوح=يايفتح الله لاتجيني ولاجيلك |
ودك تشوفيني وأنا كاره الشوف=الشوف وش يعني بدون المحبه؟ يعني أمثّل دور محرقني الجوف؟=وينك أنا مشتاق من غير سبه؟ عزالله أن الوضع بيّن ومعروف=وش لي بدربن فيه مية مطبه |
شلون أبنسى روح روحي وأنا حي=كاني نسيته يعرف أني توفيت هو الغلا كله ولعيوني الضي=لولاه ماجبت القصايد وغنيت دامه معي من دنيتي ماأبي شي=يكفي عطاني ربي اللي تمنيت |
أنا همومي غير وأفراحي أوهام=والحيل حتى الحيل ماعاد به حيل ياعونة الله مرّت شهور وأعوام=ماشفت للفرحه دروب ومداخيل أخذت من دنيا الحزن درع ووسام=موهوب في فن العنا والبهاذيل |
عطيتك الروح يابايع مشاعرها=لوكنت عارف من أول يوم خليتك مانيب قايل حسافه ليه تخسرها=اللي بقوله من الأعماق حبيتك |
الساعة الآن 06:28 AM. |
Powered by vBulletin® Copyright ©2000 - 2024, Jelsoft Enterprises Ltd. , Designed & TranZ By
Almuhajir
(جميع ما يكتب في هذا الملتقى لابناء قبيلة العوازم الثقافي والتاريخي لا يعبر عن وجهة نظر منتدى قبيلة العوازم الرسمي بل يعبر عن وجهة نظر كاتبه )