|
لا ماعلي أظرار
لاماعلي أظرار يانسل الاحرار=لوشفتني مملك من النوق ناقه أنا أشكرك يالقرم ياطير سنجار=على إهتمامك والوفا والطلاقه خذ مني اللي بالدجى مثل الانوار=مثايلن جزلات ماهي دقاقه أنا ليا ذوقني الوقت الامرار=ماقلت وقتي شين مرن مذاقه مشكي على الصاحب ولاأشكي على الجار=ولاعلى من ينكرون الصداقه أعنز الشكوى على رب الاقدار=الواحد اللي وبل الامزان ساقه على عباده وثمرت منه الاشجار=وستربه مصلاحن الجدب عاقه الرزق ممتدن من الله بالاقطار=مافيه مخلوقن خرج من نطاقه إما يجى بالستر وكفاية أظرار=وإلا بمالن حايق الخير حاقه ماجنب اللي لاوقف بالعصا سار=ولا كسيرن كسر الحرب ساقه شف فضل رب البيت فى كل الابحار=والخلق دايم يحدقونه حداقه إمعشي الانسان والطير لاطار=يغطس وياخذ لقمته من زراقه لوقلت لدينار تنساق الاشعار=قلت المنافق مانطبق نفاقه وإن قلت خل النار قلت إلك بالنار=عودن مطيّب سمعته بحتراقه ماني وأنا إبن ضريس للناس طرار=ولاهبيلن عايشن بالحماقه بيني وبين العز والمجد والكار=عهدن مايسمح بنفراط العلاقه الفقر خلاني على الجوع صبار=والوقت درسني قوي إصطفاقه ياما شربت المر من حوض الاكدار=وأقول هذا اللي عشقته عشاقه عزن يشيدلي على المجد تذكار= ولابذلن بالحضيض إنزلاقه ماعمري أبدن قلت للناس الاخيار=يااهل الوفا مدو من الجود باقه متصبرن وأدير بالحال الافكار=وأقول هذا ضعف وهذيك طاقه مبغى المهونه من هل الشين والعار=اللي مافيهم للفقارا شفاقه ناسن ماترحم من هوت فيه الاخطار=ولا يتيمن صافي الوقت باقه هافين لاحسنه ولابر وإعمار=ولا عن الشينه تمد إنفهاقه لامسجدن يبنى من اموال الاشرار=ولابسلمن تنمدح بعتناقه حطولهم قدام خلق الله إشعار=البخل إهو ساس الوفا والعراقه صحيح عن ذولا من الناس الابرار=شفت الكرم واللي عجيبن سياقه أفضالهم ماتعد بكبار وصغار=ماسجلت لجل الريا بالبطاقه تهطل على محتاجها مثل الامطار= يالين عنه الفقر يطوى رواقه هم عقب رب البيت بالموسم الحار=عزن يفك إمن الحزين إختناقه لاكن أنا للجهد لديت الانظار=ثم قلت قولن ماسرقته سراقه إيجنب المسكين معروف الاخبار=ولايفك اللي عليه إنطباقه الذل ماله غير مذموم الاذكار=اللي ماقدم للمهونه طلاقه والعار ماله غير مقصور الاشبار=اللي على اللقمه تجى له طفاقه وأنا رجل مالي مع النذل محدار=حتى لو إن الياس زال اللياقه مانيب مسكينن ولاعندي أعذار=ولا بفضل الله طريح الاعاقه والله ماقول إمن الدنانير دينار=ياهل الوفا واهل الكرم واللباقه إما أنقبر بالفقر من حض قبار=وإلا انتهض للرزق ودخل سباقه تجارتن تردع بلا الوقت لاجار=وفراق من نذبح ذبيحة فراقه بعيش مستورن من الله بستار=يومن علي عزه ماغاب إنبثاقه واخر ماقوله قبل قصاف الاعمار= يالله منك اللي جويدن وثاقه ممات حرن ماغداله ولاثار=ولاحيات اللي يخلي طراقه |
صح الله السانك
|
اقتباس:
تقبل تحياتى |
صح السانك قصيدة حلوة
|
صح بدنك ولاهنت على المرور
تحياتى وحترامي |
صح الله لسانك ،
|
| الساعة الآن 11:16 PM. |
Powered by vBulletin® Copyright ©2000 - 2024, Jelsoft Enterprises Ltd. , Designed & TranZ By
Almuhajir
(جميع ما يكتب في هذا الملتقى لابناء قبيلة العوازم الثقافي والتاريخي لا يعبر عن وجهة نظر منتدى قبيلة العوازم الرسمي بل يعبر عن وجهة نظر كاتبه )