عيني اللي تمنى شوفتك من قريب=لاحصلي نسيت هموم قلبي وعناي
خاطري ياحبيبي قبل شمسي تغيب=نجتمع مع بعضنا وانسى همي وراي
ومن شفاتك تداوي جرح قلبٍ عطيب=وفي عيونك غرامي وراحتي يامناي

انا لي حبيب(ن) ماخذ(ن) فكري بذكراه=بعيد الديار وكن زوله قدم عيني
سكن بالخفوق وحط وسط الحشا مركاه=عشقني وانا لجله كسرت القوانيني
اهوجس بذكره والفكر دايم بطرياه=وإذا غاب عن عيني خياله يباريني
حسين الوصايف جعل كل العرب تفداه=ويفداه كل اللي مضى وباقي سنيني
بزين العرب ماشفت مثله ولا حلياه=ملك بالحسن كل التواصيف والزيني

البارحة مابين ذكراها وعذبات القصيد=سرّتني طـيــوف الغرام اللي خـذتـنـي يمّها
الجادل اللي حبها يجري بشريان الوريد=اللي حوى حب العرب في وسط قلبي ضمّه

سليت من الهوى والشوق جاني=وذكرني زمانٍ قد نسيته
غرامٍ عشت فيه أحلى الأماني=مع اللي صدق من قلبي هويته

مالـوم شيـبي لو ظـهـر قبل حينه=قبله ظهر شـيـب العــيـون وعـناها
يوم العرب تفرح ونـفـسي حزينه=مـحـدن درى بالـحــال والي دهاها
أخفي هـمـوم القلب وأكـتـم ونيـنه=وأسـايـر ظروف الزمــان وغـثاها
الـروح صارت وسـط هـمي رهينـه=والعــين جاها من الـسـهـر ماكفاه

يامل عينٍ سهرها زاد=من يوم فارق نظر عيني
تسهر ولاتبغي المرقاد=والهم عيّا يخليني

إبتعدنا عن بعَضنا وإلتقينا من جديد=كل مانبعد نعوُد وكل ماعدنا ابتعدنا

تفارقنا بدون اسباب وكلن راح في دربه=ظروف الوقت والدنيا كفانا الله بلاويها

والله اني تو ماذقت السعاده والهنا=لذتن حسيت فيها مبطيٍ عيّت تجي

انا طبيب القلب وعلاج همّه=أداوي جروحه وأسهّل علاجه

يالله يامنشي سحابٍ بها رعود=اللي تسر أهل الحلال برعدها
ياحيّ يارحمان يامنبع الجود=ياواحدٍ كل الخلايق وجدها
تغفر لمنهو تحت رحمتك موجود=وسط المقابر ساكنٍ في لحدها
طرى عليّ العود والعالم رقود=وفاضت عيوني بالمدامع بعدها

الله يعين السفايف من عنا ذا الطريق=والله يعين المواتر زادت حمولها
ياصاحبي لاتحاتي صاحبك مايضيق=يطوي دروب السفر ماينظر لطولها

لبـيه ياللي تطلـب الوصل لبـيه=لبـيه لو كان الجفا وصــل حده
لبى الغلا والصوت ياحي راعيه=لبى الحبيب اللي ذبحـني بصده
درب الهوى من دون حضرتك مابيه=يامـن خفـوقـي صار كله بيدّه

ألا يا(.....) لا تشتكين. الزمن معروف=مابين الفرح والحزن هذي عذاريبه
ولو كنت ابخفي مابصدري ترى مكشوف=يبان الحزن بالوجه والراس به شيبه
ولكن تجاهلت الكدر. والفرح مخلوف=وسايرت خلق الله على العز والطيبه

قالت وش اللي يمنعك ماتغزل ؟=قلت الحيا يمنع قلوب الرياجيل

توّ الهوى مازان في خافقي توّ=توّي عرفت الحب لذه ومعنا
جوّ الـغـلا في داخلي قام يحلوّ=كني ملكت الكون يوم اجتمعنا

تكفون ( دانه ) في ذمتكم=من بد كلّ الوراعيني
أمانة الله وامانتكم=لحدٍ يضايق نظر عيني

من يقول الحب الأول خذا زود الغلا=اشهد إنه مالقا عن هوى الأول بديل

وصالك غاية العين ومناها=وبُعدك محرقٍ قلب يعاني
ولكنّ الظروف اللي اجبرتنا=وحظي في مواصلكم عصاني
تفارقنا وحبك مانسيته=جفيتك مير حبك ماجفاني
فمان الله ياأغلى من عرفته=فمان الله يانبظي وكياني