|
قصيدة بن فطيس للنقد لأختلال قافيتها
السلام عليكم ورحمة الله وبركاته
بدون مقدمات سوف ابدأ بنقد القصيده والتي كثر الخلاف عليها بالمنتديات وتم مجاملة صاحبها بلجنة شاعر المليون شروط كتابة القصيده هي القافيه الوزن المعنى فإن اختل احدهم أختلّت معه القصيده فالثلاث مكملات لبعضها البعض ومن الاخطاء التي يقع بها الكثير من الشعراء هو ما وقع بها الشاعر محمد بن فطيس بأخلال قافية قصيدته (( قافية العجز )) وسوف نقرأ القصيده وبعدها سوف أبدأ بالتعليق عليها من خلال وجهة نظري وسوف استمع لتعليقاتكم ووجهات نظركم للخروج بالفائده العامه بعض العرب حبـه يـوردك الجنـون ولا يوصف لـه غـلاه احكـاك لـه مايقنعه وصف الغلا لـو وش يكـون لو كل حـرفٍ بالحريـر يحـاك لـه الموت جـاك وهـو تقلبـه الضنـون ولا لك الا الصبر....وش وداك لـه؟ ان قلت ضايق..قال : هونهـا تهـون مايدري ان ضيقتك لـه وبكـاك لـه تقعد تحبه وانـت ساكـت ومغبـون يمكن بيوم يقال لـه مـا اوفـاك لـه وكانك مشكك هو يمون .. او ما يمون تخيّل ان عفـت الصبـر فرقـاك لـه غلاه من فـوق الغـلا ماهـو بـدون وحكاه سمعك يجبـرك بارخـاك لـه ودك تحطـه فالعيـون مـن العيـون وتبسط على رمضى الثرا يمنـاك لـه وتظله من الشمس في ظـل الجفـون ولا يمـر اذنـه سـوا لبـاك لــه وتسج مـن غيـره لونهـم يذكـرون ومنين ما سجت القـدم ممشـاك لـه غرو ٍ يميله التـرف ميـل الغصـون غصن ٍ ليـان ومكرمـه بسقـاك لـه جديله الى اقفى ستـر منـه المتـون كنّـي بريحـه لالتفـت لدعـاك لـه كيك وعسل لكن ماهو فـي صحـون ودعاك من عين الحسود اغطـاك لـه الله لا يعطـيـه نــاسٍ ينضـلـون ويستر عليـه مـن النحـل لا ياكلـه الوصف والتعبير في وصفـه يخـون غير اطلب الله يستجيب ادعـاك لـه وعذال قلبـك فـي محبتـه يهبـون سكينهـم عـن قطـع حبلـه حاكلـه ناس ٍ عن اعراض العرب ما يعرضون ودايم على نفـس الشكـل والشاكلـه اللـي مـن لحـوم الاوادم ياكـلـون وحلوقهـم دافـع الـبـلا متواكـلـه فـي سلمهـم اولا بالاكـل الاقربـون واطيبهم اللـي صيدتـه شكـواك لـه يدعيهـم الشيطـان للذنـب ويجـون هـذا يقـطـع لــه وذاك يواكـلـه يا جعلهم فدوة ثـر الغـض الفتـون اللي على الدرب الطويل اخطـاك لـه طيفه الى نـام البشـر زارك بهـون وطيفك الى نـام البشـر سـرّاك لـه حبه دفان ومقبـرة خضـر الطعـون بيـن العظـام العـوج كنـك ناكـلـه اللي كذا حبـه لـو تمـوت مغبـون ولا لك الا الصبـر .. وش وداك لـه هنا سوف ابدا بالشرح لقافية العجز والمعروف هو ان القصيده يلتزم شاعرها بقافية اول بيت يكتبه ان كانت مقفاه هنا اول بيت بعض العرب حبـه يـوردك الجنـون ولا يوصف لـه غـلاه احكـاك لـه قافية الصدر اوون وقافية العجز له كلمة (( احكاك له )) ليس كل حروفها سليمه فالكلمه السليمه هي احكاك اما كلمة (( له )) فهي فالشاعر التزم بأغلبية القصيده بقافية آآك وليس ( له ) وانما اتت كلمة ( له ) للمخاطبه واستقامة الوزن فقط ولكن هنا نرى الخطا الذي وقع به بدون ان يشعر وبمجامله من لجنة التحكيم وهو اننا عرفنا ان القافيه السليمه هي احكاك آآك لأننا لو رجعنا كل كلمة لمعناها الصحيح سوف نعرف ان القافيه هي على آآك مثال : احكاك - يحاك - وداك - بكاك - فرقاك - ارخاك - يمناك عرفنا الكلمه المبني عليها القافيه وهي وعرفنا القافيه التي هي (( آآك )) ولكن نأتي هنا لنجد التلاعب بالقافيه بدون شعور البعض ياكله - شاكله - متواكله - يواكله ناكله نجد هنا عدم تقطيع الكلمه لانها كلمة واحده فقط ولو حاولنا بها لأختل المعنى مثال : ياكله لو حاولنا ان نقطعها ونجعل القافيه على آآك مثل باقي الكلمات سوف يضعف المعنى ياك له شنو يااك ؟؟ فهنا عرفنا ان الكلمه لا تتجزأ مثل باقي الكلمات في البدايه فالاختلال بالقافيه موجود سواء ارجعنا اسس القافيه على آآك او اعتمدناها على له بالرجوع الى جعل قافيه العجز آآك يختل المعنى بخمس ابيات ياكله وشاكله الخ اما اذا قلنا ان القافيه على له فسوف نعرف ان له قد سرت كثيرا ً بالقصيده حيث ان اغلب القصيده واضحه بأن له للمخاطبه الا بخمس ابيات فقط اللي هي ياكله مشاكله الخ انتظر ردودكم للفائده |
وعليكم السلام ورحمة الله وبركاته
بدون مقدمات مثل ما قلت .... موضوع جميل ولكن ! اخي قافية العجز فالقصيدة هي (أأك) وكلمة (له) كانت ثابته وهي من حق الشاعر ... وانا من وجهة نظري اشوف ان القصيده وافيه ومافيها اي مجال للنقد شكرأ للنقد :) وانا في انتظار الردود وربما استفيد :) تحياتي |
والله يالغلا الذباح
انت شاعر مبدع وكبير اما بالنسبه للقافيه انا من وجهة نظري البسيطه مافيها شي وهو اجادها تحياتي لك |
السلام عليكم
القصيده بنظري ما فيه شي وأجاد ابن فطيس فيها |
اقتباس:
الغالي احمد المسفر ياهلابك يالسنافي ونورت الصفحه فأنا من وجهة نظري ان القافيه على آآك كما انت توافقت معي على آآك ولكن هنا اوجه لك سؤال بما انك مقتنع ان القافيه على آآك الله لا يعطـيـه نــاسٍ ينضـلـون ويستر عليـه مـن النحـل لا ياكلـه هنا قافية العجز له وليست آآك لاننا لو جزّءنا الكلمه الى ياك لتتوافق مع القافيه يضعف المعنى وتكون كلمة ياك ليس لها اي معنى وانت قلنا ان قافية ياكله هي له لاختلت القافيه الصحيحه وهي آآك فبتلك الحالتين الخلل موجود بالقصيده من ناحية القافيه بنتظار ردود الشعراء والناقدين للاستفاده |
اقتباس:
فيصل بن عويمر ياهلابك يالسنافي ونورت الصفحه وياهلا بوجهة نظرك ولكني أسألك عن قافية العجز هل هي على آآك او على له ؟؟؟ |
اقتباس:
مافيك حيله ياهلابك يالسنافي ومرحبا بردك ولكني اسالك هل القافيه على آآك ام على له ؟؟ وان كانت على له كما يتوهم البعض لو ادخلنا كلمة مساءله بقافية العجز هل تعتبر سليمه ام لا مع توضيح السبب ان كانت سليمه وكذلك مع شرح السبب ان كانت غير سليمه |
الاخ الغلا
اختلاف الراي لا يفسد للود قضيه ... وانا اختلف ليش انت تفصل اك عن له ليش ما نقول ان القاف (اكله) ؟ ها هي النقطه التي اردت ان اوضحها فـ بالنهايه قاف العجز هو (اكله) تحياتي ومودتي |
مساك الله بالخير يالغلا الذباح القافيه علي اربع احرف ومادام الاحرف الاربع تنطق كامله باخر البيت فالقافيه سليمه وشكرا |
اقتباس:
الشاعر كان مركز على القاف أك ولكن اعقتد في كلمه ياكله على نفس القاف لو تفككها مع العلم بالنطق تختلف ياكله عن احكاك له ولكن يمكن ثقافتك الشاعر تخليه يقرا ماينطق ;) ومافي قصيده كامله يالامير تحياتي لك |
| الساعة الآن 07:45 PM. |
Powered by vBulletin® Copyright ©2000 - 2024, Jelsoft Enterprises Ltd. , Designed & TranZ By
Almuhajir
(جميع ما يكتب في هذا الملتقى لابناء قبيلة العوازم الثقافي والتاريخي لا يعبر عن وجهة نظر منتدى قبيلة العوازم الرسمي بل يعبر عن وجهة نظر كاتبه )