الظلام يزيد الاوهام للقلب الصبور=من خسر,,, يكسب مع( الليل) ضيقه دايمه ,,,,
( والفجر ) غزارة الدمع من عين الغيور=لاتذكر هايم القلب طعنة هايمه ,,,,
( والصباح ) اعادة الروح في عزم الجسور=وتهيأه ,, لمجابهة ناس كانت صايمه ,,,,
( والظهر ) جلسه مع النفس ولحسم الأمور=للي من عقب الملذات نفسه شايمه ,,,,
شفتي كل اللي ذكرناه من بين السطور=كلها مريتها فيك وانتي نايمه ؟؟؟
البشر لو كان تدري بما تخفي الصدور=والله ان نص المخاليق ضمن القايمه ,,,,
لي متى يازهرة النفس وانفاس الزهور=تسمحين بفرصة اللوم لأهل اللايمه ,,,,
لي متى ياعطر الارواح ياروح العطور=والطيور بكل الاحزان فوقي حايمه ,,,,
الغني بالنفس عندك على بند الأجور=وعندك أجواء القرارات دايم غايمه ,,,,
شاعره لكن بالاحساس ماعندك شعور=دام أنا في معترك ضيق وانتي نايمه ,,,,